ဗြိတိန်နိုင်ငံခြားရေးဝန်ကြီး David Lammy၊ အိုင်ယာလန် ဒုတိယဝန်ကြီးချုပ်နှင့် နိုင်ငံခြားရေး၊ ကုန်သွယ်ရေးဝန်ကြီး Simon Harris၊ မြူးနစ်လုံခြုံရေးအစည်းအဝေး ဥက္ကဋ္ဌ Dr.

ကနေဒါက အမေရိကန်နိုင်ငံ၏ ၅၁ ခုမြောက် ပြည်နယ်ဖြစ်လာရေး သဘောထားမှာ “အတည်ဖြစ်ကြောင်း” အမေရိကန်နိုင်ငံ သမ္မတ ထရမ့်က အမေရိကန်မီဒီယာ၏ ဖေဖော်ဝါရီ ၉ ရက်တွင် ထုတ်လွှင့်သည့် တွေ့ဆုံမေးမြန်းမှုတစ်ခုတွင် ပြောကြားခဲ့သည်။

နိုင်ငံခြားကုမ္ပဏီများထံမှ ရင်းနှီးမြှုပ်နှံမှုများဖြင့် ပြင်သစ်တွင် ကြီးမားသော ဉာဏ်ရည်တုဒေတာစင်တာကြီးတစ်ခုကို တည်ဆောက်မည် ဖြစ်ကြောင်း ပြင်သစ်သမ္မတ Macron က ပြောကြားခဲ့ပြီး ဖေဖော်ဝါရီ ၁၀ ရက်နေ့တွင် ပါရီ၌ ကျင်းပသည့် AI Action Summit တွင် ထိုသို့ ပြောကြားခဲ့ခြင်းဖြစ်သည်။

အဆိုပါထိပ်သီးအစည်းအဝေးတွင် အိန္ဒိယ ဝန်ကြီးချုပ် Narendra Modi၊ အမေရိကန် ဒုတိယသမ္မတ JD Vance နှင့် တရုတ် ဒုဝန်ကြီးချုပ် Zhang Guoqing တို့အပါအဝင် ကမ္ဘာတစ်ဝှမ်းရှိ အစိုးရအဖွဲ့အစည်းများနှင့် ကုမ္ပဏီများမှ ဝန်ထမ်း ၁,၀၀၀ ကျော် တက်ရောက်ခဲ့ကြသည်။

ထိုင်းဝန်ကြီးချုပ်သစ် Paetongtarn Shinawatra သည် ၂၀၂၅ ခုနှစ်၊ ဖေဖော်ဝါရီ ၅ ရက်မှ ၈ ရက်အထိ တရုတ်ပြည်သူ့သမ္မတနိုင်ငံသို့ ပထမဆုံးခရီးစဉ်အဖြစ် သွားရောက်ခဲ့ပြီး ဖေဖော်ဝါရီ ၆ ရက်တွင် ပေကျင်းမြို့၌ တရုတ်သမ္မတရှီကျင့်ဖျင်နှင့် တွေ့ဆုံခဲ့ပါသည်။ 

ထိုသို့တွေ့ဆုံရာတွင် နယ်စပ်တစ်လျှောက် တရားမဝင် အွန်လိုင်း လောင်းကစားနှင့် ငွေကြေးလိမ်လည်မှုများတိုက်ဖျက်ရန် ပူးပေါင်းဆောင်ရွက်သွားမည်ဖြစ်ကြောင်း ဆွေးနွေးခဲ့ကြသည်။

အမေရိကန်သို့ တင်သွင်းသည့် သံမဏိနှင့် အလူမီနီယံ ပစ္စည်းများအားလုံးကို ၂၅ ရာခိုင်နှုန်း အခွန်စည်းကြပ်လိုက်ကြောင်း အမိန့်ကို အမေရိကန်သမ္မတ ဒေါ်နယ်ထရမ့်က ဖေဖော်ဝါရီ ၁၀ ရက်တွင် လက်မှတ်ရေးထိုးထုတ်ပြန်လိုက်ပါသည်။

အဆိုပါအခွန်စည်းကြပ်မှုကို အထူးကင်းလွတ်ခွင့် သို့မဟုတ် ခြွင်းချက် မရှိစေရဟု ဖော်ပြထားပါသည်။ 

အမေရိကန်သည် ကုလသမဂ္ဂနှင့်ဆက်စပ်အေဂျင်စီများသို့ ငွေကြေးအမြောက်အမြား ထောက်ပံ့နေရကြောင်း အမေရိကန်အစိုးရ စွမ်းဆောင်မှုမြှင့်တင်ရေးဌာန (DOGE) ကို ဦးဆောင်သော အီလွန်မက်က ၎င်း၏ X လူမှုကွန်ရက်တွင် ရေးသားခဲ့သည်။

