နေပြည်တော် ဖေဖော်ဝါရီ ၉

၂၀၂၄ ခုနှစ်အတွက် မြန်မာ့ရုပ်ရှင်ထူးချွန်ဆု ချီးမြှင့်ပွဲအခမ်းအနားကို ယနေ့ညနေပိုင်းတွင် နေပြည်တော်ရှိ မြန်မာအပြည်ပြည်ဆိုင်ရာ ကွန်ဗင်းရှင်းဗဟိုဌာန - ၁ (MICC-1) ၌ ကျင်းပရာ နိုင်ငံတော်စီမံအုပ်ချုပ်ရေးကောင်စီဥက္ကဋ္ဌ နိုင်ငံတော်ဝန်ကြီးချုပ် ဗိုလ်ချုပ်မှူးကြီး မင်းအောင်လှိုင် တက်ရောက်အဖွင့်အမှာစကားပြောကြားပြီး ရုပ်ရှင်တစ်သက်တာ ထူးချွန်ဆုများ ပေးအပ်ချီးမြှင့်သည်။

တောင်ကြီး၊ ဖေဖော်ဝါရီ ၇

(၇၈) နှစ်မြောက် ရှမ်းပြည်နယ်နေ့ အခမ်းအနားကို ယနေ့နံနက်ပိုင်းတွင် တောင်ကြီးမြို့  အဝေရာမီးပုံးပျံကွင်း၌ ကျင်းပရာ နိုင်ငံတော်စီမံအုပ်ချုပ်ရေးကောင်စီအဖွဲ့ဝင် နယ်စပ်ရေးရာဝန်ကြီးဌာန ပြည်ထောင်စုဝန်ကြီး ဒုတိယဗိုလ်ချုပ်ကြီး ရာပြည့်နှင့် နိုင်ငံတော်စီမံအုပ်ချုပ်ရေးကောင်စီ အဖွဲ့ဝင်များ တက်ရောက်ကြသည်။

အမေရိကန်နှင့်   မဟာမိတ်နိုင်ငံများအပေါ်    တရားမဝင်တိုက်ခိုက်မှုများ လုပ်ဆောင်မှုကြောင့် အပြည်ပြည်ဆိုင်ရာ ရာဇဝတ်တရားရုံး(ICC)အပေါ် ပိတ်ဆို့မှုချမှတ်သည့် အမိန့်ကြေညာချက်တစ်ရပ်ကို အမေရိကန်သမ္မတ   ဒေါ်နယ်ထရမ့်က လက်မှတ်ရေးထိုးလိုက်ကြောင်းသိရသည်။

ပနားမားတူးမြောင်းကို ပြန်လည်သိမ်းပိုက်မည်ဟု ဒေါ်နယ်ထရမ့်၏ ခြိမ်းခြောက်‌ပြောဆိုမှုကြောင့် နှစ်နိုင်ငံအကြား အပြန်အလှန်တင်းမာမှုများရှိနေချိန်တွင် နှစ်နိုင်ငံ ခေါင်းဆောင်အချင်းချင်း ဖုန်းဖြင့်ဆွေးနွေးမည့်အစီအစဉ်ကို ရွှေ့ဆိုင်းလိုက်ကြောင်း ပနားမား အစိုးရက ဖေဖော်ဝါရီ ၇ ရက်တွင် ပြောကြားလိုက်ပါသည်။

အမေရိကန်သမ္မတထရမ့်နှင့် ပနားမာသမ္မတ မူလီနို တို့သည် ဖေဖော်ဝါရီ ၇ ရက်‌နေ့ ဒေသစံတော်ချိန် နေ့လယ် ၃း၃၀ နာရီတွင် တယ်လီဖုန်းမှတစ်ဆင့် ဆွေးနွေးရန် စီစဉ်ခဲ့ခြင်းဖြစ်သည်။ 

အမေရိကန်သမ္မတ ဒေါ်နယ်ထရမ့်သည် အမေရိကန် အပြည်ပြည်ဆိုင်ရာဖွံ့ဖြိုးတိုးတက်မှု အကူအညီပေးရေး အေဂျင်စီ (USAID) ကို အဂတိလိုက်စားမှု လွန်စွာ များပြားနေသည့်အဖွဲ့အစည်းဖြစ်သည့်အတွက် ပိတ်သိမ်းသွားရန် ဖေဖော်ဝါရီ ၃ ရက်တွင် ညွှန်ကြားခဲ့ပါသည်။ 

ထိုညွှန်ကြားချက်အရ ၂၀၂၅ ခုနှစ်၊ ဖေဖော်ဝါရီလ ၃ ရက်နေ့တွင် USAID ၏ လုပ်ငန်းများသည် အချိန်ကာလ တစ်ခုအထိ ရပ်ဆိုင်းခဲ့ပါသည်။

ဂျာမနီ ဝန်ကြီးချုပ် Olaf Scholz က နေတိုးအနေဖြင့် ဂရင်းလန်းတွင် စစ်တပ်ချထားမှုကို တိုးမြှင့်ဆောင်ရွက်သင့်ကြောင်း ဖေဖော်ဝါရီ ၈ ရက်တွင် ထောက်ပြ ပြောဆိုခဲ့သည်။ 

