ဒူဘိုင်း ဇွန် ၁၇

ဟော်မုဇ်ရေလက်ကြားအနီး အိုမန်ပင်လယ်ကွေ့ရေပြင်၌ ယနေ့တွင် ရေနံတင်သင်္ဘောနှစ်စီး ဝင်တိုက်မှုဖြစ်ပွားခဲ့ကြောင်း ဗြိတိသျှ ပင်လယ်ရေကြောင်း လုံခြုံရေး ကုမ္ပဏီများ၏အဆိုအရသိရသည်။ 
ရေနံတင်သင်္ဘောနှစ်စီးဝင်တိုက် ခဲ့ပြီးနောက် ဖြစ်စဉ်၌ပါဝင်သော အက်ဒါလင်းအမည်ရှိ ရေနံတင် သင်္ဘောပေါ်မှ ရေယာဉ်ဝန်ထမ်း ၂၂ ဦးကို အာရပ်စော်ဘွားများ ပြည်ထောင်စု(ယူအေအီး)ကမ်းခြေ စောင့်တပ်က ကယ်တင်ခဲ့ရသည်။ 
သင်္ဘောနှစ်စီး ဝင်တိုက်မှု ဖြစ်စဉ်သည် ယူအေအီးနိုင်ငံ ဟော်ဖက်ကန်မြို့ အရှေ့ဘက် ရေမိုင် ၁၂မိုင်အကွာ၌ ပေါ်ပေါက်ခဲ့ခြင်းဖြစ်သည်။
အစ္စရေးနှင့်အီရန်နိုင်ငံတို့ကြား ပဥ္မမြောက်နေ့အဖြစ် တစ်ဖက်နှင့်တစ်ဖက် လေကြောင်းတိုက်ခိုက်မှုများ ပြုလုပ်နေစဥ် အိုမန်ပင်လယ်ကွေ့၌ ရေယာဥ်နှစ်စီး ဝင်တိုက်မှု ဖြစ်ပွားခဲ့ခြင်းဖြစ်သည်။

ပြီးခဲ့သည့် ရက်များအတွင်း ဟော်မုဇ်ရေလက်ကြား၌ ကုန်တင်သင်​ဘောများ၏ ရေကြောင်းဆက်သွယ်ရေးစနစ်များ နှောင့်ယှက်ခံရမှု သိသိသာသာ မြင့်တက်လာကြောင်း သိရသည်။ 
ဟော်မုဇ်ရေလက်ကြားသည် အိုမန်နှင့် အီရန်နိုင်ငံတို့ကြား တည်ရှိပြီး ကမ္ဘာ့ရေနံကုန်သွယ် ရေးလုပ်ငန်းအတွက် အရေးကြီးသည့်ရေလမ်းကြောင်းဖြစ်ကြောင်း သိရသည်။

Ref: RT

Tis: KKO

Photo - The Jerusalem Post

ဗြိတိန်လေတပ်အတွက် သမိုင်းတွင်လောက်စေမယ့် ဒရုန်းတစ်စင်းတော့ ထွက်ပေါ်လာပါပြီ။ အဲဒီဒရုန်းကို Protector RG Mk1 လို့အမည်ပေးထားပါတယ်။သူက  ပြည်တွင်းရှိ ဝေဟင်ပိုင်နက်မှာ လုပ်ငန်းများ ဆောင်ရွက်နိုင်မယ့် အသိအမှတ်ပြုလက်မှတ် ရရှိထားပြီး ဗြိတိန်နိုင်ငံအတွက် ပထမဆုံးဖြစ်လာမယ့် အဝေးထိန်းမောင်းနှင်နိုင်တဲ့လေကြောင်း စနစ်တစ်ခုဖြစ်ပါတယ်။

ဒါ့အပြင် ဒီလေကြောင်းစနစ်က ဗြိတိန်နိုင်ငံရဲ့ မောင်းသူမဲ့တိုက်ပွဲဝင် လေယာဉ်များအတွက် သမိုင်းမှတ်တမ်းအသစ်ရဲ့ အစလည်းဖြစ်ပါတယ်။ ဗြိတိန် လေတပ်က မောင်းသူမဲ့တိုက်ပွဲဝင်လေယာဉ်များအဖြစ် MQ-9B ကို လက်ရှိအသုံးပြုနေတာပါ။

