ဂျာမန်ဝန်ကြီးချုပ် Friedrich Merz၊ ပြင်သစ်သမ္မတ Emmanuel Macron နှင့် ဗြိတိန်ဝန်ကြီးချုပ် Keir Starmer တို့သည် ယူကရိန်းနိုင်ငံ ကိယက်ဗ် မြို့သို့ ထွက်ခွာသွားကြပြီဟု DPA သတင်းဌာနက ဆိုထား ပါသည်။

ထိုဥရောပခေါင်းဆောင်များသည် ပိုလန်ဝန်ကြီးချုပ် Donald Tusk နှင့်အတူ စနေနေ့ (မေ ၁၀) တွင် Volodymyr Zelensky နှင့် တွေ့ဆုံရန် စီစဉ်ထားကြောင်း ယင်းသတင်းဌာနက ဖော်ပြထားပါသည်။ ယူကရိန်း အား နောက်ထပ်ပံ့ပိုးကူညီမှုဆိုင်ရာ ကိစ္စရပ်များကို ဆွေးနွေးရန် မျှော်မှန်းထားကြ သည်ဟု သိရပါသည်။

DPA ၏ဖော်ပြချက်အရ ဥရောပခေါင်းဆောင်များသည် အမေရိကန်သမ္မတ Donald Trump ၏ အပြည့်အဝနှင့် ကန့်သတ်ချက်မရှိသော စစ်ရပ်စဲရေး တောင်းဆိုချက်ကို ၎င်းတို့၏ ပူးတွဲကြေညာချက်တွင် ထောက်ခံခဲ့ကြပါ သည်။ ထိုစစ်ရပ်စဲမှုသည် မျှတ၍ ခိုင်မာသော ငြိမ်းချမ်းရေးဆွေးနွေး မှုများ အတွက် အခွင့်အလမ်းဖန်တီးရန် ရည်ရွယ်ထားသည်ဟု ၎င်းတို့ ယုံကြည် ကြောင်း သတင်းဌာနက ဖော်ပြထားပါသည်။

ကိုးကား- TASS

ဘာသာပြန်ဆိုသူ- ဦးကျော်ဇေယျ၊ ဒုတိယညွှန်ကြားရေးမှူး၊ နစက-၃

ဗြိတိန်အစိုးရသည် ရုရှားနိုင်ငံအပေါ် ၎င်း၏ “အကြီးမားဆုံးသော ပိတ်ဆို့ အရေးယူမှု” အစီအစဉ်ကို ကြေညာခဲ့ကြောင်း တရားဝင်ထုတ်ပြန်ချက် တစ်ခုအရ သိရသည်။ အဆိုပါ အရေးယူမှုသည် ရုရှား၏ ရေနံသယ်ယူပို့ဆောင်ရေး ကွန်ရက်ကို ထိုးနှက်ရန်နှင့် မော်စကို၏ စွမ်းအင်ဝင်ငွေများကို လျှော့ချရန် ရည်ရွယ်သည်။ အဆိုပါ ကြေညာချက်ကို သောကြာနေ့(မေ ၈)တွင် နာဇီဂျာမနီတို့ ဒုတိယကမ္ဘာစစ်အတွင်းက ရှုံးနိမ့်ခဲ့သည့် နှစ် ၈၀ ပြည့် နှစ်ပတ်လည်နေ့ ရုရှား၏ဂုဏ်ပြုပွဲနှင့် တိုက်ဆိုင်နေချိန် ဖြစ်သည်။

ကိယက်ဗ်၏ အခိုင်မာဆုံး ထောက်ခံသူများထဲမှ တစ်ဦးဖြစ်သည့် လန်ဒန် သည် ၎င်းအား စစ်ရေးနှင့် နည်းဗျူဟာဆိုင်ရာ အထောက်အပံ့နှင့် ငွေသား ဘီလီယံပေါင်းများစွာ ပံ့ပိုးပေးကာ မော်စကိုသည် ယူကေ၏ အမျိုးသားလုံခြုံရေးကို ခြိမ်းခြောက်နေသည်ဟု ကာလရှည်ကြာ အခိုင်အမာ ဆိုထားသည်။ လွန်ခဲ့သည့် သုံးနှစ်ကျော်က ယူကရိန်းပဋိပက္ခ ပြင်းထန်လာချိန်မှစပြီး ရုရှားနိုင်ငံမှ လူပုဂ္ဂိုလ်များနှင့် အဖွဲ့အစည်းများအပေါ် ပိတ်ဆို့ အရေးယူမှုပေါင်း ၂,၀၀၀ ကျော်ကို ဗြိတိန်အစိုးရများက အကောင်အထည် ဖော်ခဲ့သည်။

