ဘရပ်ဆဲလ်   ဇန်နဝါရီ ၅

၂၀၂၄ ခုနှစ်အတွင်း ဥရောပသို့ ဝင်ရောက်ရန် ကြိုးပမ်းခဲ့သည့် ရွှေ့ပြောင်းနေထိုင်သူ ၂၀၀၀ ကျော် သေဆုံးခဲ့ကြောင်း ကုလသမဂ္ဂနှင့် အီတလီ သတင်းရင်းမြစ်များမှ နောက်ဆုံးရ သတင်းအချက်အလက်များအရ သိရသည်။

ပြီးခဲ့သည့်နှစ်က မြေထဲပင်လယ်တွင် ရွှေ့ပြောင်းနေထိုင်သူ ၂၂၀၀ ထက်မနည်း‌သေဆုံး သို့မဟုတ် ပျောက်ဆုံးခဲ့ကြောင်း ကုလသမဂ္ဂအပြည်ပြည်ဆိုင်ရာ က‌လေးများရန်ပုံငွေအဖွဲ့ (UNICEF) က ပြောကြားသည်။

တိုက်တွန်းပြောကြား

မြစ်ကြီးနား   ဇန်နဝါရီ ၅

ကချင်ပြည်နယ်အစိုးရအဖွဲ့အနေဖြင့် ဇန်နဝါရီ ၁၀ ရက်တွင် ကျရောက်သော (၇၇)နှစ်မြောက် ကချင်ပြည်နယ်နေ့အခမ်းအနားတွင် ပြည်ထောင်စု၏ စည်းလုံးခြင်း၊ စီးပွားလာဘ်လာဘ တိုးပွားစေခြင်းနှင့် အောင်မြင်ခြင်းအထိမ်းအမှတ် မနောအကဖြင့် ဆင်နွှဲနိုင်ရေး ဇန်နဝါရီ ၅ ရက် နံနက် ၉ နာရီက မြစ်ကြီးနားမြို့ ပြည်နယ်အစိုးရအဖွဲ့ရုံးဝင်းအတွင်း ရုံးရှေ့မြက်ခင်းပြင်၌ မနောတိုင်ကို ရိုးရာအစဉ်အလာနှင့်အညီ စိုက်ထူခဲ့ကြသည်။

တက်ရောက်

အမေရိကန် သမ္မတ ဂျိုးဘိုင်ဒင်က အာဂျင်တီးနား အသင်းနှင့် အင်တာမိုင်ယာမီ အသင်းခေါင်းဆောင် မက်ဆီကို သမ္မတဂုဏ်ထူးဆောင်ဆုဖြစ်သည့် Presidential Medal of Freedom Award ဆု ချီးမြှင့်အပ်နှင်းခဲ့ကြောင်း သိရသည်။

Presidential Medal of Freedom Award သည် အမေရိကန်နိုင်ငံ၌ အရပ်သားများကို ပေးအပ်သည့် ဂုဏ်ပြုဆုများတွင် အမြင့်ဆုံး ဆုတံဆိပ်ဖြစ်ပြီး မက်ဆီနှင့်အတူ စုစုပေါင်း ၁၇ ဦးကို ချီးမြှင့်အပ်နှင်းခဲ့ခြင်းဖြစ်ကာ ဘောလုံးကစားသမားများတွင် မက်ဆီတစ်ဦးတည်းသာ ပါဝင်ခဲ့ခြင်းဖြစ်သည်။

ကိုင်ရို   ဇန်နဝါရီ ၅

အီဂျစ်နိုင်ငံသည် ပြီးခဲ့သည့်လအ‌စောပိုင်းက ဆီးရီးယားသမ္မတဟောင်း ဘတ်ရှာအယ်လ်အာဆက် အစိုးရပြုတ်ကျချိန်မှစကာ ပထမဆုံးအကြိမ်အဖြစ် ဆီးရီးယားနိုင်ငံမြို့တော် ဒမတ်စကတ်သို့ ကယ်ဆယ်ရေးလေယာဉ်တစ်စင်း စေလွှတ်ခဲ့ကြောင်း သိရသည်။

နေပြည်တော်၊ ဇန်နဝါရီ ၄

ပြည်ထောင်စုသမ္မတမြန်မာနိုင်ငံတော်၊ နိုင်ငံတော်စီမံအုပ်ချုပ်ရေးကောင်စီဥက္ကဋ္ဌ နိုင်ငံတော်ဝန်ကြီးချုပ် ဗိုလ်ချုပ်မှူးကြီး သတိုးမဟာသရေစည်သူ သတိုးသီရိသုဓမ္မ မင်းအောင်လှိုင်နှင့်ဇနီး ဒေါ်ကြူကြူလှတို့က တည်ခင်းဧည့်ခံသည့် (၇၇)နှစ်မြောက် လွတ်လပ်ရေးနေ့အထိမ်းအမှတ် ဂုဏ်ပြုညစာစားပွဲနှင့် ဂုဏ်ပြုဖျော်ဖြေပွဲ အခမ်းအနားကို ယနေ့ညနေပိုင်းတွင် နေပြည်တော်ရှိ နိုင်ငံတော်စီမံအုပ်ချုပ်ရေးကောင်စီဥက္ကဋ္ဌရုံး၊ ဥပစာမြက်ခင်းပြင်၌ ကျင်းပသည်။