Protector RG Mk1 လို့အမည်ပေးထားတဲ့ ဒရုန်းကို ဗြိတိန်တော်ဝင်လေတပ်ရဲ့ ဝက်ဒင်တန်လေတပ်စခန်းမှသည် မာဟမ်လေတပ်စခန်းအထိ မောင်းနှင်ပြီးစမ်းသပ်ခဲ့တာပါ။ အခုလက်ရှိမှာတော့ သူ့ရဲ့တာ ဝေးစစ်ဆင်နိုင်စွမ်းကို စမ်းသပ်တာသာဖြစ်ပြီး ဒီနှစ်နှောင်းပိုင်းမှာတော့ သူ့ရဲ့စစ်ဆင်ရေးအဆင့် စမ်းသပ်မှုကို လုပ်ဆောင်သွားမှာဖြစ်ပါတယ်။

လက်ရှိစမ်းသပ်မှုများအရဆိုရင် သူက ပေါင် ၅၀၀ အလေးချိန်ရှိတဲ့ Paveway IV လေဆာလမ်းညွှန်ဗုံး များနဲ့ Brimstone 3 ဒုံးကျည်များကို သယ်ဆောင်ကာ အမြင့်ပေ ၄၀၀၀၀ ကနေ နာရီပေါင်း ၃၀ ကျော် ကြာတဲ့အထိ ပျံသန်းနိုင်ပါတယ်။ သူပျံသန်းနိုင်တဲ့ အကွာအဝေးက မိုင်ပေါင်း ၅၇၅၀ ရှိတာကြောင့် ကင်းလှည့်ခြင်း၊ ထောက်လှမ်းခြင်း၊ ပစ်မှတ်ရှာဖွေခြင်းတို့အပြင် တိကျစွာပစ်ခတ်ခြင်း တို့ကိုမရပ်မနား ဆောင်ရွက်နိုင်မှာဖြစ်ပါတယ်။

MWD Web Portal

နည်းပညာသတင်း

ပြင်သစ်နိုင်ငံ ပဲရစ်မြို့မှာကျင်းပတဲ့ လေကြောင်းပြပွဲမှာ တရုတ်က ပြည်တွင်းဖြစ် ပဉ္စမမျိုးဆက် တိုက်လေယာဉ်ဖြစ်တဲ့ J-35A ကိုထုတ် ဖော်ပြသလိုက်တာတွေ့ရပါတယ်။ သူတို့ အနေနဲ့ အခုလိုမျိုးအပြည်ပြည်ဆိုင်ရာ လေကြောင်းပြပွဲမှာ ထုတ်ဖော်ပြသတာ ဟာ ပထမဆုံးဖြစ်ပြီး J-35A ကို ပြည်ပနိုင်ငံများသို့ ရောင်းချနိုင်ရေးအတွက် လုပ်ဆောင်လာတာ ဖြစ်နိုင်ပါတယ်။

တရုတ်အမျိုးသားလေကြောင်း နည်းပညာသွင်းကုန်နှင့် ပို့ကုန်ကော်ပိုရေးရှင်းက ဒီလေကြောင်းပြပွဲမှာ J-35A ရဲ့ပုံစံ ငယ်နဲ့အတူ ပါဝင်ပြသခဲ့တာဖြစ်ပါတယ်။ J-35A ဆိုတာ တရုတ်နိုင်ငံကလက်ရှိ အသုံးပြုလျက်ရှိတဲ့ J-35 တိုက်လေယာဉ်ရဲ့ မြေပြင်အခြေပြု တိုက်လေယာဉ်အမျိုး အစားဖြစ်ပါတယ်။

ရှန်းယန်လေကြောင်း ကော်ပိုရေးရှင်းက တီထွင်ထုတ်လုပ်ထားတဲ့ J-35A ကို ပြီးခဲ့တဲ့နှစ် နိုဝင်ဘာလတုန်းက ကျူးဟိုင် လေကြောင်းပြပွဲမှာ ပထမဆုံးထုတ်ဖော် ပြသခဲ့တာဖြစ်ပါတယ်။ J-35 တိုက်လေ ယာဉ်ဆိုတာ J-20 တိုက်လေယာဉ်ပြီးနောက် တရုတ်နိုင်ငံရဲ့ ဒုတိယမြောက် ပဉ္စမမျိုးဆက် တိုက်လေယာဉ် အမျိုးအစားဖြစ်ပါတယ်။

