ရုရှားတပ်မတော်၏ Shahed မောင်းသူမဲ့လေယာဉ်များသည် ယူကရိန်းတို့သိမ်းပိုက်ထားသည့် Zaporozhye မြို့တွင် တိုက်ခိုက်မှုများပြုလုပ်ခဲ့ကြကြောင်းသိရှိရပါသည်။
Zaporozhye ရေအားလျှပ်စစ်ဓာတ်အားပေးစက်ရုံ၏ ပိုင်နက်တစ်နေရာတွင် ဒုံးကျည်များကျရောက်ခဲ့ကြောင်း ဒေသတွင်းမီဒီယာများကဖော်ပြခဲ့ကြပါသည်။
မြို့တွင်း မီးလောင်ကျွမ်းမှု အများအပြားဖြစ်ပွားခဲ့ကြောင်း ဒေသတွင်းဘလော့ဂ်များက ပြောဆိုကြပြီး မြို့၏တစ်စိတ်တစ်ပိုင်းတွင် လျှပ်စစ်မီး ပြတ်တောက်သွားကြောင်းလည်း သိရှိရပါသည်။
ရီယိုဒီဂျနေးရိုး နိုဝင်ဘာ ၁၈
ဆင်းရဲနွမ်းပါးမှု၊ ရာသီဥတုဆိုင်ရာပြောင်းလဲမှုစသည့် ကမ္ဘာလုံးဆိုင်ရာကိစ္စရပ်များကို ညှိနှိုင်းဆွေးနွေးရန်အတွက် အဓိက စီးပွားရေးအင်အားကြီး နိုင်ငံ ၂၀ မှ ခေါင်းဆောင်များသည် နှစ်ရက်ကြာ ဂျီ-၂၀ ထိပ်သီးဆွေးနွေးပွဲကို ဘရာဇီးနိုင်ငံ ရီယိုဒီဂျနေးရိုးမြို့၌ နိုဝင်ဘာ ၁၈ ရက်တွင် စတင်ခဲ့ကြောင်း သိရသည်။
နိုဝင်ဘာ ၁၈
ကမ္ဘာ့ငွေကြေးရန်ပုံငွေအဖွဲ့ (IMF )၏ ခန့်မှန်းချက်အရ တစ်ဦးချင်း ပြည်တွင်းအသားတင် ကုန်ထုတ်လုပ်မှုတန်ဖိုး ( GDP per capita) အလိုက် ၂၀၂၄ ခုနှစ် ကမ္ဘာ့အချမ်းသာဆုံး နိုင်ငံ ၁၀ နိုင်ငံကို အိန္ဒိယနိုင်ငံ Forbes က စာရင်းထုတ်ပြန်လိုက်ပါသည်။
နိုဝင်ဘာ ၁၈
တူရကီသမ္မတ Recep Tayyip Erdoğan သည် G20 ထိပ်သီးအစည်းအဝေးတွင် ယူကရိန်းနိုင်ငံအတွက် ငြိမ်းချမ်းရေးအစီအစဉ်ကို တင်ပြသွားမည်ဖြစ်ကြောင်း Bloomberg သတင်းဆောင်းပါး၏ ဖော်ပြချက်အရ သိရှိရပါသည်။
တူရကီသမ္မတ၏ ငြိမ်းချမ်းရေးအစီအစဉ်တွင် ယူကရိန်း ရှေ့တန်းစစ်မျက်နှာကို ရပ်တန့်စေမည်ဖြစ်ပြီး၊ ယူကရိန်းနိုင်ငံက နေတိုးအဖွဲ့ကို အနည်းဆုံး ဆယ်နှစ်ကြာ မပူးပေါင်းဖို့ သဘောတူရမည်ဖြစ်ပြီး၊ ထို့အတွက် ယူကရိန်းကို စစ်ဘက်ဆိုင်ရာ အထောက်အပံများ ပေးမည်ဖြစ်ကြောင်း၊ Donbas ဒေသ ရှိ စစ်မဲ့ကြားခံဇုန်တွင် နိုင်ငံတကာ ငြိမ်းချမ်းရေးထိန်းသိမ်းသူများကို နေရာချခွင့်ပေးရန် ပါရှိကြောင်း ရေးသာဖော်ပြထားပါသည်။
နိုဝင်ဘာ ၁၈