“ရုရှားက မိမိတို့၏ အမျိုးသားလုံခြုံရေးအတွက် ခြိမ်းခြောက်မှုကို လုပ်နေပါသည်။ ပူတင်အပေါ် ဖိအားများ အရှိန်မြှင့်ရန်၊ အကြီးမားဆုံး ဒဏ်ခတ် အရေးယူမှုကို လုပ်ဆောင်ရန် မိမိအနေဖြင့် ကြေညာထားပါသည်” ဟု ဗြိတိန်ဝန်ကြီးချုပ် ကီယာစတာမာ က X မီဒီယာတွင် ရေးသားခဲ့သည်။

ပိတ်ဆို့မှု အသစ်မှာ ရုရှားရေနံတင်သင်္ဘော အစီး ၁၀၀ ကျော်ပါဝင်နေပြီး ရုရှား၏ အခြားရေယာဉ်များလည်း ပါဝင်သည်။ လန်ဒန်၏ အဆိုအရ အဆိုပါ သင်္ဘောများသည် ၂၀၂၄ ခုနှစ်ကတည်းက ကန်ဒေါ်လာ ၂၄ ဘီလီယံ တန်ဖိုးရှိ ကုန်တင်ကုန်ချများ ပြုလုပ်ခဲ့ကြောင်း သိရပါသည်။၊ အီးယူနှင့် အမေရိကန်တို့က ရုရှားသင်္ဘောများကို ပစ်မှတ်ထားပြီး အခြားသော သင်္ဘော အစီး ၁၅၀ ကို အမည်ပျက်စာရင်းသွင်းမည့် ၁၇ ကြိမ်မြောက် ပိတ်ဆို့မှုအစီအစဉ်ကို ယခုလနှောင်းပိုင်းတွင် အတည်ပြုနိုင်ဖွယ် ရှိကြောင်းလည်း သိရပါသည်။ 

တရုတ်နှင့် အိန္ဒိယတို့ကဲ့သို့ အနောက်နိုင်ငံမဟုတ်သော ဝယ်သူများကြောင့် ရုရှား၏ ရေနံဝင်ငွေသည် ခိုင်မာနေခဲ့သည်။ ပြီးခဲ့သည့်လတွင် လန်ဒန်မြို့ရှိ ရုရှားသံရုံးမှ ဗြိတိန်အစိုးရအား “ရုရှားနိုင်ငံအပေါ် ရန်လိုသည့်အမူအရာ” ကို ရပ်တန့်ရန် ဗြိတိန်အစိုးရအား တိုက်တွန်းခဲ့သည်။

ကိုးကား- MNP

ရုရှားနိုင်ငံ သမ္မတ ပူတင်၏ ဖိတ်ကြားချက်အရ တရုတ်နိုင်ငံ သမ္မတ ရှီကျင့်ဖျင်သည် မေ ၇ ရက်မှ ၁၀ ရက် အထိ ရုရှားနိုင်ငံသို့ နိုင်ငံတော်ခရီးစဉ်သွားရောက်ပြီး မော်စကိုမြို့၌ ကျင်းပမည့် ဆိုဗီယက် ပြည်ထောင်စု၏ မဟာမျိုးချစ်စစ်အောင်ပွဲ နှစ် ၈၀ ပြည့် အထိမ်းအမှတ်အခမ်းအနားကို တက်ရောက်သွားမည်ဖြစ်သည်။ သမ္မတ ရှီကျင့်ဖျင်၏ ယခုအကြိမ်ခရီးစဉ်သည် လေးနက်သော အနက်အဓိပ္ပာယ်ရှိပြီး နှစ်နိုင်ငံ၏ မြင့်မားသော အပြန်အလှန်ယုံကြည်မှုနှင့် အပြန်အလှန်ထောက်ခံအားပေးမှုကို ပေါ်လွင်စေကာ ရုရှား-တရုတ်ဆက်ဆံရေးကို ပိုမိုအဆင့်အတန်းမြင့်မားစွာ တိုးတက်လာစေရန် တွန်းအားပေးလိမ့်မည်ဟု ရုရှားနိုင်ငံ နယ်ပယ်အသီးသီးမှ လူပုဂ္ဂိုလ်များက ယူဆကြသည်။