နေပြည်တော် ဇန်နဝါရီ ၄

(၇၇) နှစ်မြောက် လွတ်လပ်ရေးနေ့အထိမ်းအမှတ် ဂုဏ်ထူးဆောင်ဘွဲ့များ ချီးမြှင့်အပ်နှင်းခြင်းအခမ်းအနားကို ယနေ့နံနက်ပိုင်းတွင် နိုင်ငံတော်စီမံအုပ်ချုပ်ရေးကောင်စီဥက္ကဋ္ဌရုံး သဘင်ဆောင်၌ကျင်းပရာ နိုင်ငံတော်စီမံအုပ်ချုပ်ရေးကောင်စီဥက္ကဋ္ဌ နိုင်ငံတော်ဝန်ကြီးချုပ် ဗိုလ်ချုပ်မှူးကြီးသတိုးမဟာသရေစည်သူ သတိုးသီရိသုဓမ္မ မင်းအောင်လှိုင် တက်ရောက်အမှာစကားပြောကြားပြီး ဂုဏ်ထူးဆောင်ဘွဲ့များ ချီးမြှင့်အပ်နှင်းသည်။

ရန်ကုန်စတော့အိတ်ချိန်း၌ နှစ်သစ်ကူးရုံးပိတ်ရက်များတွင် စတော့ရှယ်ယာအရောင်းအဝယ်ရပ်နားခဲ့သော်လည်း ယခုဇန်နဝါရီလပထမပတ်တစ်ပတ်တာကာလအတွင်း ငွေကျပ် သိန်းပေါင်း ၅၄၀ ကျော်တန်ဖိုးရှိ   စတော့ရှယ်ယာအစောင်ရေ တစ်သောင်း‌ခွဲကျော်  အရောင်းအဝယ်ဖြစ်ခဲ့ပြီး  ယခင်ထက် အရောင်းအဝယ်မြင့် တက်ခဲ့ကြောင်း သိရသည်။

ရုရှားနိုင်ငံ ယူရယ်လ်ဒေသရှိ ယေကာ တာရင်ဘာ့ဂ်မြို့၌ လုပ်ဆောင်ရန်စီစဉ်ထားသည့် အကြမ်းဖက်တိုက်ခိုက်မှုကြီးတစ်ရပ်ကို  ဖြိုခွင်းနိုင်ခဲ့ပြီး  လူလေးဦးကိုလည်း ဖမ်းဆီးထိန်းသိမ်းခဲ့ကြောင်း ရုရှားပြည်ထောင်စုလုံခြုံရေးအဖွဲ့က ထုတ်ပြန်သည်။

ဗြိတိန်ဝန်ကြီးချုပ် Keir Starmer သည် ရုရှားနှင့် ပဋိပက္ခတွင် ယူကရိန်းအတွက် ဝါရှင်တန်၏ ထောက်ခံမှုကို ဆက်လက်ထိန်းသိမ်းထားနိုင်ရေး အမေရိကန် ရွေးကောက်ခံသမ္မတ ဒေါ်နယ်ထရန့်ကို တိုက်တွန်းရန် ကြိုးစားမည်ဟု The Times က ဖော်ပြသည်။

Starmer သည် ဇန်နဝါရီလ ၂၀ ရက်နေ့ Trump ကျမ်းသစ္စာကျိန်ဆိုပြီးနောက် ရက်သတ္တပတ် အနည်းငယ်အကြာ ဇန်နဝါရီနှောင်းပိုင်း သို့မဟုတ် ဖေဖော်ဝါရီ အစောပိုင်းတွင် အိမ်ဖြူတော်သို့ လာရောက်လည်ပတ်နိုင်သည်ဟု Downing Street သတင်းစာက ဒီဇင်ဘာ ၄ ရက်နေ့တွင်ဖော်ပြခဲ့သည်။

အစ္စရေးနှင့်ဟားမတ်စ်တို့အကြား အပစ်အခတ်ရပ်စဲရေးဆွေးနွေးပွဲများ ပြန်လည်စတင်ပြီးနောက် ဂါဇာကမ်းမြောင်တွင် ဒါဇင်နှင့်ချီသော အသေအပျောက်များ ရှိနေကြောင်း သတင်းမီဒီယာများတွင် ဖော်ပြလျက်ရှိသည်။

အပစ်အခတ်ရပ်စဲရေးနှင့် ဓားစာခံများလွတ်မြောက်ရေး စေ့စပ်ညှိနှိုင်းရေးဆွေးနွေးပွဲများကို ကာတာတွင် ဇန်နဝါရီ ၃ ရက်နေ့က စတင်ခဲ့ကြသည်။