ထိုင်းအစိုးရအဖွဲ့ကို ပြန်လည်ဖွဲ့စည်းခြင်းသည် အတည်ပြုပြီးဖြစ်ပြီး၊ ညွန့်ပေါင်းအစိုးရသည် ခိုင်မာနေဆဲဖြစ်ကြောင်း ဝန်ကြီးချုပ် ပေထုန်ထံ ရှင်နာဝပ်က ဇွန်လ ၂၄ ရက်နေ့တွင် ပြောကြားခဲ့ပါသည်။ 

“ပြန်လည်ဖွဲ့စည်းမှုကို အတည်ပြုပြီးဖြစ်ပါပြီ။ ပါတီခေါင်းဆောင် အားလုံးနှင့် ညှိနှိုင်းပြီးသလို လက်ရှိတွင် ဝန်ကြီးအမည်စာရင်းများကို စိစစ် ဆောင်ရွက်နေပါပြီ” ဟု ဝန်ကြီးချုပ်က သတင်းထောက်များအား ပြောကြားခဲ့ပါသည်။

ညွန့်ပေါင်းအစိုးရတွင် ဒုတိယအကြီးဆုံးပါတီဖြစ်သော ဘူမိထိုင်းပါတီ (Bhumjaithai Party) က ပြီးခဲ့သည့်အပတ်က ပံ့ပိုးမှုများ ရုပ်သိမ်းခဲ့ ပြီးနောက် ထိုပြောကြားချက် ထွက်ပေါ်လာခြင်းဖြစ်ပါသည်။

ထို့အပြင် ဝန်ကြီးချုပ် ပေထုန်တံ ရှင်နာဝပ်က ၎င်းကိုယ်တိုင် ကာကွယ်ရေးဝန်ကြီးဌာန တာဝန်ယူမည်ဟူသော ကောလာဟလများကိုလည်း ပယ်ချ ခဲ့ပါသည်။

ကိုးကား - straitstimes

အမေရိကန်သမ္မတဒေါ်နယ်ထရမ့်က အီရန်ကိုတိုက်ခိုက်ခြင်းဖြင့် စစ်ပွဲအသစ်ကို စတင်လိုက်ပြီဖြစ်ကြောင်း ရုရှားလုံခြုံရေးကောင်စီဒုတိယဥက္ကဋ္ဌ ဒီမီထရီမက် ဗီဒက်က ဇွန်လ ၂၂ ရက်တွင်ပြောသည်။ 
"ငြိမ်းချမ်းရေးဆောင်ကြဉ်းသူသမ္မတအဖြစ် တာဝန်ယူရန်ရောက်ရှိလာတဲ့ ဒေါ်နယ်ထရမ့်က အမေရိကန်အတွက် စစ်ပွဲအသစ်တစ်ခုကို စတင်လိုက်ပါပြီ။ အခုအတိုင်းသာဆိုရင် ထရမ့်ဟာငြိမ်းချမ်းရေးနိုဘယ်ဆုကိုမရနိုင်တော့ပါဘူး" ဟု မက်ဗီဒက်က ၎င်း၏လူမှုကွန်ရက်တွင်ရေးထားခြင်းဖြစ်သည်။

ထို့ပြင် တင်းမာလာသည့်နောက်ဆက်တွဲအခြေအနေများက ဒေသတွင်းပြင်ပကိုပါကျော်လွန်နိုင်ကြောင်း၊ အမေရိကန်အနေဖြင့် အီရန်၏ကြိမ်းသေလက်တုံ့ပြန် တိုက်ခိုက်မှုများကို နားလည်ထားကြောင်း၊ ထိုအခြေအနေများအားလုံးက ထိပ်တိုက် တွေ့ဆုံမှုကို နောက်တစ်ဆင့်သို့ရောက်ရှိသွားစေပြီး ကမ္ဘာစစ်ကြီးဖြစ်ပွားစေနိုင်သည့် အန္တရာယ်မှာမြင့်မားလာကြောင်း ဒူးမားလွှတ်တော်မှတာဝန်ရှိသူတစ်ဦးက ပြောထားသည်။