အခုပဲရစ်လေကြောင်းပြပွဲမှာ J-35A နဲ့အတူ J-20 ကိုပါ ပွဲထုတ်ပြသခဲ့တာပါ။ ဒါပေမဲ့ တရုတ်နိုင်ငံက J-20 ကိုပြည်ပနိုင်ငံများသို့ ရောင်းချသွားမှာ မဟုတ်ဘူး လို့အတိအလင်း ပြောထားပါတယ်။

တရုတ်နိုင်ငံက J-35 ကိုထုတ်လုပ်ခဲ့တာက လေယာဉ်တင်သင်္ဘောအခြေပြု ပျံသန်းနိုင်မယ့် လေယာဉ်များအဖြစ်ဖန် တီးခဲ့တာဖြစ်ပေမယ့် လေတပ်အတွက် အသုံးပြုနိုင်စေဖို့ J-35A ကိုထုတ်လုပ်ခဲ့ တာပါ။ ပထမဆုံးပျံသန်းမှုကိုတော့ ၂၀၂၃ ခုနှစ် စက်တင်ဘာလမှာ လုပ်ဆောင်ထား နိုင်ပါတယ်။

တရုတ်နိုင်ငံအနေနဲ့ အခုလိုမျိုးအဆင့်မြင့် တိုက်လေယာဉ်ကို ပြည်ပကိုရောင်းချတဲ့အခါ အမေရိကန်နဲ့ဥရောပတို့က ဝယ်ယူလိုခြင်း မရှိပေမယ့် အရှေ့အလယ် ပိုင်းဒေသနဲ့ တောင်အာရှဒေသကတော့ ဒီတိုက်လေယာဉ်ကို အဓိကအားပေးမယ့် ဖောက်သည်တွေ ဖြစ်လာနိုင်ပါတယ်။

လက်ရှိမှာကိုပဲ တရုတ်နိုင်ငံက သူတို့ရဲ့ J-35A တိုက်လေယာဉ်အစင်း ၄၀ ကို ပါကစ္စတန်နိုင်ငံဆီ ရောင်းချပေးဖို့ကမ်းလှမ်းထားတယ်လို့ ပါကစ္စတန်တာဝန် ရှိသူများကပြောပါတယ်။အကယ်၍ ဒီသတင်းသာအမှန်ဖြစ်မယ်ဆိုရင် ဒါဟာ J-35A တိုက်လေယာဉ်တွေကို ပထမဆုံး အကြိမ်ပြည်ပ တင်ပို့မှုဖြစ်လာစေမှာဖြစ်ပါတယ်။

တရုတ်နိုင်ငံက J-35 အမျိုးအစား တိုက်လေယာဉ်တွေကိုထုတ်လုပ်ရာမှာ ဝေဟင်-ရေပြင်ပူးတွဲတာဝန် ထမ်းဆောင်နိုင်စေရေးနဲ့ လေယာဉ်တစ်စင်းနဲ့အမျိုး အစားအမျိုးမျိုးဆိုတဲ့ အယူအဆနဲ့အညီ လုပ်ဆောင် ခဲ့တာဖြစ်ပါတယ်။ အဲဒီတိုက် လေယာဉ်တွေက စစ်မြေပြင်မှာပူးတွဲ၊ ပူးပေါင်းစစ်ဆင်ရေးများကို ကောင်းစွာ ဆင်နွှဲနိုင်စွမ်းရှိသလို တိုက်ပွဲလိုအပ်ချက်များနဲ့အညီ အမြန်ဆုံး ဖြန့်ကြက်နိုင်စွမ်း လည်းရှိပါတယ်။

J-35A က ထိုင်ခုံတစ်လုံးပါ အင်ဂျင် နှစ်လုံးတပ်နဲ့ လက်နက်အိမ်ကိုလေယာဉ် ဝမ်းဗိုက်ထဲမှာ ထည့်ပေးထားတဲ့ တိုက်လေယာဉ်ပုံစံဖြစ်ပါတယ်။ သူ့ရဲ့တောင်ပံ အလျားက J-35 နဲ့ယှဉ်ရင် အနည်းငယ် တိုပြီး ရေဒါဖမ်းယူမှုကို လျော့နည်းစေနိုင်မယ့် လုပ်ဆောင်ချက်များ ပါဝင်ပါတယ်။

