အနောက်နိုင်ငံများသည် ယူကရိန်း၏ စစ်ရေးလိုအပ်ချက်များကို အမျိုးအစားများခွဲခြား၍ အဆိုပါ အမျိုးအစားတစ်ခုစီတွင် ထောက်ပံ့ရေးတာဝန်ယူရန်အတွက် နေတိုးနိုင်ငံများကို တာဝန်ပေးခန့်အပ်မည်ဖြစ်ကြောင်းပင်တဂွန်စစ်ဌာနချုပ်၏ အဆင့်မြင့် ပြောရေးဆိုခွင့်ရှိ သူက ဇန်နဝါရီလ ၇ ရက်၊ အင်္ဂါနေ့တွင် ပြုလုပ်သည့် သတင်းစာရှင်းလင်းပွဲတွင်ပြောကြားခဲ့ပါသည်။

အမေရိကန်သမ္မတ ဂျိုးဘိုင်ဒင်၏အစိုးရအဖွဲ့သည် ယူကရိန်းသို့ နောက်ဆုံးအကြိမ်အဖြစ် အကြီးမားဆုံး စစ်ရေးအကူအညီပေးပို့ရေး အစီအစဉ်ကို ဇန်နဝါရီလ ၉ ရက်နေ့တွင် ကြေညာမည်ဖြစ်ကြောင်း ပင်တဂွန်မှ သတင်းရင်းမြစ်များက The Associated Press သို့ ပြောကြားခဲ့ပါသည်။

လာမည့်ခြောက်လအတွင်း ရုရှားသမ္မတပူတင်နှင့် စေ့စပ်ညှိနှိုင်းရန် ဆန္ဒရှိကြောင်း အမေရိကန်ရွေးကောက်ခံ သမ္မတ ဒေါ်နယ်ထရမ့် က ကြေညာခဲ့ပါသည်။

စေ့စပ်ညှိနှိုင်းရေး ခေါင်းစဉ်များထဲမှ တစ်ခုသည် ယူကရိန်းပဋိပက္ခဖြစ်မည်ဟု အမေရိကန်ရွေးကောက်ခံ သမ္မတက ရှင်းလင်းပြောကြားခဲ့ပါသည်။

အထူးစစ်ဆင်ရေးဇုန်အတွင်း တစ်ရက်လျှင် ယူကရိန်းတပ်မတော်၏ ဆုံးရှုံးမှုပမာဏမှာ စစ်မှုထမ်း ၁၆၃၅ ဦးရှိကြောင်း ရုရှားကာကွယ်ရေးဝန်ကြီးဌာနက သတင်း ထုတ်ပြန်ခဲ့ပါသည်။

ဇန်နဝါရီ ၇ ရက်နေ့အတွင်း ရုရှားတပ်မတော်သည် ယူကရိန်းတို့၏ စစ်လေယာဉ်ကွင်းများ၊ လက်နက်သိုလှောင်ရုံများနှင့် ခရိုင် ၁၆၄ ခုရှိ ယူကရိန်းစစ်တပ်နှင့် ကြေးစားစစ်သားများ၏ နည်းပညာဆိုင်ရာ ပစ္စည်းများ သိုလှောင်ရာနေရာများကို ချေမှုန်းခဲ့ပါသည်။

အိုက်စလန်နိုင်ငံသည် ယူကရိန်းအား စစ်ရေးအကူအညီအဖြစ် ဒေါ်လာ သန်း ၃၀ ပေးအပ်ခဲ့ကြောင်း ယူကရိန်းနိုင်ငံခြားရေးဝန်ကြီး Andriy Sybiga က ယူကရိန်း မြို့တော်ကိယက်ဗ်တွင် ၎င်း၏ လုပ်ဖော်ကိုင်ဖက် အိုက်စလန် နိုင်ငံခြားရေးဝန်ကြီး Thorgerdur Katrín Gunnarsdóttir နှင့် တွေ့ဆုံမှုအပြီးတွင် ပြောကြားခဲ့ ပါသည်။

အိုက်စလန် နိုင်ငံခြားရေးဝန်ကြီး၏ ပြောကြားချက်အရ ၎င်း၏ နိုင်ငံသည် ဘဏ္ဍာငွေများကို ယူကရိန်း၏ ကာကွယ်ရေးလုပ်ငန်းတွင် ဆက်လက်ရင်းနှီးမြှုပ်နှံ သွားမည်ဖြစ်ကြောင်း သိရှိရပါသည်။