Ref: TST

Photo - Reuters

စပိန်နိုင်ငံခြားရေးဝန်ကြီး José Manuel Albares က ဂါဇာတွင် လူ့အခွင့်အရေးချိုးဖောက်မှုများနှင့်ပတ်သက်၍ စိုးရိမ်မကင်းဖြစ်နေပြီး EU-အစ္စရေးအသင်းအဖွဲ့သဘောတူညီချက်ကို “ချက်ချင်းဆိုင်းငံ့ရန်” နှင့် အစ္စရေးသို့ လက်နက်ရောင်းချမှုကို တားမြစ်ရန် EU နိုင်ငံခြားရေး ဝန်ကြီးများထံ တောင်းဆိုမည်ဟု ပြောကြားခဲ့သည်။

EU အဖွဲ့ဝင် ၂၇ နိုင်ငံနှင့် အစ္စရေးတို့အကြား ယူရို ၆၈ ဘီလီယံ (ဒေါ်လာ ၇၃ ဘီလီယံ) တန်ဖိုးရှိသော ကုန်သွယ်ရေးဆက်ဆံရေးကို ၁၉၉၅ ခုနှစ်တွင် လက်မှတ်ရေးထိုးခဲ့သည့် သဘောတူညီချက်အရ ဖွဲ့စည်းထားခြင်း ဖြစ်သည်။ EU သည် အစ္စရေး၏ အကြီးဆုံးသော ကုန်သွယ်ရေးမိတ်ဖက်ဖြစ်ပြီး ၎င်း၏ အပြည်ပြည်ဆိုင်ရာ ကုန်သွယ်မှု၏ သုံးပုံတစ်ပုံခန့်ကို ကိုယ်စားပြုသည်။

တနင်္လာနေ့ (ဇွန် ၂၃) တွင် ဘရပ်ဆဲလ်၌ ကျင်းပမည့် EU နိုင်ငံခြားရေး ဝန်ကြီးများ အစည်းအဝေးမတိုင်မီ သတင်းထောက်များနှင့် ပြောကြားစဉ် Albares က သဘောတူညီချက်ကို ချက်ချင်းဆိုင်းငံ့ရန် တောင်းဆိုခဲ့ပြီး ဤသည်မှာ လုပ်ဆောင်ရန်အချိန်ဖြစ်ပြီး ဂါဇာတွင် လူ့အခွင့်အရေး ချိုးဖောက်မှုများ ဆက်လက်ဖြစ်ပွားနေခြင်းသည် ဥရောပ၏ ခိုင်မာသော တုံ့ပြန်မှုကို တောင်းဆိုနေသည်ဟု ပြောကြားခဲ့သည်။

“အကယ်၍ အသင်းအဖွဲ့သဘောတူညီချက်သည် လူ့အခွင့်အရေးအပေါ် အခြေခံထားပါက ယနေ့ မိမိတို့သည် အသင်းအဖွဲ့သဘောတူညီချက်ကို ချက်ချင်းဆိုင်းငံ့ခြင်းသည် အသင့်တော်ဆုံးသောအရာဖြစ်သည်” ဟု ၎င်းက ပြောကြားခဲ့သည်။

ဝန်ကြီးက သဘောတူညီချက်ကို ဆိုင်းငံ့ရန်၊ “အစ္စရေးသို့ လက်နက်များ ရောင်းချခြင်းကို တားမြစ်ရန်နှင့် နှစ်နိုင်ငံဖြေရှင်းနည်းကို အနှောင့်အယှက် ဖြစ်စေလိုသူ အားလုံးအား ဒဏ်ခတ်အရေးယူမည့် စာရင်းတွင် ထည့်သွင်းရန်” တရားဝင်တောင်းဆိုမည်ဟု ပြောကြားခဲ့သည်။

စပိန်၏ တောင်းဆိုချက်များသည် ဥရောပတစ်ခွင်တွင် ပိုမို ကျယ်ပြန့်သော မငြိမ်သက်မှုများကို ထင်ဟပ်စေသည်။ ယူကေ၊ ပြင်သစ်နှင့် နယ်သာလန် နိုင်ငံတို့သည်လည်း မကြာသေးမီလများအတွင်း အစ္စရေးအပေါ် ကုန်သွယ်ရေး နှင့် လက်နက်ကန့်သတ်မှုများ ချမှတ်ရန် စဉ်းစားခဲ့ကြသည်။ မေလတွင် EU ၏ နိုင်ငံခြားရေးမူဝါဒဆိုင်ရာ အကြီးအကဲ Kaja Kallas က အဖွဲ့ဝင် နိုင်ငံများအကြား သဘောတူညီချက်ကို ပြန်လည်သုံးသပ်ရန် ထောက်ခံသူ အင်အားကြီးမားသော အဖွဲ့ဝင်အများစုရှိကြောင်း ပြောကြားခဲ့သည်။