ပဉ္စမမျိုးဆက် တိုက်လေယာဉ်ဖြစ်တာနဲ့အညီ အဆင့်မြင့်ရေဒါစနစ်၊ ပစ်မှတ်ရှာ ဖွေထောက်လှမ်းရေးစနစ် အစရှိတဲ့စနစ်များကို အဓိကတပ်ဆင်ပေးထားတာတွေ့ ရပါတယ်။ လေယာဉ်ထွက်ခွာစဉ်အမြင့် ဆုံးအလေးချိန်က ၂၈ တန်ဝန်းကျင်ရှိပြီး သူ့ရဲ့စစ်ဆင်နိုင်တဲ့ နယ်မြေက ကီလိုမီတာ ၁၂၀၀ မှသည် ၁၉၀၀ အထိရှိတယ်လို့ သိထားပါတယ်။ 

MWD Web Portal

နည်းပညာသတင်း

လူမှုမီဒီယာများတွင် ထွက်ပေါ်လာနေသည့်ဓာတ်ပုံအသစ်များ အရ ပြည်တွင်းဖြစ် ဖူကျန့်လေယာဉ်တင်သင်္ဘောသည် မကြာမီကာလတွင် တရုတ်ရေတပ်၌    တာဝန် ထမ်းဆောင်နိုင်ဖွယ်ရှိသည်ဟု ခန့်မှန်းရသည်။

အလားတူ တရုတ်နိုင်ငံပိုင်သတင်းဌာန တစ်ခုကလည်း ဖူကျန့်အမည်ရှိလေယာဉ်တင်သင်္ဘောသည် တရုတ်ရေတပ်အတွက် တတိယမြောက် လေယာဉ်တင်သင်္ဘော ဖြစ်လာတော့မည်ဟု    အရိပ်အမြွက် ပြောထားသည်။

အွန်လိုင်းပေါ်မှ မြင်တွေ့ရသောဂြိုဟ်တု ဓာတ်ပုံများအရ လေယာဉ်တင်သင်္ဘော၏ ကုန်းပတ်ပေါ်တွင် လေယာဉ်များအတွက် ဆေးသုတ်ထားသည့် နေရာအသစ် ၃၆ ခု ကိုမြင်တွေ့ရသည်။   ထိုနေရာများကို ကြည့်ခြင်းအားဖြင့် ဖူကျန့်လေယာဉ်တင်သင်္ဘောသည် ရေတပ်ကလက်ရှိ အသုံးပြုနေသော လေယာဉ်တင်သင်္ဘောများထက် ပိုမိုများပြားသည့်   လေယာဉ်များကို တင်ဆောင်နိုင်မည်ဟု ယုံကြည်ရသည်။

ထိုအမှတ်အသားများသည် ဖူကျန့်ကို တပ်တော်သွင်းရန် အသင့်ပြင်ဆင်နေခြင်းဖြစ်ကြောင်း၊ တပ်တော်သွင်းပြီးနောက် ထိုသင်္ဘောနှင့်လေယာဉ်တို့ကြား သဟဇာတဖြစ်စေရေးနှင့်  အခြားလက်နက်များကို စမ်းသပ်နိုင်ရေးတို့ အတွက် လေယာဉ်တင်သင်္ဘောကို    လက်တွေ့စမ်းသပ်မှုများ ဆက်လက်လုပ်ဆောင် သွားဦးမည်ဖြစ်ကြောင်း တရုတ်တပ်မတော်မှ နည်းပြဟောင်း တစ်ဦးဖြစ်သည့် ဆုန်ကျောင့်ပင်းက မှတ်ချက် ပြုပြောထားသည်။

ဒုတိယမြောက် တရုတ်ပြည်တွင်းဖြစ် လေယာဉ်တင်သင်္ဘောဖြစ်သော ဖူကျန့်သည် အမေရိကန်ရေတပ်ပြီးနောက် လျှပ်စစ်သံလိုက်စနစ်ဖြင့် လေယာဉ်လွှတ်တင် စနစ်နှင့် ပြန်လည်ဖမ်းယူသည့်စနစ်တို့ကို ပထမဆုံး တပ်ဆင်ထားသည့် လေယာဉ်တင်သင်္ဘော ဖြစ်လာကြောင်း သိရသည်။