သမ္မတ ရှီကျင့်ဖျင် ရုရှားနိုင်ငံသို့ နိုင်ငံတော်ခရီးစဉ်လာရောက်၍ ဆိုဗီယက်ပြည်ထောင်စု၏ မဟာမျိုးချစ် စစ်အောင်ပွဲ နှစ် ၈၀ ပြည့် အထိမ်းအမှတ်အခမ်းအနား တက်ရောက်ခြင်းသည် “အလွန် မြင့်မြတ်သော သမိုင်း အနက်အဓိပ္ပာယ်ရှိ”ကြောင်း ရုရှားဖက်ဒရေးရှင်းကောင်စီ (အထက်လွှတ်တော်) ဥက္ကဋ္ဌ Valentina Matviyenko က ဆိုသည်ဟု TASS သတင်းဌာနက မေ ၇ ရက်တွင် သတင်းဖော်ပြထားသည်။

အချို့သောနိုင်ငံများသည် ဖက်ဆစ်ဝါဒနှင့် စစ်ဝါဒအား ချေမှုန်းခဲ့သည့် သမိုင်းအတိတ်အမှတ်တရများကို ပုံဖျက်ရန် ကြိုးပမ်းလျက်ရှိကြောင်း၊ ရုရှားနှင့် တရုတ်သည် ထိုသို့ ကြိုးပမ်းမှုများကို အတိအလင်း အတူတကွ ဆန့်ကျင်ကြပြီး နောင်လာနောက်သားများအတွက် သမိုင်းဖြစ်ရပ်မှန် ချန်ရစ်ထားနိုင်ရန် အဆုံးအဖြတ် ပေးနိုင်သည့် အခန်းကဏ္ဍမှ ပါဝင်သွားမည်ဖြစ်ကြောင်း Valentina Matviyenko က ပြောကြားခဲ့သည်။

ရုရှား-တရုတ်ဆက်ဆံရေးသည် သမိုင်းတွင် အကောင်းအဆုံးအဆင့်သို့ ရောက်ရှိနေကြောင်း၊ နှစ်နိုင်ငံ ဆက်ဆံရေးသည် နိုင်ငံကြီးဆက်ဆံရေး၏ “စစ်မှန်သောစံနမူနာ” ဖြစ်သည်ဟု နှစ်ဖက်လုံးက ယူဆကြကြောင်း ရုရှားနိုင်ငံသမ္မတလက်ထောက် Yuri Ushakov က မေ ၆ ရက်တွင် RIA Novosti ၊ TASS စသည့် ရုရှားနိုင်ငံ ပင်မမီဒီယာများကို ပြောကြားခဲ့သည်။ သမ္မတ ရှီကျင့်ဖျင်၏ ယခုအကြိမ် ခရီးစဉ်သည် အနက်အဓိပ္ပာယ် ကြီးမားလှကြောင်း၊ “အပြန်အလှန် အပြည့်အဝ ယုံကြည်မှု၊ တန်းတူညီမျှဖြစ်၍ အပြန်အလှန် အကျိုး ဖြစ်ထွန်းမှု၊ မည်သည့်တတိယဘက်ကိုမျှ ဦးတည်ခြင်းမရှိမှု” ဟူသော ရုရှား-တရုတ်ဆက်ဆံရေး ဆက်လက် ရှေ့သို့ တိုးတက်လာရန် တွန်းအားပေးသွားမည်ဖြစ်ကြောင်း ၎င်းကပြောကြားခဲ့သည်။