ဂါဇာတွင် လူသားချင်းစာနာထောက်ထားမှုဆိုင်ရာ အကျပ်အတည်းများ ပိုမိုဆိုးရွားလာခြင်းနှင့် အစ္စရေး၏ လုပ်ဆောင်ချက်များအပေါ် ဘရပ်ဆဲလ် တွင် စိတ်ပျက်မှုများ တိုးပွားလာခြင်းတို့ကြောင့် ဂျူးနိုင်ငံ၏ အခိုင်မာဆုံးသော ပံ့ပိုးကူညီသူများထဲမှ တစ်ဦးဖြစ်သည့် စပိန်၏ သဘောထား ပြောင်းလဲမှု သည် ဖြစ်ပေါ်လာခြင်းဖြစ်သည်။

တနင်္လာနေ့ အစည်းအဝေးမတိုင်မီ The Guardian မှ မြင်တွေ့ခဲ့ရသော EU နိုင်ငံခြားရေးမူဝါဒဆိုင်ရာ ဝန်ဆောင်မှုမှ ပေါက်ကြားထွက်လာသည့် စာရွက်စာတမ်းတစ်ခုအရ၊ ဘရပ်ဆဲလ်သည် အစ္စရေးသည် EU-အစ္စရေး အသင်းအဖွဲ့သဘောတူညီချက်၏ အပိုဒ် ၂ အရ ၎င်း၏ လူ့အခွင့်အရေး ဆိုင်ရာ တာဝန်ဝတ္တရားများကို ချိုးဖောက်နေကြောင်း “ညွှန်ပြချက်များ” ကို တွေ့ရှိခဲ့သည်။

EU နိုင်ငံခြားရေးဝန်ကြီးများအတွက် ပြင်ဆင်ထားသော အတွင်းရေး မှတ်တမ်းတွင် အပြည်ပြည်ဆိုင်ရာတရားရုံး (ICJ)၊ ကုလသမဂ္ဂ လူ့အခွင့် အရေး ရုံးနှင့် အခြားကုလသမဂ္ဂအဖွဲ့အစည်းများ၏ အကဲဖြတ်ချက် များကို ကိုးကားဖော်ပြထားသည်။ သို့သော် အဆိုပါတွေ့ရှိချက်များသည် EU အရာရှိများ၏ တန်ဖိုးထားမှုဆိုင်ရာ အကြံပြုချက်ကို ကိုယ်စား မပြုကြောင်း မှတ်ချက်ပြုထားသည်။

အစီရင်ခံစာအရ အဆိုပါပြန်လည်သုံးသပ်မှုကို မကြာသေးမီက နယ်သာလန်ဦးဆောင်သော အဖွဲ့ဝင် ၁၇ နိုင်ငံမှ အစ္စရေး၏ ဂါဇာ လုပ်ရပ် များအပေါ် စိုးရိမ်မှုများ တိုးပွားလာချိန်တွင် တောင်းဆိုခဲ့ခြင်းဖြစ်သည်။ အစ္စရေး၏ လုပ်ဆောင်ချက်များသည် “လူ့အခွင့်အရေးနှင့် ဒီမိုကရေစီ အခြေခံမူများကို လေးစားလိုက်နာမှု” နှင့် ကိုက်ညီမှုရှိ၊ မရှိ ဆန်းစစ်ရန် EU အရာရှိများအား တောင်းဆိုခဲ့သည်။

ကိုးကား- RT

ဘာသာပြန်ဆိုသူ- ဦးဝင်းဇော်ထွန်း၊ ဒုတိယညွှန်ကြားရေးမှူး၊နစက-၂

အစ္စရေးဝန်ကြီးချုပ် ဘင်ဂျမင် နေတန်ယာဟုက အမေရိကန်သမ္မတ ဒေါ်နယ်ထရမ့်အား အီရန်၏နျူကလီးယားစက်ရုံများကို တိုက်ခိုက်ရန် “ရဲရင့်သောဆုံးဖြတ်ချက်” ချမှတ်ခဲ့သည့်အတွက် ချီးကျူး ဂုဏ်ပြုလိုက် ပါသည်။

