ဒိန်းမတ်၊ ဂရိ၊ ပါကစ္စတန်၊ ပနားမားနှင့် ဆိုမာလီယာ အစရှိသည့် နိုင်ငံ ၅ နိုင်ငံသည် ကုလသမဂ္ဂလုံခြုံရေးကောင်စီ၏ အမြဲတမ်းမဟုတ်သောအဖွဲ့ဝင်များအဖြစ် ရွေးကောက်ခံရပြီးနောက် စတင်တာဝန်ထမ်းဆောင်ပြီ ဖြစ်ကြောင်းသိရသည်။

၎င်းတို့၏ နှစ် နှစ်တာ တာဝန်ယူရမည့်သက်တမ်းသည် ခရစ္စမတ်နှင့် နှစ်သစ်ကူးအားလပ်ရက်အပြီး ၂၀၂၅ ခုနှစ် အတွက် ကောင်စီ၏လုပ်ငန်းများကို ပြန်လည် လည်ပတ်ချိန်ဖြစ်သော ဇန်နဝါရီလ ၁ ရက်နေ့က တရားဝင် စတင်ခဲ့ခြင်းဖြစ်သည်ဟုလည်းသိရသည်။

၎င်း ၅ နိုင်ငံသည် ယခင် အဖွဲ့ဝင်နိုင်ငံများဖြစ်သည့် အီကွေဒေါ၊ ဂျပန်၊ မောလ်တာ၊ မိုဇမ်ဘတ်နှင့် ဆွစ်ဇာလန်တို့နေရာ၌ အစားထိုးဝင်ရောက်လာသည့် နိုင်ငံများ ဖြစ်သည်။ လုံခြုံရေးကောင်စီအဖွဲ့ဝင်သစ်များအတွက် အလံတပ်ဆင်ခြင်းဓလေ့ကို ၂၀၁၈ ခုနှစ်က ကာဇက်စတန်၌ စတင်ခဲ့ခြင်းဖြစ်ပြီး ယခုအခါ New York ရှိ ကုလသမဂ္ဂဌာနချုပ်၌ ကျင်းပပြုလုပ်ခဲ့သည်။

ယင်းနောက် သက်ဆိုင်ရာနိုင်ငံအသီးသီးမှ ခေါင်းဆောင်များက အဖွဲ့ဝင်နိုင်ငံများကို ဝမ်းမြောက်စွာကြိုဆိုကြောင်း နှုတ်ခွန်းဆက်စကားများကို အသီးသီးပြောကြားကာ နှစ်နှစ်တာကာလအတွင်း အကောင်းဆုံး ဆောင်ရွက်သွားနိုင်ပါစေကြောင်း ဆုတောင်းပေးခဲ့ကြသည်။

အဖွဲ့ဝင်သစ်နိုင်ငံများမှ ခေါင်းဆောင်များကလည်း နိုင်ငံအလံများကိုတပ်ဆင်ချိန်၌ မိန့်ခွန်းတိုများကို အသီးသီး ပြောကြားခဲ့ကြသည်။

ကုလသမဂ္ဂလုံခြုံရေးကောင်စီ၌ အမြဲတမ်း အဖွဲ့ဝင်နိုင်ငံများအဖြစ် ဗြိတိန်၊ တရုတ်၊ ပြင်သစ်၊ ရုရှားနှင့် အမေရိက တို့ပါဝင်ပြီး အမြဲတမ်းမဟုတ်သည့်အဖွဲ့ဝင် ၁၀ နိုင်ငံအား နှစ်နှစ်တစ်ကြိမ် ကုလသမဂ္ဂအထွေထွေညီလာခံက ရွေးချယ်လေ့ရှိသည်။

ကိုးကား-Popular News Journal

Photo- UN News- the United Nations

အမေရိကန်သမ္မတ ဂျိုးဘိုင်ဒင်သည် အီရန်၏ နျူကလီးယား စက်ရုံများအပေါ် စစ်ရေးအရ အရေးယူဆောင်ရွက်ရန် အဆင့်မြင့်အစည်းအဝေးတစ်ခုကို လွန်ခဲ့သည့်ရက် သတ္တပတ်များက ပြုလုပ်ခဲ့ကြောင်း Axios မှ ကိုးကား ဖော်ပြသည့် သတင်းရင်းမြစ်များအရ သိရသည်။