သမ္မတရှီကျင့်ဖျင်သည် ဖိတ်ကြားချက်အရ ရုရှားနိုင်ငံသို့ နိုင်ငံတော်ခရီးစဉ်လာရောက်၍ ဆိုဗီယက် ပြည်ထောင်စု၏ မဟာမျိုးချစ်စစ်အောင်ပွဲ နှစ် ၈၀ ပြည့် အထိမ်းအမှတ် အခမ်းအနား တက်ရောက်ခြင်းသည် “လက်ရှိ ရုရှား-တရုတ်ဆက်ဆံရေး၏ တစ်ခါမျှမရှိခဲ့ဖူးသည့် လွန်စွာ အပြန်အလှန်ယုံကြည်မှု၊ အပြန်အလှန် နားလည်မှုနှင့် အပြန်အလှန်ထောက်ခံအားပေးမှုကို ထပ်မံသက်သေထူနေပါသည်” ဟု ရုရှားနိုင်ငံခြားရေး ဝန်ကြီးဌာန ပြောခွင့်ရပုဂ္ဂိုလ် Maria Zakharova က မေ ၆ ရက်တွင် သတင်းစာ ရှင်းလင်းပွဲ၌ ပြောကြား ခဲ့သည်။

ရုရှား-တရုတ်ဆက်ဆံရေးသည် “စစ်မှန်သော ဘက်စုံရှိရာ အပြုသဘောဆောင်သည့် အနှစ်သာရ အသစ်များ အဆက်မပြတ် ဖြည့်တင်းနေကာ နှစ်နိုင်ငံပြည်သူများ၏ အခြေခံအကျိုးစီးပွားနှင့် ကိုက်ညီသလို နှစ်နိုင်ငံ ပြည်သူများ၏ အစွမ်းကုန် ထောက်ခံအားပေးမှုကို ရရှိထားပါသည်” ဟု Maria Zakharova က ဆိုသည်။ နှစ်နိုင်ငံခေါင်းဆောင်များ၏ လမ်းညွှန်ဦးဆောင်မှုအောက်တွင် ရုရှား-တရုတ် ပူးပေါင်းဆောင်ရွက်မှုသည် ရေရှည်တည်ငြိမ်စွာ ဖွံ့ဖြိုးတိုးတက်လာမည်ဖြစ်ကြောင်း ၎င်းက ပြောကြားခဲ့သည်။

မတူညီသော နိုင်ငံစုံပူးပေါင်းဆောင်ရွက်ရေးပလက်ဖောင်းနှင့် အခမ်းအနားများတွင် ရုရှားနှင့် တရုတ်နိုင်ငံ တို့က နိုင်ငံတကာ တရားမျှတမှုနှင့် သမာသမတ်ကျမှုကို ကာကွယ်ထိန်းသိမ်းရန် ကြိုးပမ်းလျက်ရှိပြီး ကုလသမဂ္ဂကို ဗဟိုပြုခြင်းအား ခိုင်မာစွာကိုင်စွဲ၍ စစ်မှန်သည့် တန်းတူညီမျှသော၊ တရားမျှတမှုရှိသော ဗဟုဝင်ရိုးအသွင် ကမ္ဘာ့စည်းစနစ် တည်ဆောက်ရေးအား တွန်းအားပေးလျက် ရှိကြောင်းလည်း Maria Zakharova က ပြောကြားခဲ့သည်။

ရုရှား-တရုတ် နှစ်နိုင်ငံပူးပေါင်းဆောင်ရွက်မှုသည် ကောင်းမွန်သောအလားအလာကို ဆက်လက်ထိန်းသိမ်း ထား၍ ကမ္ဘာ့အတိုင်းအတာအတွင်း နိုင်ငံကြီးများက ကဏ္ဍစုံတွင် အပြန်အလှန် အကျိုးဖြစ်ထွန်းသော ပူးပေါင်း ဆောင်ရွက်မှုဖော်ဆောင်သည့် စံနမူနာကို တည်ဆောက်သွားမည်ဟု ယုံကြည်ကြောင်း ရုရှားသိပ္ပံ အကယ်ဒမီ တရုတ်နှင့် ယနေ့ခေတ်အာရှ သုတေသနဌာန ဌာနမှူး Kirill Babaev က မကြာသေးမီက ဆင်ဟွာ သတင်းထောက် တွေ့ဆုံမေးမြန်းမှုကို ဖြေကြားရာတွင် ပြောကြားခဲ့သည်။