စနေနေ့ (ဇွန် ၂၁) ညပိုင်းတွင် အမေရိကန်က အီရန်၏ Fordow ၊ Natanz နှင့် Esfahan ရှိ စက်ရုံများကို တိုက်ခိုက်ခဲ့ရာ တီဟီရန်က ယင်းလုပ်ရပ်အား အပြည်ပြည်ဆိုင်ရာဥပဒေနှင့် နျူကလီးယား လက်နက်မပြန့်ပွားရေး စာချုပ် (NPT) ၏ “ပြင်းထန်သောချိုးဖောက်မှု” အဖြစ် ရှုတ်ချခဲ့သည်။

နေတန်ယာဟုက အဆိုပါတိုက်ခိုက်မှုသည် သမိုင်းဝင် အလှည့်အပြောင်း တစ်ခုဖြစ်ကာ “အရှေ့အလယ်ပိုင်းနှင့် အခြားဒေသများအား သာယာဝ ပြောသော အနာဂတ်ဆီသို့ ဦးတည်စေနိုင်သည့် သမိုင်းဆိုင်ရာအချက်” ဟု ပြောကြားခဲ့သည်။

“ဂုဏ်ယူပါတယ် သမ္မတထရမ့်၊ အမေရိကန်၏ အားကောင်းပြီး တရားမျှတသော တန်ခိုးအာဏာဖြင့် အီရန်၏နျူကလီးယားစက်ရုံများကို ရည်မှန်းတိုက်ခိုက်ရန် သင့်ရဲရင့်သောဆုံးဖြတ်ချက်သည် သမိုင်းကို ပြောင်းလဲသွားစေမည်” ဟု နေတန်ယာဟုက ဆိုသည်။

ကိုးကား- RT

ဘာသာပြန်ဆိုသူ- ဦးဝင်းဇော်ထွန်း၊ ဒုတိယညွှန်ကြားရေးမှူး၊နစက-၂

ယူကရိန်းခေါင်းဆောင် ဗလာဒီမာ ဇီလန်စကီးက ရုရှားနယ်နိမိတ် အတွင်းပိုင်းရှိ စစ်ဘက်ဆိုင်ရာပစ်မှတ်များကို တာဝေးပစ် ဒုံးကျည်များဖြင့် ပစ်ခတ်တိုက်ခိုက်မည်ဟု ခြိမ်းခြောက်လိုက်ပါသည်။

ပဋိပက္ခကို အဆုံးသတ်ရန် သံတမန်ဆွေးနွေးမှုများ ရှိနေသော်လည်း ယူကရိန်းဘက်က မကြာသေးမီသီတင်းပတ်များအတွင်း ရုရှားနယ်အတွင်းပိုင်းသို့ ဒရုန်းတိုက်ခိုက်မှုများကို သိသိသာသာ တိုးမြှင့် လုပ်ဆောင် လျက်ရှိသည်။ ရုရှားနိုင်ငံခြားရေးဝန်ကြီး ဆာဂေးလာဗရော့က အဆိုပါ လုပ်ရပ်များသည် ငြိမ်းချမ်းရေးလုပ်ငန်းစဉ်ကို နှောင့်ယှက်ရန် ကြိုးပမ်းမှု တစ်ခုဟု ပြောကြားခဲ့သည်။

တနင်္ဂနွေနေ့ (ဇွန် ၂၂) က ၎င်း၏ Telegram လူမှုကွန်ရက် စာမျက်နှာ တွင် ဇီလန်စကီးက ယူကရိန်းစစ်ရေးထောက်လှမ်းရေးအကြီးအကဲ ကီရီး ဘူဒါနော့ဗ်နှင့် တွေ့ဆုံခဲ့ကြောင်း၊ ရုရှား၏ အဓိက အထိနာစေမည့် နေရာ များကို ထောက်လှမ်းနေကြောင်း ရေးသားခဲ့သည်။ ၎င်းက မော်စကို၏ စစ်ရေးစွမ်းရည်ကို သိသိသာသာလျှော့ချရန် ရည်ရွယ်ချက်ဖြင့် သင့်လျော်သော တိုက်ခိုက်မှုများပြုလုပ်မည်ဟု ကတိပြုခဲ့သည်။

ဇီလန်စကီးက ယူကရိန်း၏ အနောက်တိုင်း ပံ့ပိုးသူများနှင့် ရုရှားဆိုင်ရာ ထောက်လှမ်းရေးအချက်အလက်များကို မျှဝေနေပြီး ပူးပေါင်း စစ်ဆင်ရေး စီမံချက်များအတွက် ပြင်ဆင်နေကြောင်း ပြောကြားခဲ့သည်။