အဆိုပါဆွေးနွေးမှုများတွင် အီရန်အနေဖြင့် နျူကလီးယား လက်နက်ထုတ်လုပ်နိုင်ရေး ကြိုးပမ်းမှုများ ရည်မှန်းချက်အောင်မြင်လာနိုင်သည့် အခြေအနေများ အတွက် ဇန်နဝါရီ ၂၀ ရက် ဘိုင်ဒင် ရာထူးမှ မထွက်ခွာမီ အရေးပေါ်စီစဉ်မှု၏ တစ်စိတ်တစ်ပိုင်းဖြစ်ကြောင်း သိရသည်။

အမျိုးသားလုံခြုံရေးအကြံပေး Jake Sullivan က အစည်းအဝေးအတွင်း Biden အား ဆောင်ရွက်နိုင်မည့် နည်းလမ်းများစွာကို တင်ပြခဲ့သော်လည်း သမ္မတက မည်သည့်နည်းလမ်းကိုမျှ အတည်မပြုခဲ့ကြောင်း၊ စစ်ရေးတိုက်ခိုက်မှုများနှင့်ပတ်သက်၍ လက်ရှိအချိန်အထိ ဆွေးနွေးမှုများ ပြုလုပ်နေဆဲဖြစ်ကြောင်း အဆိုပါ သတင်းရင်းမြစ်များက ဆက်လက်ဖော်ပြထားသည်။

ကိုးကား-RT

အိန္ဒိယနိုင်ငံက လက်ရှိမှာဒုံးကျည်ကို အဓိကတင်ပို့သူဖြစ်လာမယ့်အနေအထားကိုရောက်ရှိနေပါပြီ။ အကြောင်းရင်းကတော့ ဗီယက်နမ်ကို Brahmos ဒုံးကျည် များတင်ပို့ရောင်းချဖို့အတွက် သဘောတူညီချက်ရရှိလိုက်လို့ပါပဲ။ သဘောတူညီချက်ရဲ့တန်ဖိုးက အမေရိကန်ဒေါ်လာသန်း ၇၀၀ ရှိပါတယ်။

အခုလို ဒုံးကျည်များတင်ပို့ရေးအတွက် သဘောတူညီချက်ရရှိလိုက်ခြင်းက အိန္ဒိယအစိုးရရဲ့ ကျယ်ပြန့်လှသောမဟာဗျူဟာဖြစ်တဲ့ ကာကွယ်ရေးမှာကိုယ့်အားကိုယ်ကိုးရေး၊ ပြည်ပမှသွင်းကုန်များအပေါ်မှီခိုနေရမှုကိုလျှော့ချရေး၊  ပြည်တွင်းဖြစ်နည်းပညာများရဲ့ စွမ်းဆောင်ရည်များကို ကမ္ဘာသိထုတ်ဖော်ပြသရေးဆိုတဲ့ အချက်များနဲ့အညီဖြစ်ပါတယ်။

ဒါ့အပြင် ကမ္ဘာ့စင်မြင့်ထက်မှာ အဆင့်မြင့်ကာကွယ်ရေးပစ္စည်းများရောင်းချနိုင်တဲ့ နိုင်ငံအဖြစ်ဆီသို့ အိန္ဒိယနိုင်ငံကတက် လှမ်းလာနိုင်မှုကိုလည်း ဖော်ပြနေတာဖြစ် ပါတယ်။

Brahmos ဒုံးကျည်ဆိုတာ အသံထက်မြန်  ဒုံးကျည်ဖြစ်ပြီး အိန္ဒိယနဲ့ရုရှားနိုင်ငံတို့ကြား ကာကွယ်ရေးဆိုင်ရာပူးပေါင်းဆောင်ရွက်မှုရဲ့ အသီးအပွင့်လည်းဖြစ်ပါ တယ်။ Brahmos ဒုံးကျည်က ကီလိုဂရမ်  ၃၀၀ အလေးချိန်ရှိတဲ့ထိပ်ဖူးကိုသယ်နိုင်ကာ မြေပြင်၊ ရေပြင်၊ ဝေဟင်တို့ကနေ အသုံးပြုနိုင်ပြီး ကီလိုမီတာ ၆၀၀ အထိ ရောက်ရှိနိုင်စွမ်းရှိပါတယ်။   

