အစ္စရေးဝန်ကြီးချုပ်နေတန်ရာဟုက ဟားမတ်စ်လက်နက်ကိုင်အဖွဲ့ အနေဖြင့် ပြန်လွှတ်ပေးရန် ကျန်ရှိနေသူများကို ဖေဖော်ဝါရီ ၁၅ ရက် အထိ ပြန်မလွှတ်ပေးပါက အပစ်ခတ်ရပ်စဲရေးပျက်စီးသွားမည်ဖြစ်ကြောင်း သတိပေးခဲ့သည်။ အစ္စရေးနှင့်ဟားမက်စ်လက်နက်ကိုင်အဖွဲ့တို့သည် အမေရိကန်နိုင်ငံ၏ ကြားဝင်စေ့စပ်ပေးမှုကြောင့် ယာယီအပစ်ခတ်ရပ်စဲရေးရယူနိုင်ခဲ့ပြီး ဖမ်းဆီးထားသူများကို အပြန်အလှန်ပြန်လွှတ်ပေးရန် သဘောတူညီခဲ့ကြောင်းသိရသည်။ 

မန္တလေးတွင် လုံခြုံရေးတပ်ဖွဲ့ဝင် အယောင်ဆောင်၍ VPN ပါသည် ဆိုသောအကြောင်းပြချက်ဖြင့် ထိုးကြိတ်ရိုက်နှက်ပြီး ကားနှင့်ဖုန်း လုယက်မှုဖြစ်ပွားခဲ့ကြောင်း ရွှေကြေးစည်လူမှုကူညီရေးအသင်းထံမှ သိရသည်။

ဖေဖော်ဝါရီ ၁၁ ရက် ည ၉နာရီခွဲအချိန်ခန့်က မဟာအောင်မြေမြို့နယ် ၃၈လမ်း၊ ၇၆×၇၈ လမ်းကြားတွင် စတင်ဖြစ်ပွားခဲ့ခြင်းဖြစ်ကြောင်း သိရသည်။ အဆိုပါ လမ်းကြားအတွင်းသို့ အသက် (၅၇) နှစ် အရွယ် အမျိုးသားတစ်ဦးက Max II ကားဖြင့်‌ရောက်ရှိလာပြီး အပေါ့ဆင်း သွားနေစဉ် ဆိုင်ကယ် (၂) စီးဖြင့် လူ (၄) ဦး က ရောက်ရှိလာခဲ့ကြောင်း သိရသည်။

အာဖဂန်နစ္စတန် အရှေ့မြောက်ပိုင်းတွင် ဗုံးပေါက်ကွဲမှုကြောင့် အနည်းဆုံး လူငါးဦး သေဆုံးပြီး ခုနစ်ဦး ဒဏ်ရာရရှိခဲ့ကြောင်း ဒေသဆိုင်ရာ ရဲတပ်ဖွဲ့က သတင်းထုတ်ပြန်ခဲ့ပါသည်။

ဂျပန်နိုင်ငံအနောက်ပိုင်းတွင် ၀န်ကြီးချုပ် Kishida Fumio အား လက်လုပ်ဖောက်ခွဲရေးပစ္စည်းနှင့် ပစ်ခတ်တိုက်ခိုက်ခဲ့သော အမျိုးသားတစ်ဦးကို ထောင်ဒဏ် ၁၅ နှစ် ချမှတ်နိုင်ရေး စုံစမ်းစစ်ဆေးရေး အရာရှိများက ကြိုးပမ်းနေပါသည်။

Slovakia သည် Turkstream ပိုက်လိုင်းမှတစ်ဆင့် ဓာတ်ငွေ့တင်သွင်းမှု ပြန်လည်စတင်နိုင်ခဲ့ပြီး Kiev ၏ Gazprom နှင့် စာချုပ်သက်တမ်းတိုးရန် ငြင်းဆန်ခဲ့ပြီးနောက် အကျပ်အတည်းကြုံတွေ့ခဲ့ရသော ဓာတ်ငွေ့ပြဿနာကို ဖြေရှင်းနိုင်ခဲ့ပြီဖြစ်ကြောင်း ဝန်ကြီးချုပ် Robert Fico က ပြောကြားခဲ့သည်။