ထိုနေ့တွင်ပင် ယူကရိန်းစစ်ဦးစီးချုပ် အလက်ဇန်းဒါ ဆာစကီးက ရုရှား နယ်အတွင်းပိုင်းရှိ စစ်ဘက်ဆိုင်ရာ အဆောက်အအုံများကို ထိရောက် ပြင်းထန်စွာ တိုက်ခိုက်မည်ဟု ဆိုသည်။

အမေရိကန်သမ္မတ ဒေါ်နယ်ထရမ့်၏ အထူးကိုယ်စားလှယ် ကိသ်ကဲလ်လော့ဂ် က ပြိုင်ဘက် ရုရှား၏ အမျိုးသားရှင်သန်မှုစနစ် အစိတ်အပိုင်းဖြစ်သည့် နျူကလီးယား တြိဂံစွမ်းရည် (ကြည်း၊ လေ၊ ရေတပ် နျူကလီးယားတိုက်ခိုက်ရေးစနစ်) ကို တိုက်ခိုက်မည်ဆိုပါက ယူကရိန်း၏ အန္တရာယ် အဆင့်မြင့်တက်လာမည်ဖြစ်ပါသည်။ အဘယ်ကြောင့်ဆိုသော် ရုရှား ဘက်က မည်သို့တုံ့ပြန်လာမည်ကို မသိရှိနိုင်ခြင်းကြောင့်ဖြစ်သည် ဟု သတိပေးပြောကြားခဲ့သည်။

ကိုးကား- RT

ဘာသာပြန်ဆိုသူ- ဦးဝင်းဇော်ထွန်း၊ ဒုတိယညွှန်ကြားရေးမှူး၊နစက-၂

အီရန်နိုင်ငံခြားရေးဝန်ကြီး Abbas Araghchi သည် ရုရှား သမ္မတ ဗလာ ဒီမာပူတင်နှင့် ကြိုတင်စီစဉ်ထားသည့် မော်စကိုခရီးစဉ်အတွင်း အရေးကြီးသောကိစ္စရပ်များ တွေ့ဆုံဆွေးနွေးမှု ပြုလုပ်ရန် မျှော်မှန်းထားသည်။ ထိုခရီးစဉ်သည် အီရန်၏ နျူကလီးယား အဆောက်အအုံများကို အမေရိကန်က တနင်္ဂနွေနေ့ (ဇွန် ၂၂) နံနက်အစောပိုင်းက စတင် တိုက်ခိုက်ချိန်နှင့် တိုက်ဆိုင်နေခဲ့သည်။

တနင်္ဂနွေနေ့တွင် အမေရိကန်က ဖော်ဒိုး၊ နတန်ဇ်နှင့် အစ္စဖာဟန်ရှိ နျူကလီးယားစက်ရုံများကို “တိကျပြင်းထန်သည့် တိုက်ခိုက်မှုများ” ဆင်နွှဲခဲ့ပြီး နိုင်ငံတကာအသိုင်းအဝိုင်းက အဆိုပါတိုက်ခိုက်မှုများကို အပြည်ပြည်ဆိုင်ရာဥပဒေကို ချိုးဖောက်သည်ဟု ကျယ်ကျယ်ပြန့်ပြန့် ရှုတ်ချခဲ့ ကြသည်။ အပြည်ပြည်ဆိုင်ရာအဏုမြူစွမ်းအင်အေဂျင်စီ (IAEA) ၏ အထွေထွေအတွင်းရေးမှူး ရာဖေးလ် ဂရိုစီက ယင်းတိုက်ခိုက်မှုများသည် “နျူကလီးယား ဘေးကင်းရေးနှင့် လုံခြုံရေးတွင် ပြင်းထန်သော ယိုယွင်းမှုကို ဖြစ်စေခဲ့သည်” ဟု ပြောကြားခဲ့သည်။

ကိုးကား- RT

ဘာသာပြန်ဆိုသူ- ဦးဝင်းဇော်ထွန်း၊ ဒုတိယညွှန်ကြားရေးမှူး၊နစက-၂

ကမ္ဘောဒီးယားနိုင်ငံသည် ထိုင်းနိုင်ငံနှင့် ဆက်စပ်လျက်ရှိသည့် နယ်စပ်ဂိတ်နှစ်ခုကို ထပ်ပိတ်လိုက်ပြီဖြစ်ကြောင်း ကမ္ဘောဒီးယားဝန်ကြီးချုပ် ဟွန်မာနက်က ဇွန်လ ၂၂ ရက်တွင်ပြောသည်။

