အင်ဒိုနီးရှားနိုင်ငံသည် BRICS အဖွဲ့ဝင်နိုင်ငံအဖြစ် ဝင်ရောက်ခဲ့ပြီဖြစ်ကြောင်း ဘရာဇီးအစိုးရ၏ ထုတ်ပြန်ချက်တွင် ဖော်ပြထားသည်။
အင်ဒိုနီးရှားနိုင်ငံသည် BRICS အဖွဲ့သို့ ဝင်ရောက်ရန်ဆန္ဒရှိကြောင်း ယခင်ကတည်းက ဖော်ပြခဲ့သည်။ ဘရာဇီးနိုင်ငံသည် ၂၀၂၅ ခုနှစ်အတွက် BRICS အဖွဲ့၏အလှည့်ကျဥက္ကဋ္ဌအဖြစ် တာဝန်ယူစဉ် အင်ဒိုနီးရှားနိုင်ငံ၏ ပူးပေါင်းပါဝင်မည့် ကြိုးပမ်းချက်ကို အများ၏ဆန္ဒနှင့်အညီ ဇန်နဝါရီလ ၆ ရက်တွင် သဘောတူခွင့်ပြုခဲ့ခြင်း ဖြစ်သည်။
အိန္ဒိယနိုင်ငံတွင် HMPV ရောဂါဖြစ်ပွားသူ ၈ ဦးတွေ့ရှိကြောင်း အစိုးရကထုတ်ပြန်သည့် ကြေညာချက် တစ်စောင်တွင် ဖော်ပြသည်။
ယွန်းဆက်ယိုကို ဖမ်းဆီးရာတွင် ရဲတပ်ဖွဲ့လုံခြုံရေးဌာနအနေဖြင့် ပူးပေါင်းဆောင်ရွက်ရေးအတွက် အမိန့်ပေးရန် ရဲတပ်ဖွဲ့လုံခြုံရေးဌာန၏ ညွှန်ကြားကြီးကြပ်သူ၊ ယာယီသမ္မတ တာဝန်ယူထားသူ Choi Sang-mok အား အပြင်းအထန်တောင်းဆိုသွားမည်ဖြစ်ကြောင်း သိရသည်။တောင်ကိုရီးယားအဆင့်မြင့် အစိုးရအရာရှိများ ရာဇဝတ်မှု စုံစမ်းစစ်ဆေးရေးဌာနက ဇန်နဝါရီ ၃ ရက်တွင် ပြောကြားခဲ့သည်။ ရာထူးရပ်ဆိုင်းခံထားရသည့် သမ္မတ ယွန်းဆက်ယို၏ ဖမ်းဝရမ်းကို ဆောင်ရွက်ရာတွင် မအောင်မြင်ခဲ့သည့်အပေါ် တောင်ကိုရီးယားအဆင့်မြင့်အစိုးရအရာရှိများ ရာဇဝတ်မှု စုံစမ်းစစ်ဆေးရေးဌာနက အထက်ပါအတိုင်း ပြောကြားခဲ့ခြင်းဖြစ်သည်။
အမေရိကန်နိုင်ငံ အမျိုးသားညီလာခံသစ်တစ်ရပ်ကို ဇန်နဝါရီ ၃ ရက်က စတင်ကျင်းပခဲ့ရာ ရီပတ်ဘလစ်ကန် ပါတီဝင် မိုက်ဂျွန်ဆင်သည် ပွတ်ကာသီကာ အနိုင် ရရှိခဲ့ပြီး အမေရိကန် အောက်လွှတ်တော် ဥက္ကဋ္ဌအဖြစ် ပြန်လည်ရွေးချယ်ခြင်းခံခဲ့ရသည်။ အမေရိကန်အောက် လွှတ်တော် ဥက္ကဋ္ဌ ရွေးကောက်ပွဲတွင် အစောပိုင်း၌ မိုက်ဂျွန်ဆင်သည် ထောက်ခံမဲ ၂၁၆ မဲရရှိထားပြီး ရီပတ်ဘလစ်ပါတီ အောက်လွှတ်တော်အမတ် ၃ ဦးက ၎င်းတို့၏ ဆန္ဒမဲကို အခြားသော ကိုယ်စားလှယ်များကို ပေးခဲ့ကြကြောင်း၊ ဒီမိုကရက်တစ်ပါတီ အောက်လွှတ်တော်အမတ် ၂၁၅ ဦးလုံးကမူ အောက်လွှတ်တော် လူနည်းစု ပါတီခေါင်းဆောင် Hakeem Jeffries ကို မဲပေးခဲ့ကြကြောင်း သိရသည်။ ဆန္ဒမဲရေတွက
ထိုင်ဝမ်အစိုးရဌာနများကို တရုတ်နိုင်ငံဆိုက်ဘာ တိုက်ခိုက်မှုများမှာ ၂၀၂၃ ခုနှစ် တစ်ရက်လျှင် ပျမ်းမျှ ၁.၂ သန်းရှိခဲ့သော်လည်း ၂၀၂၄ ခုနှစ်တွင်မူ တစ်ရက်လျှင် ပျမ်းမျှ ၂.၄ သန်းအထိ နှစ်ဆမြင့်တက်လာခဲ့ကြောင်း ထိုင်ဝမ်အမျိုးသားလုံခြုံရေးဗျူရို၏ ဇန်နဝါရီလ ၅ ရက် နေ့တွင် ထုတ်ပြန်သည့် အစီရင်ခံစာအရ သိရပါသည်။