ကိုးကား - Report

နေပြည်တော်     ဇန်နဝါရီ ၇

ပဉ္စမအကြိမ်မြောက် လားဟူတိုင်းရင်းသားရိုးရာ စုပေါင်းနှစ်သစ်ကူးပွဲတော်ကို ယနေ့နံနက်ပိုင်းတွင် ရှမ်းပြည်နယ်(အရှေ့ပိုင်း) တာချီလိတ်မြို့၌ ပြုလုပ်ရာ တြိဂံဒေသတိုင်းစစ်ဌာနချုပ် တိုင်းမှူးဗိုလ်မှူးချုပ် စိုးလှိုင်နှင့် အဖွဲ့ဝင်များ၊ ဌာနဆိုင်ရာတာဝန်ရှိသူများ၊ လားဟူတိုင်းရင်းသားစာပေနှင့် ယဉ်ကျေးမှုအဖွဲ့ဝင်များ၊ လူမှုရေးအသင်းအဖွဲ့များ၊ လားဟူတိုင်းရင်းသားများ၊ မြို့မိမြို့ဖများနှင့် ဖိတ်ကြားထားသူများ တက်ရောက်ကြသည်။

နေပြည်တော်     ဇန်နဝါရီ ၇

လျှပ်စစ်နှင့်စွမ်းအင်ကဏ္ဍ ဖွံ့ဖြိုးတိုးတက်ရေးကို အရှိန်အဟုန်မြှင့်ဆောင်ရွက်နိုင်ရန်အတွက် ဖွဲ့စည်းတာဝန်ပေးအပ်ခဲ့သည့် လျှပ်စစ်နှင့်စွမ်းအင်ဖွံ့ဖြိုးရေးကော်မရှင်၏ (၁/၂၀၂၅) အစည်းအဝေးကို ယနေ့မွန်းလွဲပိုင်းတွင် နေပြည်တော်ရှိ နိုင်ငံတော်စီမံအုပ်ချုပ်ရေးကောင်စီရုံး အစည်းအဝေးခန်းမ၌ ကျင်းပသည်။

အွန်လိုင်းစနစ်ဖြင့် တက်ရောက်

တရုတ်နိုင်ငံအနောက်တောင်ပိုင်းရှိ ရှီကျန်ကိုယ်ပိုင်အုပ်ချုပ်ခွင့်ရဒေသ တင်းရီခရိုင်တွင် ဇန်နဝါရီလ ၇ ရက်က ပြင်းအား ရစ်ချ်တာစကေး  ၆ ဒသမ ၈ ရှိ   ငလျင်လှုပ်ခတ်မှုကြောင့် လူ ၁၂၆ ဦးသေဆုံးပြီး ၁၈၈ ဦးဒဏ်ရာရရှိသွားကြောင်း သိရသည်။

အဆိုပါငလျင်သည် ဒေသစံတော်ချိန် နံနက် ၉ နာရီ ၅ မိနစ်ခန့်တွင် ဆိုကိုမြို့နယ်ကို ဗဟိုပြု၍ လှုပ်ခတ်ခဲ့ခြင်းဖြစ်ပြီး ငလျင်ဗဟိုချက်မှ ၂၀ ကီလိုမီတာအကွာတွင် ကျေးရွာပေါင်း ၂၇ ရွာ၊ လူ ၆၉၀၀ ခန့်နေထိုင်လျက်ရှိကြောင်းသိရသည်။ တင်းရီခရိုင်အတွင်းမှာပင် လူပေါင်း ၆၁,၀၀၀ ကျော် နေထိုင်ကြောင်း သိရသည်။

အမေရိကန်ပြည်ထောင်စုတွင် ပြီးခဲ့သည့် ၂၀၂၄ ခုနှစ်အတွင်း စီးပွားရေးကုမ္ပဏီ ၆၈၆ ခု ဒေဝါလီခံခဲ့ရခြင်းကြောင့်   ယင်းပမာဏသည် ကမ္ဘာ့ဘဏ္ဍာရေး အကျပ်အတည်းဖြစ်ပွားသည့်   ၂၀၁၀ ပြည့်နှစ်မှစ၍ အမြင့်ဆုံးအဆင့်သို့ ရောက်ရှိလာသည်။

ဖိလစ်ပိုင်နိုင်ငံသည် ပြီးခဲ့သည့် ၂၀၂၄ခုနှစ်အတွင်း ခရီးသွားလာရေးလုပ်ငန်းများမှ အခွန်ဘဏ္ဍာအဖြစ် ပီဆို ၇၆၀ ဒသမ ၅ ဘီလီယံ  (အမေရိကန်ဒေါ်လာ ၁၃ ဒသမ ၁ ဘီလီယံ) ရရှိခဲ့ကြောင်း  ခရီးသွားလာရေးဌာနက ထုတ်ပြန်သည်။

နိုင်ငံအတွင်းသို့ ၂၀၂၄ ခုနှစ်အတွင်း နိုင်ငံတကာမှ ခရီးသွား ၆ သန်းနီးပါးဝင်ရောက်လာခဲ့ပြီး ၂၀၂၃ ခုနှစ်က ဝင်ရောက်ခဲ့သည့် ခရီးသွားဦးရေထက် ၉ ဒသမ ၁၅ ရာခိုင်နှုန်းမြင့်တက်လာခဲ့ကြောင်း   ခရီးသွားလာရေးဌာနက ဇန်နဝါရီလ ၆ရက်တွင် ထုတ်ပြန်သည့်ကြေညာချက်တွင် ဖော်ပြသည်။