အမေရိကန် ကာကွယ်ရေးဝန်ကြီး Pete Hegseth က သမ္မတ Donald Trump ၏ အစိုးရအဖွဲ့သည် ဗီယက်နမ်နိုင်ငံနှင့် ပူးပေါင်းဆောင်ရွက်မှုကို တန်ဖိုး ထားကြောင်း ဖေဖော်ဝါရီ ၇ ရက်နေ့က ဗီယက်နမ် နိုင်ငံခြားရေးဝန်ကြီးနှင့် ဖုန်းဖြင့်ဆွေးနွေးစဉ် ပြောကြား ခဲ့သည်။

အထူးသဖြင့် နှစ်ဖက်စလုံးမှ သဘောတူထားသည့်အတိုင်း စစ်ပွဲအမွေအနှစ်ပြန်လည်ကုစားရေးတွင် Trump အစိုးရသည် ဗီယက်နမ်နှင့် ကာကွယ်ရေး၊ ဆက်ဆံရေးကို ပိုမိုတိုးမြှင့်ရန် မျှော်လင့်ကြောင်း Hegseth မှ အတည်ပြုပြောကြားခဲ့သည်။

ရုရှားသမ္မတ ဗလာဒီမာပူတင်သည် ရုရှားနိုင်ငံ တစ်ဝှမ်းရှိ အိုးမဲ့အိမ်မဲ့များအား အခမဲ့ဆေးဘက်ဆိုင်ရာ အကူအညီများပေးရန် အစိုးရကို တာဝန်ပေးအပ်ထားပြီး ၎င်းတို့၏ အထောက်အထား သို့မဟုတ် မှတ်ပုံတင်/လိပ်စာကို အတည်ပြုသည့် စာရွက်စာတမ်းများ မပါရှိစေကာမူ ကျန်းမာရေးစောင့်ရှောက်မှု အပြည့်အဝပေးရန် ညွှန်ကြားထားကြောင်းသိရှိရပါသည်။

ညွှန်ကြားချက်အတွက် နောက်ဆုံးသတ်မှတ်ရက်မှာ ၂၀၂၅ ခုနှစ်၊ ဇူလိုင်လ ၁ ရက်နေ့ ဖြစ်ပြီး ရုရှား ဝန်ကြီးချုပ် Mikhail Mishustin အား အဆိုပါတာဝန်ကို အကောင်အထည်ဖော်ရန်အတွက် တာဝန်ပေးအပ်ထား ကြောင်းသိရှိရသည်။

အစိုးရစွမ်းဆောင်ရည်မြှင့်တင်ရေးဌာန (DOGE) ၏ အကြီးအကဲအဖြစ် Elon Musk အား ဗဟိုအစိုးရ အသုံးစရိတ်ကို ပြန်လည်သုံးသပ်ရန် တာဝန်ပေးအပ် ထားပြီး ၎င်းအား ပင်တဂွန်နှင့် ပညာရေးဌာနအပေါ် စစ်ဆေး၍ တွေ့ရှိချက်များအပေါ် သုံးသပ်တင်ပြရန် ညွှန်ကြားခဲ့ကြောင်း အမေရိကန်သမ္မတ ဒေါ်နယ်ထရမ့် က အတည်ပြုပြောကြားခဲ့သည်။

အဆိုပါဌာနအသစ်တွင် တာဝန်ထမ်းဆောင်နေသူများအား ပြည်သူ့ဘဏ္ဍာအသုံးပြုမှုများကို စိစစ်လျှော့ချရန်အတွက် အထူးတာဝန်ပေးအပ်ထားကြောင်းဆိုသည်။

ဂျပန်၊ အမေရိကန်၊ ဖိလစ်ပိုင်နှင့် သြစတြေးလျနိုင်ငံများမှ ကာကွယ်ရေးတပ်ဖွဲ့များသည် တောင်တရုတ်ပင်လယ်၌ ပူးတွဲရေကြောင်းလေ့ကျင့်မှု ပြုလုပ်ခဲ့ကြပါသည်။ အမေရိကန်သမ္မတအဖြစ် Donald Trump က တစ်ကျော့ပြန် တာဝန်ယူခဲ့ပြီးနောက် အဆိုပါ ၄ နိုင်ငံသည် ၎င်းတို့၏ ရေကြောင်းဆိုင်ရာ ပူးပေါင်းဆောင်ရွက်မှုကို ပထမဆုံးအကြိမ် သရုပ်ပြခဲ့ကြပါသည်။

ထိုင်ဝမ်ကျွန်းကမ်းလွန်တွင် တရုတ်၏ မိုးပျံပူဖောင်း (၆) လုံးကို ခြေရာခံတွေ့ရှိခဲ့ကြောင်း ထိုင်ဝမ်ကာကွယ်ရေးဝန်ကြီးဌာနက ဖေဖော်ဝါရီလ (၇) ရက်တွင် ထုတ်ပြန် ခဲ့သည်။

တရုတ်အစိုးရက ထိုင်ဝမ်ကျွန်းအပေါ် စစ်ရေးအရ ဖိအားပေးမှုများကို ဆက်လက်လုပ်ဆောင်နေမှုနှင့်အတူ အဆိုပါအစီရင်ခံစာ ထွက်ပေါ်လာခြင်းဖြစ်သည်။

ဖေဖော်ဝါရီလ (၇) ရက်၊ နံနက် (၆) နာရီအချိန်အထိ ပြီးခဲ့သည့် (၂၄) နာရီအတွင်း တရုတ်၏ မိုးပျံပူဖောင်း (၆) လုံးကို ခြေရာခံတွေ့ရှိခဲ့ခြင်းဖြစ်ကြောင်း ထိုင်ဝမ် ကာကွယ်ရေးဝန်ကြီးဌာနက ထုတ်ဖော်ပြောခဲ့သည်။