MWD Web Portal

ပြီးခဲ့သည့်ရက်ပိုင်းအတွင်း အိန္ဒိယနိုင်ငံ သို့ပျံသန်းလာသော ခရီးသည်တင် Boeing-787 Dreamliner လေယာဉ်များသည် နည်းပညာပိုင်းချွတ်ယွင်းချက်များဖြစ်ပေါ်သောကြောင့် လမ်းကြောင်းပြန်လှည့်ခဲ့ရကြောင်း RT သတင်းဌာနက ဇွန်လ ၁၇ ရက်တွင်ဖော်ပြထားသည်။

ဇွန်လ ၁၅ ရက်တွင် ဂျာမနီနိုင်ငံ ဖရန့် ဖတ်မြို့မှ အိန္ဒိယနိုင်ငံဟိုက်ဒရာဘတ် မြို့သို့ပျံသန်းလာသော Lufthansa လေကြောင်းလိုင်းမှ ခရီးသည်တင် လေယာဉ်၊ ဇွန်လ ၁၆ ရက်တွင် ဟောင်ကောင်မှပျံသန်းလာသည့် Air India လေကြောင်းလိုင်းမှခရီးသည်တင်လေယာဉ်၊ လန်ဒန်မြို့မှပျံသန်းလာသည့် British Airways လေကြောင်းလိုင်းမှ ခရီးသည်တင်လေယာဉ်တို့သည် ချွတ်ယွင်းချက်ဖြစ်ပေါ်ကာ ထွက်ခွာရာလေဆိပ်သို့ပြန်လှည့်ခဲ့ရပြီး ဇွန်လ ၁၇ ရက်တွင် ဆန်ဖရန်စစ္စကို မြို့မှ မွမ်ဘိုင်းမြို့သို့ပျံသန်းလာသည့် Air India လေကြောင်းလိုင်းမှလေယာဉ်သည် ကိုးကတ္တားမြို့သို့ဆင်းသက်ခဲ့ရကြောင်းသိရသည်။

Ref: Sputnik

Photo-  The Telegraph

MWD Daily Newspaper

နေပြည်တော် ဇွန် ၁၇

ယနေ့ညနေ ၅ နာရီခွဲအချိန် တိုင်းထွာချက်များအရ ဘင်္ဂလားဒေ့ရှ်နိုင်ငံ အနောက်တောင်ပိုင်းနှင့် ယင်းနှင့်ဆက်စပ်လျက်ရှိသော အိန္ဒိယနိုင်ငံ၊ အနောက် ဘင်္ဂလားပြည်နယ်တို့တွင်ဖြစ်ပေါ်နေသောလေဖိအားနည်းရပ်ဝန်း(Low Pressure Area) သည် ဆက်လက်တည်ရှိနေသည်။

(မိုး/ဇလ)

နေပြည်တော် ဇွန် ၁၇

မြန်မာနိုင်ငံတွင် မတ် ၂၈ ရက်ကလှုပ်ခတ်ခဲ့သော အင်အားအလွန်ပြင်းထန်သည့် ငလျင်ဒဏ်ကို ပြင်းထန်စွာခံစားခဲ့ရသော တိုင်းဒေသကြီးနှင့် ပြည်နယ်ခြောက်ခုတို့တွင် ယနေ့အထိ သေဆုံးသူ ၃၇၅၅ ဦး၊ ထိခိုက်ဒဏ်ရာရရှိသူ ၅၁၀၄ ဦးနှင့် ပျောက်ဆုံးသူ ၅၁ ဦး ရှိသည်။

