သာယာဝတီ  ဇန်နဝါရီ  ၂၉

ပဲခူးတိုင်းဒေသကြီး သာယာဝတီမြို့နှင့် ၇ မိုင်ကွာဝေးသော ဖိုးခေါင်ကျေးရွာရှိ အိမ်ထောင်စုများသည်မိရိုးဖလာအိုးလုပ်ငန်းဖြစ်သော မြေအိုးအမျိုးမျိုးလုပ်ကိုင်ကာ အသက်မွေးဝမ်းကျောင်းပြုလုပ်ပြီး မိသားစုစားဝတ်နေရေးအဆင်ပြေလျက်ရှိကြောင်း သိရသည်။

တရုတ်နိုင်ငံထုတ် AI chatbot (DeepSeek) လူသုံးများလာမှုကြောင့် အမေရိကန်၏ အမျိုးသားလုံခြုံရေးကို သတိပြုဆောင်ရွက်သွားရမည်ဖြစ်ကြောင်း အမေရိကန် အိမ်ဖြူတော်အတွင်းရေးမှူး Karoline က ကြေညာပြောကြားခဲ့ပါသည်။ 

လုံခြုံရေးနှင့်ကျင့်ဝတ်ကို ထိန်းသိမ်းကာကွယ်နိုင်သည့်အနေဖြင့် အမေရိကန်ရေတပ်က အဖွဲ့ဝင်များအား DeepSeek သုံးစွဲခြင်းမပြုရန် တားမြစ်ပြီးနောက် ယခု ကဲ့သို့ အိမ်ဖြူတော်၏ ထုတ်ပြန်ချက်ထွက်ပေါ်လာခြင်းဖြစ်ပါသည်။

မြန်မာစာပေပညာရှိအဖြစ်ထင်ရှားသော စာရေးဆရာ မောင်ခင်မင်(ဓနုဖြူ) သည် ဇန်နဝါရီ ၂၈ ရက် သန်းခေါင် ၁၂ နာရီခွဲအချိန်တွင် ရုတ်တရက် ကွယ်လွန်သွားပြီ ဖြစ်ကြောင်း မိသားစုဝင်များက ထုတ်ပြန်လိုက်ပါသည်။

ဆရာကြီးမောင်ခင်မင်(ဓနုဖြူ)သည် ရန်ကုန်တက္ကသိုလ်၊ မြန်မာစာဌာန၏ ပါမောက္ခအဖြစ် တာဝန် ထမ်းဆောင်ခဲ့ပြီး မြန်မာစာပေနှင့်ပတ်သက်၍ စာအုပ်၊ ဆောင်းပါး ပေါင်းများစွာကိုရေးသားခဲ့သူဖြစ်ပါသည်။ ဆရာကြီး၏ စကားပြေ သဘောတရား၊ စကားပြေအတတ်ပညာ စာအုပ်သည် ထင်ရှားသော စာအုပ်ဖြစ်ပြီး မြန်မာစာအတွက် ကျမ်းကိုးပြုရသည့် စာအုပ်အဖြစ် ထင်ရှားပါသည်။ 

ထိုင်းနိုင်ငံသို့ မြန်မာ့ပြောင်းတင်ပို့ရာ၌ လာမည့် ဖေဖော်ဝါရီလ ၁ ရက်မှစတင်ကာ ဩဂုတ်လကုန်အထိ ၇ လ ကြာကာလအတွင်း အခွန်ကင်းလွတ်ခွင့် ပေးထားကြောင်း မြန်မာနိုင်ငံ ပဲမျိုးစုံ၊ ပြောင်းနှင့် နှမ်းကုန်သည်များအသင်းထံမှ သိရပါသည်။

ကမ္ဘာကြီးပူနွေးလာမှုတိုက်ဖျက်ရေး နိုင်ငံတကာ မူဘောင်တစ်ခုဖြစ်သည့် ပဲရစ်သဘောတူညီချက်မှ နှုတ်ထွက်ကြောင်း အမေရိကန်ပြည်ထောင်စုက ကုလသမဂ္ဂအထွေထွေအတွင်းရေးမှူးချုပ် Antonio Guterres ကို အကြောင်းကြားခဲ့သည်ဟု ကုလသမဂ္ဂက ဆိုပါသည်။