အမေရိကန်သမ္မတ Donald Trump သည် မြောက်ကိုရီးယားခေါင်းဆောင် Kim Jong-un နှင့် ဆက်ဆံရေး ပြန်လည်ထူထောင်လိုကြောင်း ထုတ်ဖော်ပြောကြားခဲ့ပြီး ၎င်းတို့၏ အတိတ်ဆက်ဆံရေးကို မီးမောင်းထိုးပြကာ သံတမန်ဆက်ဆံရေး၏ အရေးပါမှုကို အလေးပေး ဖော်ပြခဲ့သည်။

ဖေဖော်ဝါရီ ၇ ရက်နေ့တွင် ပြုလုပ်ခဲ့သည့် သတင်းစာ ရှင်းလင်းပွဲ၌ Trump က သတင်းထောက်များအား “ကျွန်တော်တို့ မြောက်ကိုရီးယားခေါင်းဆောင် Kim Jong-un နှင့် ဆက်ဆံရေးရှိမှာပါ” ဟု သတင်းထောက်များအား ပြောကြားခဲ့သည်။

အမေရိကန်၏ USS Harry S. Truman လေယာဉ်တင်သင်္ဘောသည် ယခုသီတင်းပတ်အတွင်း ပင်လယ်နီမှ ထွက်ခွာခဲ့ပြီး Souda ပင်လယ်အော်အတွင်း၌ ဆိုက်ကပ်ခဲ့ကြောင်း အမေရိကန်ရေတပ်က ပြောကြားခဲ့ပါသည်။ USS Harry S. Truman လေယာဉ်တင် သင်္ဘောသည် အမေရိကန် အလယ်ပိုင်းကွပ်ကဲမှုဌာနချုပ် (CENTCOM) ဧရိယာ၌ တိုက်ခိုက်ရေးစစ်ဆင်ရေးများကို နှစ်လကြာ ပြုလုပ်ခဲ့ပြီးနောက် ယခုလို ထွက်ခွာခဲ့ခြင်း လည်းဖြစ်ပါသည်။ ပင်လယ်နီအတွင်း သွားလာနေသည့် ကုန်တင်သင်္ဘောများကို ယီမင်အခြေစိုက် ဟူသီ လက်နက်ကိုင်အဖွဲ့၏ တိုက်ခိုက်မှုများ ကာကွယ်ရန် အစီအစဉ် တစ်စိတ်တစ်ပိုင်းအနေဖြင့် USS Harry S.

နိုင်ငံတော်အစိုးရအနေဖြင့် Online လိမ်လည်မှုနှင့် အခြား ဒုစရိုက်လုပ်ငန်းများကို နှိမ်နင်းဆောင်ရွက်လျက်ရှိမှု အခြေအနေများ၊ ပြည်သူ့စစ်မှုထမ်းဆိုင်ရာ မေးမြန်းမှုများနှင့် ပတ်သက်၍ နိုင်ငံတော်စီမံအုပ်ချုပ်ရေးကောင်စီ သတင်း ထုတ်ပြန်ရေးအဖွဲ့ခေါင်းဆောင် ဗိုလ်ချုပ်ဇော်မင်းထွန်း ပြောကြားရာတွင် ပြည်သူ့စစ်မှုထမ်းဥပဒေ၊ နည်းဥပဒေမှာ အမျိုးသမီးများ စစ်မှုထမ်းရန်အတွက် အကျုံးဝင်သော်လည်း အမျိုးသမီး ပြည်သူ့စစ်မှုထမ်းများကို ဆင့်ခေါ်ရန်အစီအစဉ် မရှိသေးကြောင်း ပြောကြားထားသည်။

နေပြည်တော် ဖေဖော်ဝါရီ ၈

မန္တလေးတိုင်းဒေသကြီး၊ မန္တလေးနန်းမြို့ရိုးအနောက်ဘက်၊ စည်ရှည်တံခါးအနီး၌ ရှေးမူမပျက် အသစ်ပြန်လည်တည်ဆောက်ပြီးစီးခဲ့သည့် စည်ရှည်တံတားဖွင့်ပွဲအခမ်းအနားကို ယနေ့နံနက်ပိုင်းတွင်ကျင်းပပြုလုပ်ရာ နိုင်ငံတော်စီမံအုပ်ချုပ်ရေးကောင်စီဥက္ကဋ္ဌ နိုင်ငံတော်ဝန်ကြီးချုပ် ဗိုလ်ချုပ်မှူးကြီး မင်းအောင်လှိုင် တက်ရောက်ဖွင့်လှစ်ပေးသည်။

တံတားဦး ၊ ဖေဖော်ဝါရီ - ၇

မန္တလေးတိုင်းဒေသကြီး၊ တံတားဦးခရိုင်၊ တံတားဦးမြို့ အခြေခံပညာ အထက်တန်းကျောင်း အတွင်း၌ ဖွင့်လှစ်ထားသော အခြေခံပညာနှင့် စက်မှု ၊ စိုက်ပျိုး ၊ မွေးမြူရေးကျောင်းသို့ တက်ရောက် နိုင်ရေး Grade – 9 ကျောင်းသား/သူများနှင့် တာဝန်ရှိသူများ၏ တွေ့ဆုံဆွေးနွေးပွဲကို ဖေဖော်ဝါရီ ၇ ရက်၊ နံနက် ၁၁ နာရီ က တံတားဦးမြို့ အခြေခံပညာ အထက်တန်းကျောင်း ရတနာထွန်းခန်း၌ ကျင်းပကြောင်းသိရသည် ။