စင်ကာပူနိုင်ငံ၏ NTU ကောလိပ်ကျောင်းသူ ရာဖီလာဂွါတာမာသည် ခန္ဓာကိုယ် တဖြည်းဖြည်းချင်း “ကျောက်တုံး” ကဲ့သို့ လှုပ်ရှား၍ မရဖြစ်လာသော ရှားပါးရောဂါ ခံစားနေရကြောင်းဆိုသည်။

ကမ္ဘာ့ထိပ်တန်း AI (ဉာဏ်ရည်တု) ကုမ္ပဏီဖြစ်သည် Open AI ကို အီလွန်မက်စ်က အမေရိကန်ဒေါ်လာ ၉၇.၅ ဘီလီယံဖြင့်ဝယ်ယူမည်ဟု ကမ်းလှမ်းလိုက်ကြောင်း သိရပါသည်။ ၎င်းက လူသားများ၏ အကျိုးစီးပွားကို နည်းပညာနှင့် အထောက်အကူဖြစ်စေရန် Open AI ကို ဝယ်ယူကာ အဆင့်မြှင့်တင်ကာ တိုးတက်စေရန် လုပ်ဆောင်သွားမည် ဟု ဆိုပါသည်။ 

အမေရိကန်အစိုးရက နေတိုးအနေဖြင့် ကာကွယ်ရေးစရိတ်ကို တိုးမြှင့်စိုက်ခံသင့်သည်ဟု ပြောကြားခဲ့မှုအပေါ် အီးယူကော်မရှင်ဥက္ကဋ္ဌ အာဆူလာ ဗွန်ဒါလီယန်က နေတိုးအဖွဲ့အနေဖြင့် မိမိကာကွယ်ရေးကို ကိုယ်တိုင် ဂရုစိုက်ရန် လိုအပ်လာပြီး ပြုပြင်ပြောင်းလဲရေး လုပ်ဆောင်ရန် လိုအပ်နေကြောင်း ဆိုလိုက်ပါသည်။ 

ဂါဇာကမ်းမြောင်ဒေသ Netzarim စင်္ကြံမှ အစ္စရေးတပ်များ ဆုတ်ခွာသွားပြီဖြစ်ကြောင်း ပါလက်စတိုင်း အစ္စလမ်မစ်တော်လှန်ရေး လှုပ်ရှားမှုအဖွဲ့(ဟားမက်စ်) အရာရှိတစ်ဦးက ဖေဖော်ဝါရီ ၉ ရက်တွင် ပြောကြားခဲ့သည်။

Netzarim စင်္ကြံရှိ စစ်ကင်းစခန်းများကို အစ္စရေးတပ်က ဖျက်သိမ်းသွားပြီဖြစ်ပြီး ဂါဇာကမ်းမြောင် တောင်-မြောက်ဆက်သွယ်ရာလမ်းဖြစ်သည့် Salah al-Din လမ်းရှိ တင့်ကားများ ဆုတ်ခွာကာ ကားလမ်းကြောင်း နှစ်ဖက်တွင် မော်တော်ယာဉ်များကို လွတ်လပ်စွာသွားလာခွင့်ပြုထားကြောင်း ဟားမက်စ် အရာရှိတစ်ဦးက အေအက်ဖ်ပီ သတင်းဌာနကို ပြောကြားခဲ့သည်။

ဆိုးလ်  ဖေဖော်ဝါရီ ၁၀

တောင်ကိုရီးယားနိုင်ငံ၌ ရေနံသိုလှောင်ကန် ပေါက်ကွဲမှုကြောင့် အလုပ်သမားတစ်ဦးသေဆုံးပြီး အခြားတစ်ဦး ဒဏ်ရာရခဲ့ကြောင်း ယနေ့ ဆင်ဟွာသတင်းအရ သိရသည်။

ဆိုးလ်မြို့တော် အရှေ့တောင်ဘက် ကီလိုမီတာ ၃၀၀ ခန့်အကွာ အူဆန်ရှိ စက်ရုံတွင် ယနေ့ဒေသစံတော်ချိန် နံနက် ၁၁ နာရီ ၁၅ မိနစ်ခန့်တွင် ပေါက်ကွဲမှု ဖြစ်ပွားခဲ့ခြင်းဖြစ်သည်။

ဖနောင်ပင်  ဖေဖော်ဝါရီ ၁၀

ကမ္ဘောဒီးယားနိုင်ငံ၏ ပြည်ပကုန်သွယ်မှုပမာဏသည် ၂၀၂၅ ခုနှစ် ဇန်နဝါရီလတွင် အမေရိကန်ဒေါ်လာ ၅ ဒသမ ၀၅ ဘီလီယံအထိရှိခဲ့ပြီး ယမန်နှစ် အလားတူ ကာလကထက် ၂၄ ဒသမ ၆ ရာခိုင်နှုန်း တိုးတက်လာကြောင်း ယနေ့တွင် တရားဝင်ထုတ်ပြန်ခဲ့သည်။

အစ္စတန်ဘူလ်  ဖေဖော်ဝါရီ ၁၀

ပါလက်စတိုင်းများကို ၎င်းတို့၏ မွေးရပ်မြေမှ ဖယ်ရှားပိုင်ခွင့်ဩဇာ မည်သူမှာမျှမရှိကြောင်း တူကီယဲသမ္မတ ရီဆက်တေရစ် အာဒိုဂန်က ဖေဖော်ဝါရီ ၉ ရက်တွင် ပြောကြားလိုက်သည်။

ဂါဇာဒေသခံများကို ၎င်းတို့၏ မူလဇာတိမြေကနေ နှင်ထုတ်ပိုင်ခွင့်ဩဇာ မည်သူ့မှာမျှမရှိကြောင်း၊ ဂါဇာကမ်းမြောင်၊ အနောက်ဘက်ကမ်းနှင့် အရှေ့ဂျေရုဆလင်ဒေသအားလုံးမှာ ပါလက်စတိုင်းလူမျိုးများပိုင်ဆိုင်သော ဒေသများဖြစ်ကြောင်း သုံးနိုင်ငံအာရှခရီးစဉ်မထွက်ခွာမီ အတာတက်ခ်လေဆိပ်၌ အာဒိုဂန်က ပြောသည်။

11 February 2025

11 February 2025

     ၂၀၂၅ ခုနှစ်၊ ဖေဖော်ဝါရီ ၇ ရက် နံနက် ၁၀ နာရီ ၅ မိနစ်တွင် ရှမ်းပြည်နယ်(အရှေ့ပိုင်း)၊ မိုင်းတုံခရိုင်ရဲတပ်ဖွဲ့မှ ရဲတပ်ဖွဲ့ဝင်များ၊ နယ်မြေခံတပ်မတော်သားများ ပါဝင်သောပူးပေါင်းအဖွဲ့သည် မိုင်းတုံမြို့နယ်၊ ဂေါ်တောကျေးရွာ၏မြောက်ဘက်နှင့် အနောက်မြောက်ဘက်တို့မှ အမြင့် သုံးပေခန့်ရှိ ဘိန်းခင်း သုံးဧကခန့်အား ဖျက်ဆီးခြင်းများဆောင်ရွက်ခဲ့ကြောင်း သတင်းရရှိသည်။

Source: www.moha.gov.mm

11 February 2025