အတွင်းရေးမှူးချုပ်၏ ပြောရေးဆိုခွင့်ရှိသူ Stephane Dujarric က ဇန်နဝါရီ ၂၈ ရက်နေ့က သတင်းစာရှင်းလင်းပွဲ၌ ယခုကဲ့သို့ ပြောကြားခဲ့ခြင်းဖြစ်ပါသည်။

အဆိုပါနှုတ်ထွက်မှုသည် လာမည့်နှစ် ဇန်နဝါရီလ ၂၇ ရက်နေ့တွင် အသက်ဝင်မည်ဖြစ်ကြောင်း ၎င်းကဆိုပါသည်။

ရုရှားနိုင်ငံသည် ယမန်နှစ်တွင် သဘာဝဓာတ်ငွေ့ရည် (LNG) တန်ချိန် ၃၃.၆ သန်း စံချိန်တင်တင်ပို့ခဲ့ပြီး ထက်ဝက်ကျော်သည် အီးယူဈေးကွက်သို့ တင်ပို့ခဲ့ကြောင်း စီးပွားရေးနေ့စဉ်ထုတ်သတင်းစာ RBK မှ ဇန်နဝါရီ ၂၈ ရက်နေ့တွင် စွမ်းအင်တင်ပို့မှုသုံးသပ်ရေးအဖွဲ့ Kpler ၏ အချက်အလက်များကို ကိုးကား၍ဖော်ပြခဲ့သည်။

ဘိုင်ဒင်အစိုးရအဖွဲ့သည် ၎င်း၏ရာထူးသက်တမ်းအတွင်း ပြည်ထောင်စုဘတ်ဂျက်ကို မဆင်မခြင်သုံးစွဲခဲ့ကြောင်း အိမ်ဖြူတော်သတင်းထောက် ကာရိုလိုင်းလီဗစ်က ဇန်နဝါရီ ၂၈ ရက်နေ့တွင် ပြောကြားခဲ့ပြီး သမ္မတ ဒေါ်နယ်ထရမ့်၏ နိုင်ငံခြားအကူအညီများကို ယာယီ ရပ်ဆိုင်းရန် ဆုံးဖြတ်ချက်ကို ခုခံကာကွယ်ခဲ့သည်။

ကရိန်းသည် ငွေကြေးနှင့်လက်နက်ခဲယမ်းများထောက်ပံ့မှုမရရှိတော့ပါက ပဋိပက္ခသည် နှစ်လအတွင်း ပြီးဆုံးသွားနိုင်ကြောင်း ပူတင်က ပြောကြားခဲ့သည်။

ဒိန်းမတ်အစိုးရသည် ၂၀၂၂ ခုနှစ်က ပျက်စီးမှုဒဏ်ခံခဲ့ရသော ဘောလ်တစ်ပင်လယ် မှ (Nord Stream) နော့စ် စထရိမ်ဓာတ်ငွေ့ပိုက်လိုင်းကို ရုရှား၏ နိုင်ငံပိုင် ဓာတ်ငွေ့ လုပ်ငန်းကုမ္ပဏီ (Gazprom) အား ထိန်းသိမ်းခွင့်ပြု လိုက်ကြောင်းသိရှိရပါသည်။

အမေရိကန်သမ္မတ ဒေါ်နယ်ထရမ့်သည် ၎င်းအစိုးရ အဖွဲ့၏ ပထမဆုံး ဥပဒေအဖြစ် LAKEN RILEY ACT ကို လက်မှတ်ရေးထိုး ပြဋ္ဌာန်းခဲ့သည်။

ဤဥပဒေအရ ပြစ်မှုကျူးလွန်သည်ဟု စွပ်စွဲခံရသော တရားမဝင် ရွှေ့ပြောင်းနေထိုင်သူများအား ပြည်တွင်းလုံခြုံရေးဌာန (Homeland Security) က ဥပဒေအရ ချုပ်နှောင်ထားရန် လိုအပ်မည်ဖြစ်ကြောင်း သိရှိရပါသည်။

ကိုကား - RIA NoVosti

Photo: AP News