မြန်မာနိုင်ငံမီးသတ်တပ်ဖွဲ့နှင့် ပြည်တွင်းပြည်ပမှ ရှာဖွေကယ်ဆယ်ရေးအဖွဲ့ဝင်များသည် လိုအပ်သည့်ဒေသများသို့ အချိန်နှင့်တစ်ပြေးညီ ရှာဖွေကယ်ဆယ်ရေးလုပ်ငန်းများ ဆောင်ရွက်ပေးလျက်ရှိပြီး အဆောက်အအုံများအတွင်း ပိတ်မိနေသူများအား ရှာဖွေကယ်ဆယ်ခဲ့ရာ ယနေ့အထိ အသက်ရှင်သူ ၆၅၃ ဦးအား ရှာဖွေကယ်ဆယ်ပေးနိုင်ခဲ့ပြီး သေဆုံးသူ ၈၃၃ ဦးအား ရှာဖွေပေးနိုင်ခဲ့သည်။

ဘေးသင့်ပြည်သူများသို့ ပြည်တွင်းစေတနာရှင်အလှူရှင်များက ငွေနှင့်အလှူပစ္စည်းများ ထောက်ပံ့လှူဒါန်းလျက်ရှိသကဲ့သို့ ပြည်ပနိုင်ငံများ၊ အဖွဲ့အစည်းများ၊ စေတနာရှင်အလှူရှင်များက ငွေနှင့် အလှူပစ္စည်းများ ထောက်ပံ့လှူဒါန်းပေးလျက်ရှိရာ မေ ၁၆ ရက်ညနေ ၅ နာရီမှ ယနေ့ညနေ ၅ နာရီအတွင်း ရန်ကုန်အပြည်ပြည်ဆိုင်ရာလေဆိပ်သို့ တရုတ်နိုင်ငံသား အလှူရှင်များနှင့် တရုတ်နိုင်ငံရောက် မြန်မာများကလှူဒါန်းသည့် ရေသန့်၊ ဖျာနှင့် Stock Pot များ (အလေးချိန် ၀ ဒသမ ၈၀၁ တန်) ရောက်ရှိခဲ့သည်။

အဆိုပါ ထောက်ပံ့ရေးပစ္စည်းများကို ဘေးသင့်ပြည်သူများ လက်ဝယ်အရောက် အမြန်ဆုံး ခွဲဝေထောက်ပံ့လျက်ရှိကြောင်း သတင်းရရှိသည်။

MOI

လုပ်အားခများကို ခေါင်းပုံဖြတ်ရယူခဲ့သူအား လူကုန်ကူးမှုတားဆီးနှိမ်နင်းရေးဥပဒေပုဒ်မ ၃၅၊ ၃၆ ဖြင့် အလုပ်နှင့် ထောင်ဒဏ်များ ကျခံစေရန်အမိန့်ချမှတ်ခဲ့ကြောင်း မြန်မာနိုင်ငံရဲတပ်ဖွဲ့မှ သိရသည်။

ဧရာဝတီတိုင်းဒေသကြီး ဖျာပုံမြို့နယ်နေ ဦး---/၅၁/၂၀၂၅ ခုနှစ် နေသူသည် ဖျာပုံမြို့ အမှတ်(၁)ရပ်ကွက်ရှိ ဖျာပုံတံတားအောက်တွင် အရက်သေစာသောက်စားပြီး အိပ်ပျော်နေစဉ် မောင်ထွန်း၊ ရွာလယ်ပိုင်းလမ်း၊ ကျုံကူကျေးရွာ၊ ဖျာပုံမြို့နယ်၊ ဧရာဝတီတိုင်းဒေသကြီးနေသူက အိပ်ရန်နေရာမရှိပါက ၎င်း၏ နေအိမ်သို့လိုက်ခဲ့ရန် ခေါ်ဆောင်သဖြင့် လိုက်ပါသွားခဲ့ကြောင်း။