Ref: ARK.H

Source: Myawady Web Portal

အိန္ဒိယနှင့်ပါကစ္စတန်တို့သည် နှစ် ၃၀ ကျော် တည်ရှိခဲ့သည့် သဘောတူညီချက်အရ ၎င်းတို့၏ နျူကလီးယားဆိုင်ရာ အဆောက်အဦများစာရင်းကို အပြန်အလှန် ဖလှယ်ခဲ့ကြသည်။

အိမ်နီးချင်းနှစ်နိုင်ငံတို့သည် ဇန်နဝါရီ ၁ ရက်က ၎င်းတို့၏ နျူကလီယား တပ်ဆင်မှုစာရင်းများကို အပြန်အလှန် ဖလှယ်ခဲ့ကြပြီး ယင်းကဲ့သို့ စက်ရုံများကို တိုက်ခိုက်ခြင်း အားတားမြစ်သည့် ဆယ်စုနှစ်သုံးစုကြာ ထိန်းသိမ်းထားသည့် နှစ်နိုင်ငံသဘောတူညီချက်ကို ဆက်လက် အကောင်အထည်ဖော်ခဲ့ကြသည်။

အဆိုပါသဘောတူညီချက်ကို ၁၉၈၈ ခုနှစ်တွင် လက်မှတ်ရေးထိုးခဲ့ပြီး ၁၉၉၁ ခုနှစ်တွင် အတည်ပြုခဲ့သည်။ ၎င်းသည် ၃၄ ကြိမ်မြောက် ဆက်တိုက်ဖလှယ်မှုဖြစ်ပြီး အဆိုပါစာရင်းများဖလှယ်ခြင်းကို ၁၉၉၂ ခုနှစ် ဇန်န၀ါရီလ ၁ ရက်နေ့တွင် ပထမဆုံး ပြုလုပ်ခဲ့သည်။ အိန္ဒိယနှင့် ပါကစ္စတန်ကြား နျူကလီးယား တပ်ဆင်မှုနှင့် စက်ရုံများကိုတိုက်ခိုက်ခြင်း တားမြစ်ခြင်းဆိုင်ရာ သဘောတူညီချက် အရအကျုံးဝင်သည့် နျူကလီးယားတပ်ဆင်မှုနှင့် အဆောက်အအုံများစာရင်းကို  သံတမန်လမ်းကြောင်းများမှတစ်ဆင့် နယူးဒေလီနှင့်အစ္စလာမာဘတ်တို့တွင် တပြိုင်နက်ဖလှယ်ခဲ့ကြကြောင်း အိန္ဒိယနိုင်ငံခြားရေးဝန်ကြီးဌာနကဖော်ပြထားသည်။

စတော့ဟုမ်း နိုင်ငံတကာငြိမ်းချမ်းရေးသုတေသနဌာန (SIPRI) က အိန္ဒိယနှင့် ပါကစ္စတန်တို့သည် ၂၀၂၄ ခုနှစ်တွင် နျူကလီးယား ထိပ်ဖူး ၁၇၂ လုံးနှင့် ၁၇၀အသီးသီး ပိုင်ဆိုင်ထားကြောင်း ခန့်မှန်းထားသည်။အိန္ဒိယ၊ ပါကစ္စတန်နှင့် မြောက်ကိုရီးယားတို့သည် ပဲ့ထိန်းဒုံးကျည်များပေါ်တွင် ထိပ်ဖူးများစွာ တပ်ဆင်ဖြန့်ကျက် နိုင်စွမ်းကိုကြိုးပမ်းနေကြပြီး ရုရှား၊ ပြင်သစ်၊ ယူကေ၊ အမေရိကန်နှင့် တရုတ်နိုင်ငံတို့တွင် ရှိနှင့်ပြီးဖြစ်သည် ဟု SIPRI က ၎င်း၏ ဇွန်လအစီရင်ခံစာတွင် မှတ်ချက်ပြုဖော်ပြခဲ့သည်။