ရုရှား-တရုတ် နှစ်နိုင်ငံအကြား နိုင်ငံရေးအရ အပြန်အလှန်ယုံကြည်မှုအဆင့်၊ နှစ်နိုင်ငံတည်ဆောက်ထားသော ရင်းနှီးသည့်ဆက်သွယ်မှုနှင့် နက်ရှိုင်းသော နားလည်မှုတို့သည် ကမ္ဘာ့နိုင်ငံကြီးဆက်ဆံရေးတွင် ပြိုင်စံရှားပင် ဖြစ်ကြောင်း ရုရှားသိပ္ပံအကယ်ဒမီ ကမ္ဘာ့စီးပွားရေးနှင့် နိုင်ငံတကာဆက်ဆံရေး သုတေသနဌာန ဒုတိယ ဌာနမှူး Alexander Romanov က ဆင်ဟွာသတင်းထောက်အား ပြောကြားခဲ့သည်။

ကိုးကား- ဆင်ဟွာ

နာဇီဂျာမနီကို အောင်ပွဲခံသည့် ၈၀ နှစ်မြောက် အထိမ်းအမှတ်နှင့် နှစ်နိုင်ငံ ပူးပေါင်းဆောင်ရွက်ရေးနက်ရှိုင်းစေရန် ထုတ်ပြန်သော ပူးတွဲ ကြေညာချက်တွင် ရုရှားနိုင်ငံသည် တရုတ်တစ်နိုင်ငံတည်းမူဝါဒကို မြဲမြံစွာလိုက်နာကြောင်း ထပ်လောင်းအတည်ပြုလိုက်ပါသည်။ 

ရုရှားသည် တရုတ်တစ်နိုင်ငံတည်းမူဝါဒကို ထပ်မံအတည်ပြုပါသည်။ ကမ္ဘာပေါ်တွင် တရုတ်နိုင်ငံတစ်ခုသာရှိပြီး ထိုင်ဝမ်သည် တရုတ်ပြည်မ၏ ခွဲခြားမရနိုင်သော နယ်မြေအစိတ်အပိုင်းဖြစ်ကြောင်း အသိအမှတ်ပြုပါသည်။ တရုတ်ပြည်သူ့သမ္မတနိုင်ငံ အစိုးရသည် တရုတ်တစ်နိုင်ငံလုံးကို ကိုယ်စားပြုသည့် တစ်ခုတည်းသော တရားဝင်အာဏာပိုင်ဖြစ်သည် ဟု ကြေညာချက်တွင် ဖော်ပြထားပါသည်။ 

ရုရှားအနေဖြင့် ထိုင်ဝမ်လွတ်လပ်ရေးဆိုင်ရာ မည်သည့်လှုပ်ရှားမှုကိုမဆို အပြတ်အသတ် ကန့်ကွက်ပြီး တရုတ်၏ အချုပ်အခြာအာဏာနှင့် နယ်မြေ ပြည့်စုံမှုကို ကာကွယ်ရန် လုပ်ဆောင်ချက်များအပေါ် ခိုင်မာစွာ ထောက်ခံကြောင်း၊ အထူးသဖြင့် နိုင်ငံတော်ပြန်လည်ပေါင်းစည်းရေး ရည်မှန်းချက်ကို ရုရှားက အလေးထားကြောင်း ဖော်ပြထားပါသည်။

ကိုးကား- TASS

Photo: Report.az

ဘာသာပြန်ဆိုသူ-ဦးကျော်ဇေယျ၊ ဒုတိယညွှန်ကြားရေးမှူး၊ နစက-၃

တရုတ်နိုင်ငံ သမ္မတ ရှီကျင့်ဖျင်နှင့် ရုရှားနိုင်ငံ သမ္မတ ပူတင်တို့သည် ဒေသစံတော်ချိန် မေ ၈ ရက် နံနက်ပိုင်းတွင် မော်စကိုမြို့ ကရင်မလင်နန်းတော်၌ တွေ့ဆုံဆွေးနွေးခဲ့သည်။

ထိုသို့ တွေ့ဆုံရာတွင် ရှီကျင့်ဖျင်က သမ္မတ ပူတင်၏ ဖိတ်ကြားချက်ဖြင့် ရုရှားနိုင်ငံသို့ ခရီးစဉ်ထပ်မံလာရောက်ပြီး ဆိုဗီယက်ပြည်ထောင်စု၏ မဟာမျိုးချစ်စစ်အောင်ပွဲ နှစ် ၈၀ ပြည့် အထိမ်းအမှတ် အခမ်းအနားသို့ တက်ရောက်ရခြင်းအပေါ် အလွန် ဝမ်းမြောက်ကြောင်း ပြောကြားခဲ့သည်။