ဆလိုဗက်ကီးယားဝန်ကြီးချုပ် Robert Fico က US Government Efficiency (DOGE) အကြီးအကဲ Elon Musk အား ၎င်း၏နိုင်ငံရှိ အစိုးရမဟုတ်သောအဖွဲ့အစည်း (NGOs)များနှင့် နိုင်ငံရေး ပရောဂျက်များကို ထောက်ပံ့ရန်အတွက် USAID မှတစ်ဆင့် မီဒီယာများသို့ခွဲဝေပေးခဲ့သည့် အမေရိကန်ထောက်ပံ့ငွေများနှင့်ပတ်သက်၍ အသေးစိတ်ထုတ်ပြန်ပေးရန် တရားဝင်တောင်းဆိုခဲ့ကြောင်း သိရှိရသည်။

အမေရိကန်သမ္မတ ဒေါ်နယ်ထရမ့်၏ အကြံပေးများနှင့် စေ့စပ်ညှိနှိုင်းမှုများ ပြုလုပ်ပြီးနောက် ရုရှားသည် အမေရိကန်နိုင်ငံသား Marc Fogel အား ပြန်လည်လွှတ်ပေးခဲ့ကြောင်း အိမ်ဖြူတော်က ဖေဖော်ဝါရီ ၁၁ ရက်နေ့ တွင် ထုတ်ပြန်ခဲ့သည်။ ကျောင်းဆရာနှင့် အမေရိကန် သံတမန်ဟောင်းဖြစ်သူ Fogel သည် မူးယစ်ဆေးဝါး ရောင်းဝယ်ဖောက်ကားမှု စွဲချက်ဖြင့် ၂၀၂၂ ခုနှစ်တွင် ထောင်ဒဏ် ၁၄ နှစ် ချမှတ်ခံခဲ့ရသည်။

အမေရိကန်သမ္မတဒေါ်နယ်ထရမ့်သည် ယူကရိန်းတွင် အပစ်ခတ်မှု ရပ်စဲရန် “မဝေးတော့သည့်အနာဂတ်" တွင်ဖြစ်နိုင်ကြောင်း ယုံကြည် ထားသည်ဟု အိမ်ဖြူတော်တွင် ပြုလုပ်ခဲ့သော သတင်းဌာနများနှင့် တွေ့ဆုံမေးမြန်းခန်းတွင်ပြောကြားခဲ့ပါသည်။

ယူကရိန်းအား NATO အဖွဲ့ဝင်အဖြစ် ငြင်းပယ်ရေး ပင်တဂွန် စစ်ဌာနချုပ် အကြီးအကဲ၏ အကြံကို ထောက်ခံကြောင်း သမ္မတက ပြောကြားခဲ့ပါသည်။ 

အမေရိကန်သမ္မတဒေါ်နယ်ထရမ့်သည် ရုရှားသမ္မတဗလာဒီမာပူတင်နှင့် ဆော်ဒီအာရေဗျတွင် တွေ့ဆုံနိုင်သည်ဟု CBS သတင်းဌာနက ဖော်ပြထားပါသည်။

“ယူကရိန်းပဋိပက္ခအဆုံးသတ်လိုသည့် သမ္မတပူတင်၏ ဆန္ဒနှင့်ပတ်သက်၍ ကြီးမားသောယုံကြည်မှုဖြင့် ပြောဆိုနိုင်ကြောင်းအမေရိကန် သမ္မတက မှတ်ချက်ပြုခဲ့သည်” ဟု တီဗီချန်နယ်က အလေးပေးပြောကြားခဲ့ပါသည်။

အမေရိကန်ဘဏ္ဍာရေးဝန်ကြီးသည် ယူကရိန်းအား ထောက်ပံ့ရန် ရင်းနှီးမြှုပ်နှံထားသော ငွေကြေးများပြန်လည်ရရှိရေး အာမခံချက်ပါသည့် စာရွက်စာတမ်းကို ယူကရိန်းအစိုးရထံမှ ရယူရန် ယူကရိန်းသို့ သွားရောက်ခဲ့ကြောင်း ဒေါ်နယ်ထရမ့်က ပြောကြားခဲ့ပါသည်။

အမေရိကန်သမ္မတက ယူကရိန်းအား အကူအညီဆက်လက် ပေးအပ်သွားမည်ဖြစ်သော်လည်း “မိမိတို့၏ရင်းနှီးမြှုပ်နှံမှုများကို ကာကွယ်ရန် အာမခံချက်လိုသည်” ဟု ဖြည့်စွက်ပြောကြားခဲ့ပါသည်။

ကိုးကား - Izvestia

Photo: ABC News