ကိုးကား-RT

Altay ပင်မတိုက်ပွဲဝင်တင့်က ၂၀၂၅ ခုနှစ် ဩဂုတ်လမှာ တူကီယဲကြည်းတပ်ရဲ့စစ်လက်နက်တစ်ခု ဖြစ်လာတော့မှာ ဖြစ်ပါတယ်။ အဲဒီပင်မတိုက်ပွဲဝင်တင့်ဆိုတာက သံချပ်ကာယာဉ်များရဲ့မျိုးဆက်အသစ်တစ်ခုကို ကိုယ်စားပြုနေတဲ့အပြင် ခေတ်သစ်ခြေလျင်တပ်ဖွဲ့တွေရဲ့ လိုအပ်ချက်တွေနဲ့ပြည့်မီအောင်လည်းတီထွင်ဖန်တီးထားတာကြောင့် တူကီယဲရဲ့စွမ်းရည်ကိုပြန်လည်သတ်မှတ်ပေးမယ့် တင့်တစ်စီးဆိုရင်လည်း မမှားပါဘူး။

Altay ပင်မတိုက်ပွဲဝင်တင့်ကိုရရှိနိုင်ဖို့အတွက် တူကီယဲကာကွယ်ရေးကုမ္ပဏီများစွာက ပူးပေါင်းဆောင်ရွက်ထားကြတာပါ။ သူ့မှာ သွယ်ဝိုက်ကာကွယ်မှုစနစ်နဲ့ပေါက်ကွဲမှုကို တုံ့ပြန်တဲ့သံချပ်ကာပစ္စည်းတွေပါဝင်ပါတယ်။ ဒါ့အပြင် တိုက်ရိုက်ကာကွယ်ရေးစနစ်ကိုလည်း တပ်ဆင်ထားပါတယ်။ ဒီစနစ်တွေက ကုမ္ပဏီတစ်ခုချင်းစီကပါ။ အခုလိုပေါင်းစပ်လိုက်တဲ့အတွက်တိုက်ယာဉ်အဖွဲ့သားလေးဦးလိုက်ပါနိုင်တဲ့ ပင်မတိုက်ပွဲဝင်တင့်က တစ်ဖက်မှာရန်သူကို စိတ်ရှိလက်ရှိချေမှုန်းနိုင်နေစဉ် တခြားတစ်ဖက်မှာတော့ မိုင်းများ၊ ဖောက်ခွဲရေး ပစ္စည်းများကိုခံနိုင်ရည်ရှိကာ ရှင်သန်နိုင်စွမ်းကို တိုးမြင့်စေမှာဖြစ်ပါတယ်။

Altay ပင်မတိုက်ပွဲဝင်တင့်ကို ပြည်တွင်းနည်းပညာနဲ့ပဲ ပြည်တွင်းမှာထုတ်လုပ်ဖို့ ၂၀၀၀ ပြည့်နှစ်နှောင်းပိုင်းလောက်ကတည်းက စတင်လုပ်ဆောင်ခဲ့တာဖြစ် ပါတယ်။                            

Ref: AR K.H

Source: Myawady Web Portal

အမေရိကန်ပြည်ထောင်စု နယူးအော်လင်းမြို့တွင် ဇန်နဝါရီ ၁ ရက် နှစ်သစ်ကူးနေ့ နံနက်အစောပိုင်း ၀၃၅၀ အချိန်၌ ကားတစ်စီးက နှစ်သစ်ကူးပွဲတော် ကျင်းပနေသည့် လူအုပ်ကြီးထဲ ဝင်ရောက်တိုက်ခဲ့သဖြင့် အနည်းဆုံး လူ ၁၅ ဦး သေဆုံးသွားပြီး လူဒါဇင်ပေါင်း များစွာ ဒဏ်ရာရရှိသွားပါသည်။ 