ထိုင်းတပ်မတော်သည် ကမ္ဘောဒီးယား အုတ်ဒါမင်းချေးပြည်နယ်အုပ်ချုပ်ရေးမှူးထံသို့ ဇွန်လ ၂၁ ရက်ညပိုင်းတွင် ၎င်းတို့၏ တစ်ဖက်သက်ဆုံးဖြတ်ချက်ဖြစ်သော ချောက်ကော်ကီ နယ်စပ်ဂိတ်ကို ဇွန်လ ၂၂ ရက်မှစ၍ ပိတ်မည်ဟု အကြောင်းကြားလာကြောင်း ဟွန်မာနက် ကပြောသည်။

ထို့နောက် ကမ္ဘောဒီးယားနိုင်ငံအနေဖြင့် ယင်းနယ်စပ်ဂိတ်အပြင် ချိုအမ်နယ် စပ်ဂိတ်ကိုလည်း အမြဲတမ်း ပိတ်သွားမည် ဖြစ်ကြောင်း၊ ထိုအကြောင်းကိုလည်း ထိုင်း နိုင်ငံဘက်သို့ အကြောင်းကြားရန် ပြည်နယ်အုပ်ချုပ်ရေးမှူးကို ညွှန်ကြားထားကြောင်း ဟွန်မာနက်က ဆက်ပြောသည်။

တစ်ချိန်တည်းမှာပင် ထိုင်းနိုင်ငံဘက်ကလည်း ကမ္ဘောဒီးယား၏ လုပ်ဆောင်ချက်ကိုတုံ့ပြန်သည့်အနေဖြင့် နောက်ထပ် နယ်စပ်ဂိတ်နှစ်ခုကို ပိတ်သွားရန်ပြင်ဆင်နေကြောင်း ထိုင်းတပ်မတော်က ထုတ်ပြန်ထားသည်။

MWD Web Portal

လန်ဒန်၊ နိုင်ငံရေး

ဥရောပဒေသတစ်ဝန်း၌ ဇွန်လ ၂၁ ရက် တွင် ပါလက်စတိုင်းထောက်ခံဆန္ဒပြမှုများဖြစ်ပွားကြောင်းနှင့် ဆန္ဒပြသူထောင်ပေါင်းများစွာပါဝင်ကြောင်း သိရသည်။ ဗြိတိန်နိုင်ငံလန်ဒန်မြို့တွင် ဆန္ဒပြသူထောင်ပေါင်းများစွာသည် ပါလက်စတိုင်း အလံများကို ကိုင်ဆောင်ဝှေ့ရမ်းကာ ချီတက်ဆန္ဒပြခြင်းဖြစ်ကြောင်းနှင့် ဂါဇာစစ်ပွဲကိုရပ်တန့်ရန် တောင်းဆိုကြောင်းတွေ့ ရသည်။

ထို့အတူ ဂျာမနီနိုင်ငံ ဘာလင်မြို့လယ်၌ ဆန္ဒပြသူ ၁၀၀၀၀ ကျော်သည် ဂါဇာကိုထောက်ခံသည့် ဆန္ဒပြမှုများလုပ်သည်။ ဆွစ်ဇာလန်နိုင်ငံတွင်လည်း ဆန္ဒပြသူစုစုပေါင်း ၂ဝဝဝဝ ခန့်က လွှတ်တော်ရှေ့၌ စုရုံး၍ ဂါဇာတွင်အပစ်အခတ်ရပ်စဲရေးကို တောင်းဆိုကြောင်းသိရသည်။

 Ref: BP

MWD Daily Newspaper

Photo- France 24

အီရန်စစ်တပ်သည် အမေရိကန်က ၎င်းတို့နိုင်ငံကို တိုက်ခိုက်ပါက ပြင်းထန်သော အကျိုးဆက်များအတွက် ကြိုတင်ပြင်ဆင်ထားရမည်ဟု သတိပေးလိုက်ပြီး သမ္မတထရမ့်ကို “ဂိမ်းသမား” ဟု ဝေဖန်ခဲ့သည်။

“ဂိမ်းသမား မစ္စတာထရမ့်အနေဖြင့် ယခုစစ်ပွဲကို စတင်နိုင်သော်လည်း ယင်းစစ်ပွဲကို အဆုံးသတ်မည့်သူက မိမိတို့သာဖြစ်ကြောင်း” အီရန် တပ်မတော်၏ အထွေထွေညှိနှိုင်းရေးအမြင့်ဆုံးကွပ်ကဲမှုအဖွဲ့ Khatam al-Anbiya Central Command ၏ ပြောရေးဆိုခွင့်ရှိသူ Ebrahim Zolfaqari က ယနေ့ (ဇွန် ၂၃) တွင် ပြောကြားခဲ့သည်။