ထို့နောက် နေအိမ်အရောက်တွင် ၎င်းအား မောင်ထွန်းက ငါးဖမ်းစက်လှေတွင် လိုက်ပါလုပ်ကိုင်ရန် စည်းရုံးရာ မလုပ်ကိုင်လိုကြောင်း ငြင်းဆန်ခဲ့သော်လည်း ဖျာပုံမြို့နယ်၊ မှော်ဘီကျေးရွာရှိ “ဓူဝံ” ငါးဖမ်း အလုပ်ရုံသို့ပို့ဆောင်ကာ ကြိုတင်ငွေကျပ် ၂ သိန်းထုတ်ယူသွားခဲ့ကြောင်း၊ အဆိုပါနေရာ၌ လုပ်အားခအနေဖြင့် တစ်လလျှင် ငွေကျပ် ၂၂၀၀၀၀ နှုန်းဖြင့် ၉ လခန့်လုပ်ကိုင်ခဲ့ရာ မောင်ထွန်းမှ ငွေကျပ် ၁၁၅၀၀၀၀ ကို ထပ်မံထုတ်ယူသွားခဲ့သဖြင့် ၎င်းအား ငွေကျပ် ၁၃၆၅၀၀ သာ ထုတ်ပေးခဲ့သဖြင့် ၎င်း၏ လုပ်အားခများအား ခေါင်းပုံဖြတ်ရယူသွားခဲ့သည့် မောင်ထွန်းအား ဖျာပုံမြို့မရဲစခန်း (ပ)၅၉/၂၀၂၅၊ လူကုန်ကူးမှုတားဆီးနှိမ်နင်းရေးဥပဒေပုဒ်မ ၃၆ ဖြင့် အမှုရေးဖွင့် တရားစွဲတင်ပို့ခဲ့သည်။ ဖျာပုံခရိုင်တရားရုံးမှ ဇွန် ၁၂ ရက်တွင် တရားခံမောင်ထွန်းအား လူကုန်ကူးမှုတားဆီးနှိမ်နင်းရေးဥပဒေပုဒ်မ ၃၆ ဖြင့် အလုပ်နှင့် ထောင်ဒဏ် ၈ နှစ်ကျခံစေရန် အမိန့်ချမှတ်ခဲ့သည်။

ထို့ပြင် ရန်ကုန်တိုင်းဒေသကြီး သာကေတမြို့နယ်နေ မ---/ ၂၄/၂၀၂၅ ခုနှစ်နေသူသည် ၈-၂-၂၀၂၅ ရက်နေ့ money@dawwai998 Tik Tok အကောင့်၌ တရုတ်အငှားရည်းစား ၅ ယောက်ခေါ်ယူမည်၊ ၃/၄ လခန့်လုပ်ကိုင်ရမည်ဟု ကြော်ငြာထားသည်ကို တွေ့ရှိသဖြင့် ဆက်သွယ်ခဲ့ရာ အကောင့်ပိုင်ရှင် နေခြည်စိုး(ကျား)၊ ဆိတ်ချိုရွာ၊ ပျော်ဘွယ်မြို့နယ်၊ မန္တလေးတိုင်းဒေသကြီးနှင့် သန်းမိုးဇင်(မ)၊ မူဆယ် မြို့နေ၊ ရှမ်းပြည်နယ်နေသူတို့က ၎င်းအား တရုတ်ယောကျ်ားယူပါက တစ်လလျှင် ငွေကျပ်သိန်း ၅၀ ရမည်၊ ၃ လ လုပ်ကိုင်ပြီးပါက ပြန်လည်ခေါ်ဆောင်ပေးမည်ဟု ပြောဆိုစည်းရုံးပြီး တရုတ်နိုင်ငံသို့ ပို့ဆောင်ရန် စီစဉ်ဆောင်ရွက်ခဲ့သဖြင့် မဟာအောင်မြေမြို့နယ်၊ အမှတ်(၉)မြို့မ ရဲစခန်း (ပ)၃၈/ ၂၀၂၅၊ လူကုန်ကူးမှုတားဆီးနှိမ်နင်းရေးဥပဒေပုဒ်မ ၃၅/၄၄ ဖြင့် အမှုရေးဖွင့်တရားစွဲတင်ပို့ခဲ့သည်။

အဆိုပါအမှုအား မဟာအောင်မြေခရိုင်တရားရုံးမှ ဇွန် ၁၂ ရက်တွင် တရားခံနေခြည်စိုး(ကျား)ကို လူကုန်ကူးမှုတားဆီးနှိမ်နင်းရေးဥပဒေပုဒ်မ ၃၅ ဖြင့် အလုပ်နှင့် ထောင်ဒဏ် ၁၂ နှစ် ကျခံစေရန်နှင့် တိမ်းရှောင်တရားခံ သန်းမိုးဇင်(မ)အား ရာဇဝတ်ကျင့်ထုံးဥပဒေပုဒ်မ ၈၇/၈၈ အတည်ပြုထုတ်ဆင့်ခဲ့ကြောင်း သိရှိရသည်။