တရုတ်-ရုရှားဆက်ဆံရေး စဉ်ဆက်မပြတ် ဖွံ့ဖြိုးတိုးတက်ရေးနှင့် နက်ရှိုင်းရေးသည် နှစ်နိုင်ငံပြည်သူများ ခေတ်အဆက်ဆက် ချစ်ကြည်ရင်းနှီးမှုအား ဆက်ခံရာတွင် ရှိသင့်သည့်အနှစ်သာရဖြစ်ပြီး နှစ်ဖက်အပြန်အလှန် အောင်မြင်ဖြစ်ထွန်းစေခြင်း၊ ကိုယ်စီဖွံ့ဖြိုးတိုးတက်ရေးအား မြှင့်တင်ခြင်း၏ မုချမသွေ ရွေးချယ်မှု ဖြစ်သလို နိုင်ငံတကာ တရားမျှတမှု၊ သမာသမတ်ကျမှုကို ကာကွယ်ထိန်းသိမ်းခြင်း၊ ကမ္ဘာလုံးဆိုင်ရာ စီမံခန့်ခွဲမှု စနစ် ပြုပြင်ပြောင်းလဲရေး တွန်းအားပေးခြင်း၏ ခေတ်ကာလတောင်းဆိုသံ လည်း ဖြစ်ကြောင်းကို သမိုင်းနှင့် လက်တွေ့က အပြည့်အဝ သက်သေပြလျက်ရှိကြောင်း ရှီကျင့်ဖျင် ထောက်ပြ ပြောကြားခဲ့သည်။

ယခုနှစ်သည် တရုတ်ပြည်သူများ ဂျပန်ခုခံတော်လှန်ရေးစစ်ပွဲ၊ ဆိုဗီယက် ပြည်ထောင်စု မဟာမျိုးချစ်စစ်ပွဲနှင့် ကမ္ဘာ့ ဖက်ဆစ်တော်လှန်ရေး စစ်ပွဲ အောင်နိုင်ခြင်း နှစ် ၈၀ ပြည့် ဖြစ်ကြောင်း၊ လွန်ခဲ့သည့် နှစ်ပေါင်း ၈၀ က တရုတ်-ရုရှား နှစ်နိုင်ငံပြည်သူများသည်အလွန်ကြီးမားလှသော ပေးဆပ်မှု များဖြင့် ကြီးမားလှသည့် အောင်မြင်မှုကို ရရှိခဲ့ရာ ကမ္ဘာ့ငြိမ်းချမ်းရေးအား ထိန်းသိမ်းကာကွယ်ရေးနှင့် လူသားမျိုးနွယ် တိုးတက်ရေးလုပ်ငန်းအတွက် ရာဇဝင်တွင်သည့် သမိုင်း၏အကျိုးကို ထမ်းဆောင်ခဲ့ကြကြောင်း ရှီကျင့်ဖျင်က ပြောကြားခဲ့သည်။

လက်ရှိ နိုင်ငံတကာ၌ တစ်ဖက်သတ်ဝါဒ ဟူသော ခေတ်နောက်ပြန်လှည့် မှုနှင့် အင်အားသုံး ဗိုလ်ကျ အနိုင်ကျင့်မှုလုပ်ရပ်များကို ရင်ဆိုင်ရာတွင် တရုတ်နိုင်ငံသည် ရုရှားနိုင်ငံနှင့်အတူ ကမ္ဘာ့နိုင်ငံကြီးနှင့် ကုလသမဂ္ဂ လုံခြုံရေးကောင်စီ အမြဲတမ်းအဖွဲ့ဝင်နိုင်ငံများ ဖြစ်သည့် အထူးတာဝန်ကို ပခုံးထက်တွင်တင်လျက် မဆုတ်မရွံ့ ဝာာဝန်ထမ်းဆောင်ကာ မှန်ကန်သည့် ဒုတိယကမ္ဘာစစ်အမြင်ကို အတူတကွ မြှင့်တင်သွားမည် ဖြစ်သလို ကုလသမဂ္ဂ၏ ဩဇာသက်ရောက်မှုနှင့် အနေအထားကို ကာကွယ် ထိန်းသိမ်းသွားမည် ဖြစ်ကြောင်း၊ တရုတ်-ရုရှား နှစ်နိုင်ငံနှင့် ကျယ်ပြန့် များပြားလှသော ဖွံ့ဖြိုးဆဲနိုင်ငံများ၏ အခွင့်အရေးနှင့် အကျိုးစီးပွားကို အခိုင်အမာ ကာကွယ်သွားမည် ဖြစ်ကြောင်း၊ တန်းတူညီမျှ၍ စနစ်ကျသည့် ကမ္ဘာကြီး ဗဟုဝင်ရိုးအသွင်ပြောင်းရေး၊ အများအကျိုးဖြစ်ထွန်း၍ အားလုံး ပါဝင်မှုရှိသော စီးပွားရေး ကမ္ဘာလုံးဆိုင်ရာ အသွင်ပြောင်းရေးကို လက်တွဲအတူ တွန်းအားပေး ဆောင်ရွက်သွားမည်ဖြစ်ကြောင်း ၎င်းက ပြောကြားခဲ့သည်။ 