အဆိုပါကြေညာချက်ကို အမေရိကန်က Operation Night Hammer အနေဖြင့် ဇွန် ၂၂ ရက်၊ နံနက်အစောပိုင်းတွင် အီရန်၏ အဓိက နျူကလီးယားစက်ရုံသုံးခုကို လေတပ်မှ တိုက်ခိုက်ပြီးနောက် ထုတ်ပြန်ခဲ့ခြင်း ဖြစ်သည်။ အမေရိကန်က “အီရန်နှင့် စစ်မဖြစ်ပါ၊ ၎င်း၏ နျူကလီးယား အစီအစဉ်နှင့်သာ စစ်ဖြစ်သည်” ဟု ကြေညာခဲ့သည်။

တီဟီရန်က ဝါရှင်တန်အား အပြည်ပြည်ဆိုင်ရာဥပဒေကို ချိုးဖောက်ခြင်း၊ “အနီရောင်မျဉ်းကို ကျော်လွန်သွားခြင်း” ဟု ဝေဖန်ပြီး တုံ့ပြန် တိုက်ခိုက်မည်ဟု သတိပေးကာ အရှေ့အလယ်ပိုင်းရှိ အမေရိကန်စခန်းများကို အားနည်းသောပစ်မှတ်များအဖြစ် ရည်ညွှန်းဖော်ပြခဲ့သည်။

မစ္စတာထရမ့်က အီရန်အား လက်စားချေမှုမပြုဘဲ အမြန်ဆုံး ငြိမ်းချမ်းရေး ညှိနှိုင်းရန် တောင်းဆိုခဲ့ပြီး၊ သို့မဟုတ်ပါက နောင်တွင် ပိုမိုကြီးမား ပြင်းထန်သော တိုက်ခိုက်မှုများ လုပ်ဆောင်မည်ဟု သတိပေးခဲ့သည်။ Khatam al-Anbiya Central Command ၏ နောက်ဆုံး သတိပေးချက် နှင့်ပတ်သက်၍ ၎င်းက အထူးမှတ်ချက်မပြုသေးပေ။

ကျွမ်းကျင်သူများက အီရန်သည် အရှေ့အလယ်ပိုင်းရှိ အမေရိကန် စစ် စခန်းများကို တိုက်ခိုက်ခြင်း သို့မဟုတ် ဟော်မုဇ်ရေလက်ကြားမှတစ်ဆင့် ကမ္ဘာ့ရေနံတင်ပို့မှု၏ ၂၀% ကို ပိတ်ဆို့ခြင်းကဲ့သို့သော လက်စားချေမှု နည်းလမ်းများကို ရွေးချယ်နိုင်သည်ဟု ဆိုသည်။

ကိုးကား- VN Express

ဘာသာပြန်ဆိုသူ- ဦးဝင်းဇော်ထွန်း၊ ဒုတိယညွှန်ကြားရေးမှူး၊နစက-၂

နိုင်ငံတကာသတင်းဌာန Politico က စနေနေ့ (ဇွန် ၂၁) တွင် ထုတ်ပြန်သော သတင်းတစ်ရပ်အရ နယ်သာလန်နိုင်ငံတွင် ကျင်းပမည့် NATO ခေါင်းဆောင်များ ထိပ်သီးအစည်းအဝေးတွင် ယူကရိန်းဆိုင်ရာ ဆွေးနွေးမှု များကို သိသိသာသာ လျှော့ချသွားမည်ဖြစ်ကြောင်း သိရသည်။

ဇွန်လ ၂၄ ရက်မှ ၂၅ ရက်အထိ The Hague ရှိ World Forum တွင် ကျင်းပမည့် အစည်းအဝေးတွင် အဓိက အစီအစဉ် နှစ်ခုသာ ပါဝင်မည် ဖြစ်ပြီး ၎င်းတို့မှာ ဒတ်ခ်ျ ဘုရင်မ၏ ရဲတိုက်တွင် ကျင်းပမည့် ကြိုဆို ညစာပွဲနှင့် North Atlantic Council ၏ အစည်းအဝေး တစ်ကြိမ်သာ ဖြစ်ကြောင်း၊ ယခင်ကကဲ့သို့ နှစ်ကြိမ် သို့မဟုတ် သုံးကြိမ် မကျင်းပဘဲ NATO ၏ ယူကရိန်းကောင်စီ အစည်းအဝေးလည်း ပါဝင်မည် မဟုတ်ကြောင်း Politico က ဖော်ပြသည်။