အဆိုပါတိုက်ခိုက်မှုအတွက် သံသယရှိသူ အသက် ၄၂ အရွယ် တက္ကဆက်ဒေသခံ Shamsud-Din Jabbar ဆိုသူမှာ ရဲအရာရှိများ၏ သေနတ်ဖြင့်ပစ်ခတ်မှုကြောင့် အခင်းဖြစ်ပွားရာနေရာတွင် သေဆုံးသွားပြီး ၎င်းသည် စစ်မှုထမ်းဟောင်းတစ်ဦး ဖြစ်ကြောင်း စစ်ဆေး သိရှိ ရပါသည်။ တိုက်ခိုက်ရာ၌ အသုံးပြုခဲ့သည့် ကုန်တင်ကားထဲတွင်   ISIS အလံ ရှာဖွေတွေ့ရှိခဲ့သဖြင့် ထိုတိုက်ခိုက်မှုမှာ အကြမ်းဖက်မှု ဟုတ်၊ မဟုတ် FBI က စစ်ဆေးလျက်ရှိပါသည်။

ကိုးကား - CNN

လာ့စ်ဗီးဂတ်စ်မြို့ရှိ ထရမ့်အမည်ရှိနိုင်ငံတကာဟိုတယ်အပြင်ဘက်တွင် တက်စလာလျှပ်စစ်ကား ပေါက်ကွဲမှုသည် အကြမ်းဖက်ဝါဒ၏ လုပ်ရပ်ဖြစ်ဖွယ်ရှိကြောင်း အီလွန်မက်စ်က ပြောကြားခဲ့ပါသည်။ အဆိုပါ ပေါက်ကွဲမှုကြောင့် လျှပ်စစ်ကား မောင်းနှင်သူတစ်ဦး သေဆုံးပြီး အနည်းဆုံး လူခုနစ်ဦး ဒဏ်ရာရရှိခဲ့ကြောင်း သိရှိရပါသည်။

အဆိုပါဖြစ်ရပ်သည် လူ ၁၅ ဦးထက်မနည်း သေဆုံးခဲ့ရသည့် နယူးအော်လန်တွင် ဖြစ်ပွားခဲ့သော လူအုပ်စုအား ကားဖြင့်ဝင်တိုက်မှုနှင့် သေနတ်ပစ်ဖောက်မှုတို့နှင့် ဆက်စပ်မှုရှိနိုင်ကြောင်း တက်စလာ စီအီးအိုက စွပ်စွဲ ခဲ့ပါသည်။တိုက်ခိုက်မှုတွင် အသုံးပြုသည့်ကားကို “အသေခံဗုံး” ဟု ရည်ညွှန်းခဲ့ပါသည်။ 

အကြမ်းဖက်မှုတစ်ခုဟု ရှုမြင်ကြောင်း၊ နယူးအော်လန်တွင် ဖြစ်ပွားခဲ့သော တိုက်ခိုက်မှုများနှင့် လျှပ်စစ်ကား ဖောက်ခွဲတိုက်ခိုက်မှုများတွင် တူရိုကား အငှား ကုမ္ပဏီထံမှကားများကို ငှားရမ်းခဲ့ခြင်းဖြစ်ပြီး တစ်နည်းနည်းဖြင့် ချိတ်ဆက်နေခြင်းဖြစ်နိုင်ကြောင်း အီလွန်မက်စ်က ဆိုပါသည်။

လျှပ်စစ်ကားပေါက်ကွဲမှုနှင့်ပတ်သက်ပြီး အစောပိုင်းက ပြစ်တင်မှုများကို အီလွန်မက်စ်က ပြင်းပြင်းထန်ထန် ငြင်းဆိုခဲ့ပါသည်။ “လျှပ်စစ်ကား ဘက်ထရီပေါက်ကွဲမှုဆိုတာ လုံးဝမဟုတ်ပါဘူး။ ကားက ပုံမှန်အတိုင်းပဲ ရှိနေတာပါ။ ကားကို စစ်ဆေးပြီးသွားပါပြီ။ ဘက်ထရီပေါက်ကွဲမှု မဟုတ်ပါဘူး။ အသေခံဗုံးခွဲမှုပါပဲ” ဟု ဆိုထားပါသည်။ 