ရာသီဥတုအပြောင်းအလဲကြောင့် အာတိတ်ဒေသတွင် ရေခဲများအရည်ပျော်ကာ ရေကြောင်းလမ်းသစ်များ ဖော်ဆောင်လာနိုင်သဖြင့် ရုရှားနှင့် တရုတ်တို့၏ လှုပ်ရှားမှုများက ထိုဒေသလုံခြုံရေးကို ခြိမ်းခြောက်လျက်ရှိရာ နေတိုးတပ်ဖွဲ့အနေဖြင့် စစ်ရေးအင်အား တိုးမြှင့်ချထားသင့်ကြောင်း ပြောကြားလိုက်ပါသည်။ 

အမေရိကန်သမ္မတ ဒေါ်နယ်ထရမ့်သည် ယူကရိန်း သမ္မတ ဇီလန်စကီးနှင့် လာမည့်အပတ်တွင် အမေရိကန် နိုင်ငံ ဝါရှင်တန်မြို့တော်၌ တွေ့ဆုံရန် စီစဉ်ထားကြောင်း ဖေဖော်ဝါရီ ၇ ရက်တွင် ပြောကြားလိုက်ပါသည်။ 

ထို့အပြင် ရုရှားသမ္မတ ဗလာဒီမာပူတင်နှင့်လည်း ဆွေးနွေးရန် စီစဉ်ထားကြောင်း ၎င်းက ပြောကြားခဲ့သည်။ ဒေါ်နယ်ထရမ့်သည် ယခင်က “သမ္မတဖြစ်လျှင် ရုရှား ယူကရိန်း စစ်ပွဲကို တစ်ရက်အတွင်း ပြီးဆုံးသွားစေ ရမည်” ဟု ပြောဆိုဖူးပါသည်။

ကိုးကား -TASS

အာရှ၏ တတိယအကြီးဆုံးစီးပွားရေး နိုင်ငံဖြစ်သည့် အိန္ဒိယတွင် နိုင်ငံ၏ စီးပွားရေးဖွံ့ဖြိုးတိုးတက်မှု နှေးကွေးလာခြင်းကို ဖြေရှင်းရန် အိန္ဒိယဗဟိုဘဏ်သည် ငါးနှစ် နီးပါးအတွင်း အတိုးနှုန်းကို ပထမဆုံးအကြိမ် လျှော့ချ လိုက်သည်။

Reserve Bank of India (RBI) သည်လည်း စီးပွားရေးပညာရှင်များ၏ မျှော်မှန်းချက်နှင့်အညီ ဖြစ်စေရန် ၎င်း၏ Repo Rate ကို ၆.၅ % မှ ၆.၂၅ % သို့ လျှော့ချခဲ့သည်။

အမေရိကန် အာဇာနည်များ၏ အမျိုးသားပန်းခြံ (National Park of American Heroes) ကို ပြန်လည် အသက်သွင်းမည့် သမ္မတဒေါ်နယ်ထရမ့်၏ စီမံအုပ်ချုပ်မှု အမိန့်တစ်ရပ်ကို ဖေဖော်ဝါရီ ၆ ရက် နေ့တွင် လက်မှတ်ရေးထိုး ထုတ်ပြန်လိုက်ပါသည်။

သမိုင်းကြောင်းတစ်လျှောက် အကြီးမြတ်ဆုံး အမေရိကန် ခေါင်းဆောင်များ၏ ရုပ်တုများဖြင့် ပြည့်နက်နေသည့် အာဇာနည်ပန်းခြံသစ် တည်ဆောက်ရေးလုပ်ငန်းကို ပြန်လည်စတင်မည့် အုပ်ချုပ်ရေးအမိန့်ကို လက်မှတ်ရေးထိုးပြီးဖြစ်ကြောင်း” ထရမ့်က US Capitol အဆောက်အအုံတွင် ပြုလုပ်သည့် National Prayer Breakfast မိန့်ခွန်းတွင် ထည့်သွင်းပြောကြားခဲ့သည်။

အမေရိကန် ကာကွယ်ရေးဝန်ကြီး Pete Hegseth က သမ္မတ Donald Trump ၏ အစိုးရအဖွဲ့သည် ဗီယက်နမ်နိုင်ငံနှင့် ပူးပေါင်းဆောင်ရွက်မှုကို တန်ဖိုး ထားကြောင်း ဖေဖော်ဝါရီ ၇ ရက်နေ့က ဗီယက်နမ် နိုင်ငံခြားရေးဝန်ကြီးနှင့် ဖုန်းဖြင့်ဆွေးနွေးစဉ် ပြောကြား ခဲ့သည်။

အထူးသဖြင့် နှစ်ဖက်စလုံးမှ သဘောတူထားသည့်အတိုင်း စစ်ပွဲအမွေအနှစ်ပြန်လည်ကုစားရေးတွင် Trump အစိုးရသည် ဗီယက်နမ်နှင့် ကာကွယ်ရေး၊ ဆက်ဆံရေးကို ပိုမိုတိုးမြှင့်ရန် မျှော်လင့်ကြောင်း Hegseth မှ အတည်ပြုပြောကြားခဲ့သည်။