တရုတ်နိုင်ငံအနေဖြင့် စီးပွားရေး ဘုံဈေးကွက် ချိတ်ဆက်မှုစနစ်ကို အကောင်အထည်ဖော် လုပ်ဆောင် နိုင်ရန် ကြေညာထားပြီးဖြစ်သည်။ ထိုအစီအစဉ်၏ အစိတ်အပိုင်းအဖြစ် ဒစ်ဂျစ်တယ်စီးပွားရေးစနစ် ခိုင်မာ အားကောင်းလာစေရန် အမျိုးသားအချက်အလက် ဆိုင်ရာ အခြေခံအဆောက်အအုံ၏ ပင်မဖွဲ့စည်းပုံကို ၂၀၂၉ ခုနှစ်မတိုင်မီ အပြီးသတ်တည်ဆောက်မည်ဟု တရုတ်အမျိုးသားဖွံ့ဖြိုးရေးနှင့် ပြုပြင်ပြောင်းလဲရေးကော်မရှင်နှင့် ထိပ်တန်းအရာရှိကြီးနှစ်ဦးက ဇန်နဝါရီ ၆ ရက်နေ့က ပြောကြားလိုက်ပါသည်။
တရုတ်နိုင်ငံ အရှေ့မြောက်ပိုင်း၊ Heilongjiang စီရင်စုရှိ ဟာပင် ရေခဲပြင် ဆီးနှင်းကမ္ဘာတွင် ၂၀၂၅ ခုနှစ်ဇန်နဝါရီလ ၆ ရက်နေ့က ချစ်သူစုံတွဲများ၏ စုပေါင်းမင်္ဂလာဆောင်လက်ထပ်ပွဲကို လွတ်လပ်စွာ ကျင်းပ ပြုလုပ်ခဲ့ကြသည်။
အမေရိကန်ရွေးကောက်ခံသမ္မတ ဒေါ်နယ်ထရမ့်က ဒိန်းမတ်နိုင်ငံပိုင် ဂရင်းလန်းကျွန်းကို ပိုင်ဆိုင်ထိန်းချုပ်လိုကြောင်း ထပ်လောင်းပြောကြားပြီးနောက် ရက်သတ္တပတ် အနည်းငယ်အကြာတွင် ၎င်း၏ သားဖြစ်သူ ဒေါ်နယ်ထရမ့် ဂျူနီယာက ဂရင်းလန်းသို့ သွားရောက်လည်ပတ်ရန် စီစဉ်ထားကြောင်း ပြောကြားထားပါသည်။
တရုတ်နိုင်ငံ၏ အစိုးရစီမံခန့်ခွဲသူက တစ်နိုင်ငံလုံးအတိုင်းအတာဖြင့် ဈေးကွက်တစ်ခုတည်းစနစ်ကိုအကောင်အထည်ဖော်မည့် လမ်းညွှန်ချက်များကို ဇန်နဝါရီ ၇ ရက်နေ့ တွင် ထုတ်ပြန်ခဲ့ပါသည်။ တရုတ် နိုင်ငံသည် အနာဂတ်တွင် ဘုံဈေးကွက် ချိတ်ဆက်မှု စနစ်တစ်ခုကို အကောင်အထည်ဖော်ဆောင်ရွက်မည် ဖြစ်ပြီး ဈေးကွက်တွင် တရားမျှတစွာ ယှဉ်ပြိုင်နိုင်ရေး ကိုလည်း ဆောင်ရွက်သွားမည် ဖြစ်ပါသည်။
ပစိဖိတ်ဒေသအတွင်း ပြိုင်ဘက်ကင်းသည့် အသံထက်မြန်သော တာလတ်ပစ် ပဲ့ထိန်းဒုံးကျည်သစ်ကို ဇန်နဝါရီ ၆ ရက်နေ့ နေ့လယ်ပိုင်းတွင် ပစ်လွှတ်ခဲ့ကြောင်း မြောက်ကိုရီးယားက အခိုင်အမာ ပြောကြားလိုက်ပါ သည်။
မြောက်ကိုရီးယား၏ ၂ လတာ အတွင်း ပထမဆုံး အကြိမ် ဒုံးကျည်ပစ်လွှတ်လိုက်ချိန်မှာ အမေရိကန်နိုင်ငံခြားရေးဝန်ကြီး Antony Blinken သည် တောင်ကိုးရီးယားခေါင်းဆောင်အချို့နှင့် တွေ့ဆုံဆွေးနွေးရန် ဆိုးလ်သို့ရောက်ရှိနေချိန်နှင့် တိုက်ဆိုင် နေပါသည်။