အွန်လိုင်းပေါ်တွင် ပျံ့နှံ့နေသည့် CCTV မှတ်တမ်းများတွင် ပေါက်ကွဲမှုကြောင့် ယာဉ်၏ ကုန်တင်ခန်း၏အဖုံးမှာ စုတ်ပြတ်သွားကြောင်း ပြသထားပြီး ဖြစ်စဉ်အတွင်း သေးငယ်သော ပေါက်ကွဲမှုများစွာကို တွေ့ရှိရပါသည်။ ကားမီးလောင်မှုဖြစ်ပွားခဲ့ရာ ယာဉ်မောင်းသည် အခင်းဖြစ်နေရာတွင် သေဆုံးခဲ့ကြောင်း သိရပါသည်။ အာဏာပိုင်များက အဆိုပါပေါက်ကွဲမှုအား အကြမ်းဖက်လုပ်ရပ်အဖြစ် စုံစမ်းစစ်ဆေးလျက်ရှိပြီး လျှပ်စစ်ကားပေါ်၌  ဗုံးနှင့်သဏ္ဌန်တူသော ပစ္စည်းများ သယ်ဆောင်လာသည်ဟု အမည်မဖော်လိုသူ အရာရှိတစ်ဦး၏ စုံစမ်းစစ်ဆေးမှုကို ကိုးကား၍ ABC သတင်းဌာနက ဖော်ပြခဲ့ပါသည်။ စုံစမ်းစစ်ဆေးရေးအဖွဲ့သည် အခင်းဖြစ်ပွားရခြင်း၏ နောက်ကွယ်မှအကြောင်းရင်းများကို ဖော်ထုတ်ရန်လျှပ်စစ်ကားပေါ်တွင် သေဆုံးသွားသည့် ယာဉ်မောင်း၏နောက်ကြောင်းကို စုံစမ်းလျက်ရှိနေပြီး ၎င်းက ဖောက်ခွဲမှုလုပ်ဆောင်ရန် ရည်ရွယ်ခြင်း ရှိ၊ မရှိ ဆုံးဖြတ်ရန်အတွက် သုံးသပ်နေကြပါသည်။ 

ကိုးကား-Myanmar National Post

Photo- CNN

ပြင်သစ်တပ်ဖွဲ့များ အနောက်အာဖရိက‌ဒေသမှ ဆုတ်ခွာမည်ဖြစ်ကြောင်းနှင့် ယခင် ပြင်သစ်ကိုလိုနီဖြစ်ခဲ့သည့် အနောက်အာဖရိကဒေသများအပေါ် စစ်ရေးအရ လွှမ်းမိုးမှုကို လျှော့ချသွားမည်ဖြစ်‌ကြောင်း အိုင်ဗရီကို့စ်နိုင်ငံသမ္မတ Alassane Ouattara က ကြေညာလိုက်ပါသည်။ 

ထိုသို့ဆောင်ရွက်ခြင်းသည် မိမိတို့နိုင်ငံ၏ လက်နက်ကိုင်တပ်ဖွဲ့များ ခေတ်မီတိုးတက်လာခြင်းပင်ဖြစ်ကြောင်း သမ္မတက ၎င်း၏ နှစ်သစ်ကူးမိန့်ခွန်းတွင် ပြောကြား ထားပါသည်။ 

ထို့ပြင် ဆီနီဂေါနိုင်ငံကလည်း ၎င်း၏နယ်မြေအတွင်း အခြေစိုက်ထားသော ပြင်သစ်စစ်စခန်းများ ဆုတ်ခွာမည်ဟု ပြီးခဲ့သည့်လကကြေညာခဲ့ပြီး ထိုသို့ ဆုတ်ခွာမှု မှာ ၂၀၂၅ ခုနှစ်၊ နှစ်ကုန်ပိုင်းတွင် ပြီးဆုံးမည်ဖြစ်ကြောင်း အတည်ပြုပြောကြားထားသည်။