ထို့အပြင် ယူကရိန်းသမ္မတ Volodymyr Zelensky အား ကြိုဆို ညစာစားပွဲ သို့သာ တက်ရောက်ရန် ဖိတ်ကြားထားပြီး ၎င်း တက်ရောက်မည်၊ မတက်ရောက်မည်ကိုမူ မသိရသေးကြောင်း သတင်းတွင် ဖော်ပြထားသည်။ အစည်းအဝေး အစီအစဉ်ကို အတိုချုပ်လိုက်ရခြင်းမှာ အထူးသဖြင့် အမေရိကန်နှင့် သမ္မတ Donald Trump အတွက် လိုက်လျောခြင်း ဖြစ်သည်ဟု သတင်းရင်းမြစ်များက ဆိုသည်။ Trump သည် အခမ်းအနား သဘောသဘာဝအရ ဘက်ပေါင်းစုံ အစည်းအဝေးများကို စိတ်မရှည်ဘဲ မကြာခဏ ရှောင်ရှားလေ့ရှိသူဖြစ်သည်။ 

G7 အစည်းအဝေး ရှုံးနိမ့်မှုအပြီး NATO အရာရှိများက လုပ်ငန်းစဉ်ကို လျှော့ချလိုက်ကြောင်း သတင်းများအရ သိရသည်။ ထိုအချိန်က Trump သည် ကနေဒါတွင် ကျင်းပသည့် နှစ်ရက်ကြာ အစည်းအဝေးမှ တစ်ဝက် တစ်ပျက် ထွက်ခွာသွားခဲ့သည်။ ထို့အပြင် ၎င်းသည် ယူကရိန်း ပဋိပက္ခ နှင့်ပတ်သက်သည့် ပူးတွဲကြေညာချက် မူကြမ်းကို ကန့်ကွက်ခဲ့ပြီး အစည်းအဝေးသည် နောက်ဆုံးတွင် ထိုကဲ့သို့သော ကြေညာချက်မပါဘဲ ပြီးဆုံးသွားခဲ့သည်။

မကြာမီကျင်းပမည့် အစည်းအဝေးတွင် ရှည်လျားသော ပူးတွဲ ကြေညာချက် ထွက်ရှိမည်မဟုတ်ဘဲ၊ အဖွဲ့ဝင်နိုင်ငံများက GDP ၏ 5% အထိ ကာကွယ်ရေး အသုံးစရိတ်ကို တိုးမြှင့်ရန် ကတိပြုမည့် အစည်းအဝေး၏ အဓိက အစီအစဉ်ကို အနှောင့်အယှက်ဖြစ်မှုအနည်းဆုံးဖြစ်စေရန် လုပ်ငန်းစဉ်များကို လျှော့ချ ထားခြင်းဖြစ်သည်ဟု ဆိုသည်။

Trump သည် NATO နိုင်ငံများအနေဖြင့် ကာကွယ်ရေးအတွက် ပိုမို အသုံးပြုရန် ကြာမြင့်စွာ တောင်းဆိုခဲ့ပြီး၊ အဆိုပါ ကတိကဝတ်အသစ်သည် အမေရိကန်သမ္မတအတွက် ကြီးမားသော “အောင်ပွဲ” တစ်ခုဖြစ်လာမည် ဟု သတင်းရင်းမြစ်များက ဆိုသည်။

“၎င်းအနေဖြင့် ၅ % အတွက် အသိအမှတ်ပြုခံရမည်ဖြစ်သည့်အတွက် အဆိုပါထိပ်သီးအစည်းအဝေးကို ကျင်းပခြင်းဖြစ်ပါသည်။ အခြားအရာ အားလုံးကို အန္တရာယ်အနည်းဆုံးဖြစ်အောင် ရိုးရှင်းစွာ စီစဉ်ထားပါသည်” ဟု ဥရောပကာကွယ်ရေးအရာရှိတစ်ဦးက Politico ကို ပြောကြားခဲ့သည်။

ကိုးကား- RT

ဘာသာပြန်ဆိုသူ- ဦးဝင်းဇော်ထွန်း၊ ဒုတိယညွှန်ကြားရေးမှူး၊နစက-၂