ယူကရိန်း၏ပင်လယ်နက်ဆိပ်ကမ်းမြို့ဖြစ်သည့် Odesa မြို့တွင် ရုရှားတပ်မတော်၏ တိုက်ခိုက်မှုကြောင့် သေဆုံးသူ ၁၀ ဦးအထိ မြင့်တက်လာပြီး ၄၃ ဦး ဒဏ်ရာရရှိခဲ့ကြောင်း the guardian သတင်းဌာနက ဖော်ပြထားပါသည်။
ကနဦး သတင်းများအရ Odesaမြို့တွင် ရုရှားတပ်မတော်၏တိုက်ခိုက်မှုကြောင့် လူ ၈ ဦး သေဆုံးပြီး ၁၈ ဦး ဒဏ်ရာရရှိခဲ့တယ်ကြောင်း မြို့တာဝန်ခံအရာရှိတွေက ပြောကြားခဲ့ပါသည်။
ထို့နောက် တိုက်ခိုက်မှုအတွင်း လူ ၁၀ ဦး သေဆုံးပြီး ၄၃ ဦး ဒဏ်ရာရရှိခဲ့ကြောင်း ယူကရိန်းနိုင်ငံ အရေးပေါ်ဝန်ကြီး ဌာနက ထုတ်ပြန်ထားကြောင်း ဖော်ပြထားပါသည်။
Source: theguardian.com
အမေရိကန်နှင့် တရုတ်တို့အကြား ပြည်သူများ၏ အကျိုးစီးပွါးအတွက် နှစ်နိုင်ငံဆက်ဆံရေးတိုးတက်ခိုင်မာလာစေရန် ဇန်နဝါရီလတွင် တက်လာမည့် အမေရိကန်အစိုးရသစ်နှင့် ပူးပေါင်းဆောင်ရွက်ရန်အသင့်ဖြစ်ပါကြောင်း APEC အစည်းအဝေးတက်ရောက်နေကြသည့် တရုတ်သမ္မတရှီက အမေရိကန်သမ္မတဘိုင်ဒန်ကို ပြောကြားလိုက်ပါသည်။
G20 အစည်းအဝေးကို ၂၀၂၄ ခုနှစ် နိုဝင်ဘာလ ၁၈ ရက်မှ ၁၉ ရက်အထိ ဘရာဇီးနိုင်ငံ Rio de Janeiro မြို့၌ ကျင်းပပြုလုပ်မည်ဖြစ်ပါသည်။ G20 တွင် အမေရိကန်၊ ရုရှား၊ တရုတ်၊ ဂျာမနီ၊ ဗြိတိန်၊ ဘရာဇီး၊ အိန္ဒိယနိုင်ငံများအပါအဝင် ၁၉ နိုင်ငံက အဖွဲ့ဝင်အဖြစ် ပါဝင်ပါသည်။ ယခုအစည်းအဝေးသို့ အဖွဲ့ဝင်နိုင်ငံများမှ နိုင်ငံခေါင်းဆောင်များအပြင် အာဖရိကသမဂ္ဂနှင့် ဥရောပသမဂ္ဂခေါင်းဆောင်များပါ တက်ရောက်ကြမည်ဖြစ်ကြောင်း သိရှိရပါသည်။
ဘရာဇီးနိုင်ငံသည် G20 အလှည့်ကျဥက္ကဌတာဝန်ကို ၂၀၂၃ ခုနှစ် ဒီဇင်ဘာလ ၁ ရက်မှ ၂၀၂၄ ခုနှစ် နိုဝင်ဘာလ ၃၀ ရက်အထိ တာဝန်ယူလျက်ရှိပါသည်။
ဖနောင်ပင် နိုဝင်ဘာ ၁၇
ကမ္ဘောဒီးယားနိုင်ငံ၏ သုံးရက်တာ ရိုးရာရေသဘင်ပွဲတော်အတွင်း ပြည်သူ ၆ ဒသမ ၂ သန်းကျော် ပါဝင်ဆင်နွှဲခဲ့ကြောင်း ခရီးသွားလာရေးဝန်ကြီးဌာနက နိုဝင်ဘာ ၁၇ ရက်တွင် ပြောကြားသည်။
နိုဝင်ဘာ ၁၄ ရက်မှ ၁၆ ရက်အထိ ကျင်းပသည့်ရေသဘင်ပွဲတော်သည် အရှေ့တောင်အာရှနိုင်ငံများတွင် ပျော်ရွှင်စရာအကောင်းဆုံးပွဲတော်များအနက်တစ်ခုဖြစ်သည်။ နိုင်ငံတစ်ဝန်းမှ ပြည်သူများသည် ရေသဘင်ပွဲတော်၏ အထင်ကရတစ်ခုဖြစ်သည့် လှေပြိုင်ပွဲကျင်းပရာ မြို့တော်၏ မြစ်ကမ်းနားသို့ လာရောက်ကြည့်ရှုခဲ့သည်။