အိုင်ဗရီကို့စ်နိုင်ငံသည် ပြင်သစ်ကိုလိုနီနိုင်ငံဖြစ်ခဲ့ပြီး ၁၉၆၀ ပြည့်နှစ်တွင် လွတ်လပ်ရေးရရှိခဲ့ခြင်းဖြစ်သည်။ လက်ရှိ အနောက်အာဖရိကတွင် ပြင်သစ်တပ်ဖွဲ့ အများဆုံးရှိသည့် နိုင်ငံသည် အိုင်ဗရီကို့စ်နိုင်ငံဖြစ်ပြီး တပ်ဖွဲ့ဝင်အင်အား ၆၀၀ အထိ ကျန်ရှိကာ ဆီနီဂေါနိုင်ငံတွင်မူ ပြင်သစ်တပ်ဖွဲ့ဝင်အင်အား ၃၅၀ အထိ ကျန်ရှိနေဆဲဖြစ်သည်။

ကိုးကား - BBC

ပြီးခဲ့သည့်ရက်က ရုရှားအထူးစစ်ဆင်ရေးနယ်မြေ အတွင်း ယူကရိန်းတပ်ဖွဲ့ဝင် ၁၀၅၀ ဦး ကျဆုံးသွားကြောင်း ရုရှားကာကွယ်ရေးဝန်ကြီးဌာန၏ အစီရင်ခံစာက ဖော်ပြထားပါသည်။

ထို့ပြင် ယင်းနေ့မှာပင် ယူကရိန်း၏ HIMARS နှင့် Uragan ဒုံးပျံ ၇ စင်းနှင့် ဒရုန်း ၆၆ စင်းတို့ကို ရုရှား လေကြောင်းက ပစ်ချခဲ့ကြောင်း ရုရှားကာကွယ်ရေး ဝန်ကြီးဌာန၏ ထုတ်ပြန်ချက်ကို ကိုးကား၍ TASS သတင်းဌာနက ဇန်နဝါရီ ၁ ရက်တွင် ဖော်ပြထားသည်။

ကိုးကား(TASS)

ဧရာဝတီတံတား (ရတနာပုံ) စစ်ဆေးရေးဂိတ်တွင် မန္တလေးမြို့မှ ဗိုလ်ကြီးဟိန်းဇာနည်ကျော် ဦးဆောင်သည့် ပူးပေါင်းအဖွဲ့များသည် အကြမ်းဖက်အဖွဲ့အစည်းများ ဝင်ရောက်မှုမရှိစေရန်၊ တရားမဝင်ကုန်ပစ္စည်းများ သယ်ယူပို့ဆောင်မှုမရှိစေရန် ကုန်တင်ယာဉ်ကြီးများနှင့် ခရီးသည်တင်ယာဉ်များအား စစ်ဆေးခဲ့ရာ PDF အကြမ်းဖက်များထံ ပို့ဆောင်ပေးမည့် စက်သုံးဆီနှင့် ဆေးဝါးပစ္စည်းများ ဖမ်းဆီးရမိခဲ့ကြောင်း သိရသည်။

စစ်ကိုင်းမှ မန္တလေးသို့ မောင်းနှင်လာသော အောင်နိုင်မန်း ခရီးတင်ယာဉ်အား ရပ်တန့်စစ်ဆေးစဉ် PDF အကြမ်းဖက် မသင်္ကာသူ ၁ ဦး တွေ့ရှိရသဖြင့် ဆက်လက်စစ်ဆေးရာ သီဟ ၊အသက် (၂၅) နှစ်၊ စဉ်ပါရွာ၊ ဝက်လက်မြို့နယ် နေသူတွင် ဦးခေါင်း နောက်စိတည့်တည့် ပြတ်ရှဒဏ်ရာ နှင့် နောက်ကြော တစ်လျှောက်ရိုက်နှက်ဒဏ်ရာများ တွေ့ရှိရသဖြင့် ဆက်စပ်၍ အကြမ်းဖက်အဖွဲ့အစည်း များနှင့် ဆက်သွယ်မှု ရှိ/မရှိ သိရှိနိုင်ရန် စစ်ဆေးနေကြောင်း သိရသည်။

ဖမ်းဆီးရမိ ဖြစ်စဉ်များတွင် သံဃာတော်တချို့ကလည်း PDF အကြမ်းဖက်သမားများအတွက် ဆေးဝါးနှင့်စက်သုံးဆီများ ပို့ဆောင်ပေးနေသည်ကို စိစစ်တွေ့ရှိခဲ့ရသည်။

ကိုးကား-Myanmar National Post