ဒေါ်နယ်ထရမ့်သည် ဖေဖော်ဝါရီ ၄ ရက်တွင် ကုလသမဂ္ဂ လူ့အခွင့်အရေးကောင်စီ (UNHRC) နှင့် ပါလက်စတိုင်းဒုက္ခသည်များဆိုင်ရာ ကုလသမဂ္ဂ ကယ်ဆယ်ရေးလုပ်ငန်းအဖွဲ့ (UNRWA) တို့မှ အမေရိကန် နုတ်ထွက်ကြောင်း အမိန့်ထုတ်ပြန်ခဲ့ပါသည်။

အမေရိကန်သမ္မတဒေါ်နယ်ထရမ့်သည် ဇန်နဝါရီ ၂၀ ရက် သမ္မတ ကျမ်းသစ္စာကျိန်ဆိုပွဲအပြီးတွင် မက္ကဆီကိုပင်လယ်ကွေ့ကို အမေရိက ပင်လယ်ကွေ့အဖြစ် ပြောင်းလဲခေါ်ဝေါ်ရန် အမိန့်စာတစ်စောင် လက်မှတ်ရေးထိုးထုတ်ပြန်ခဲ့ပါသည်။ 

ထိုအမိန့်အရ ယခုအခါ Google Maps ပေါ်တွင် မက္ကဆီကို ပင်လယ်ကွေ့ကို အမေရိကပင်လယ်ကွေ့အဖြစ် ပြင်ဆင်ပြောင်းလဲ လိုက်ပြီဖြစ်ကြောင်း Google ကော်ပိုရေးရှင်းက ကြေညာလိုက်ပါသည်။ 

တစ်ချိန်တွင် ယူကရိန်းသည် ရုရှားအပိုင်ဖြစ်လာနိုင်သည်ဟု အမေရိကန် သမ္မတ ဒေါ်နယ်ထရမ့် က ပြောကြားခဲ့ပြီး ယူကရိန်းတွင် အမေရိကန် အစိုးရက ရင်းနှီးမြုပ်နှံထားသည့် ငွေကြေးများအတွက် အပြန်အလှန်အားဖြင့် သဘောတူညီချက်ရယူထားလိုကြောင်း ထရမ့်က Fox News နှင့် အင်တာဗျူးတွင် ပြောကြားခဲ့သည်။ 

ဂါဇာကမ်းမြှောင်တွင် ဖမ်းဆီးထားသည့် ဓားစာခံများကို ဟားမက်စ်က ဖေဖော်ဝါရီ ၁၅ ရက်နေ့၌ လွှတ်မပေးပါက အစ္စရေးနှင့် အပစ်အခတ်ရပ်စဲရေး သဘောတူညီချက်ကို ဖျက်သိမ်းမည်ဖြစ်ကြောင်း အမေရိကန် သမ္မတ Donald Trump က ဖေဖော်ဝါရီ ၁၀ ရက်နေ့က သတင်းထောက်များနှင့်တွေ့ဆုံစဉ် ထုတ်ဖော်ပြောဆိုခဲ့ပါသည်။

အစ္စရေးက သီတင်းခြောက်ပတ်ကြာ အပစ်အခတ်ရပ်စဲရေး သဘောတူညီချက်ကို ချိုးဖောက်သည်ဟု ဟားမက်စ်က ဖေဖော်ဝါရီ ၁၀ ရက်နေ့တွင် ပြောဆိုခဲ့ကာ ဓားစာခံများ ပြန်လွှတ်ပေးရေး ရွှေ့ဆိုင်းမည်ဟု ကြေညာခဲ့ပြီးနောက် အဆိုပါကြေညာချက်ကို အစ္စရေးက ပြင်းပြင်းထန်ထန် တုံ့ပြန်ခဲ့ပါသည်။

အမေရိကန်စစ်ဌာနချုပ်ပင်တဂွန်သည် အမေရိကန်စစ်တပ်အတွင်း လိင်ပြောင်းထားသူများ ပါဝင်စစ်မှုထမ်းခြင်းကို ပိတ်ပင်လိုက်ကြောင်း သိရသည်။ ထို့အပြင် အမေရိကန်စစ်ဌာနချုပ်သည် အမေရိကန်စစ်တပ် အတွင်း ပါဝင်ထမ်းဆောင်သူများကို လိင်ပြောင်းလဲမှုနှင့်ပတ်သက်၍ ဆေးဝါးဆိုင်ရာစမ်းသပ်ခြင်းစသည့်လုပ်ထုံးလုပ်နည်းများ လုပ်ကိုင်ခြင်း ကို ရပ်တန့်လိုက်ကြောင်းသိရသည်။