MOI

နေပြည်တော် ဇွန် ၁၇

မန္တလေးတိုင်းဒေသကြီး၊ စစ်ကိုင်းတိုင်းဒေသကြီးအောက်ပိုင်းတို့တွင် နေရာစိပ်စိပ်နှင့် ကျန်တိုင်းဒေသကြီးနှင့် ပြည်နယ်တို့တွင် နေရာအနှံ့အပြား မိုးထစ်ချုန်းရွာပြီး နေပြည်တော်၊ ရန်ကုန်တိုင်းဒေသကြီး၊ ပဲခူးတိုင်းဒေသကြီး၊ စစ်ကိုင်းတိုင်းဒေသကြီးအထက်ပိုင်း၊ ဧရာဝတီတိုင်းဒေသကြီး၊ ကချင်ပြည်နယ်၊ကရင် ပြည်နယ်၊ မွန်ပြည်နယ်နှင့် ရခိုင်ပြည်နယ်တို့တွင် နေရာကွက်၍ မိုးကြီးနိုင်သည်။ ရွာရန်ရာနှုန်းပြည့်ဖြစ်သည်။

(မိုး/ဇလ)

ဝါရှင်တန် ဇွန် ၁၇ 
အမေရိကန်နိုင်ငံ အခြေစိုက် Space-X ကုမ္ပဏီသည် ဖယ်လ်ကွန်-၉ ဒုံးပျံများ၏ ၅၀၁ ကြိမ် မြောက် မစ်ရှင်အဖြစ် ဇွန် ၁၅ ရက် တွင် စတားလင့်ခ်ဂြိုဟ်ဟု ၂၃ စင်းကို လွှတ်တင်ခဲ့ကြောင်း ဇွန် ၁၆ ရက် သတင်းများအရ သိရသည်။
အဆိုပါစတားလင့်ခ်ဂြိုဟ်တု ၂၃ စင်း သယ်ဆောင်ထားသော ဖယ်လ်ကွန်-၉ ဒုံးပျံကို ဖလော်ရီဒါ ပြည်နယ် ကိပ်ကာနေဗာရယ် အာကာသစခန်းမှတစ်ဆင့် လွှတ် တင်ခဲ့ခြင်းဖြစ်သည်။

အထက်ပါ စတားလင့်ခ်ဂြိုဟ် ဘုံ ၂၃ စင်းအနက် ၁၃ စင်းမှာ ဆဲလ်ဖုန်းများသို့ အင်တာနက် ဝန်ဆောင်မှု တိုက်ရိုက်ပေးနိုင်သော ဂြိုဟ်တုများဖြစ်ကြသည်။

လွှတ်တင်ပြီး ရှစ်မိနစ်ခန့် အကြာတွင် ဖယ်လ်ကွန် ၉ ဒုံးပျံ ၏ပထမအဆင့်ဒုံးယာဉ်သည် အတ္တလန္တိတ်သမုဒ္ဒရာအတွင်း အသင့်စောင့်ဆိုင်းနေသော မောင်းသူမဲ့ ကွဲရေယာဉ်ပေါ်သို့ အောင်မြင်စွာ ဆင်းသက်နိုင်ခဲ့သည်။

လွှတ်တင်ပြီး တစ်နာရီ ငါး မိနစ်အကြာတွင် ဖယ်လ်ကွန်-၉ ဒုံးပျံ၏ ထိပ်ဖူး အဆင့်ဒုံးယာဉ်သည် သယ်ဆောင်ထားသည့် စတားလင့်ခ်ဂြိုဟ်တုများကို သတ်မှတ် ပတ်လမ်းပေါ်သို့ ပို့ဆောင်ပေးနိုင်ခဲ့ကြောင်း သိရသည်။

ဇွန် ၁၅ ရက် စကားလင့်ခ် မစ်ရှင်သည် Space X ကုမ္ပဏီက ယခုနှစ်အတွင်း လွှတ်တင်ခဲ့သော ၇၃ ကြိမ်မြောက် ဖယ်လ်ကွန်-၉ မစ်ရှင်ဖြစ်ကြောင်း သိရသည်။

Ref: Russia Today

Trs: KKO

နည်းပညာသတင်း

YDNB Newspaper