ကိုးကား- Xinhua

Photo: NBC News

အမေရိကန်သမ္မတ ဒေါ်နယ်ထရမ့်က ရုရှားနှင့်ယူကရိန်းအကြား ငြိမ်းချမ်းရေးဖော်ဆောင်ရာတွင် တရုတ်နိုင်ငံ၏ အကူအညီကိုရယူမည်ဟု ပြောကြားလိုက်သည်။ ၎င်းက တရုတ်သည် မော်စကိုနှင့် ကိယက်ဗ် တို့၏ သဘောထားကွာဟချက်ကို လျှော့ချပေးနိုင်ပြီး ငြိမ်းချမ်းရေးဆွေးနွေးပွဲများ ဖြစ်နိုင်စေရန် အထောက်အကူပြုနိုင်မည်ဟု ယုံကြည်ကြောင်း ဖော်ပြခဲ့သည်။

ဝါရှင်တန်နှင့်ပေကျင်းအကြား ဆက်ဆံရေးသည် ယခုအခါ တင်းမာလျက် ရှိပြီး ထရမ့်၏ တရုတ်ကုန်ပစ္စည်းများအား ၁၄၅% အထိ အကောက်ခွန် မြှင့်တင်ရန် ဆုံးဖြတ်ချက်ကြောင့်ဖြစ်သည်။ ထရမ့်က အဆိုပါ ဆုံးဖြတ်ချက်ကို အမေရိကန်၏ အမျိုးသားလုံခြုံရေးနှင့် ကုန်သွယ်ရေးမညီမျှမှုများကို အကြောင်းပြု၍ ရှင်းလင်းခဲ့သည်။ တရုတ်ဘက်မှမူ "စီးပွားရေးအနိုင်ကျင့်မှု" ဟူ၍ စွပ်စွဲကာ အမေရိကန်မှ တင်သွင်းသော ကုန်စည်အားလုံးကို ၁၂၅% အကောက်ခွန်စနစ်ဖြင့် တုံ့ပြန်ခဲ့ပြီး ကုန်စည် တင်ပို့မှုထိန်းချုပ်ရေး စည်းမျဉ်းများကိုလည်း ချမှတ်ခဲ့သည်။

ကိုးကား- RT

ဘာသာပြန်ဆိုသူ- ဦးဝင်းဇော်ထွန်း၊ ဒုတိယညွှန်ကြားရေးမှူး၊ နစက-၂

အမေရိကန်သမ္မတဟောင်း ဂျိုးဘိုင်ဒင်က ဒေါ်နယ်ထရမ့်သည် ၎င်း၏ တာဝန်များကို မဖြည့်ဆည်းနိုင်ဘဲ နေတိုးအဖွဲ့ ညီညွတ်မှုကို အားနည်းစေရန် ပြုလုပ်နေပြီး ရုရှားခေါင်းဆောင်များနှင့် ဆက်သွယ်ရန် ကြိုးစား နေသည်ဟု ဝေဖန်လိုက်ပါသည်။

“ရိုးရိုးသားသားပြောရမည်ဆိုပါက ထရမ့်သည် အမေရိကန်၏ အကျိုး စီးပွားအတွက် အကျိုးမရှိသည့်အလုပ်များသာ လုပ်နေပါသည်” ဟု ဘိုင်ဒင်က ABC နှင့်အင်တာဗျူးတွင် ပြောကြားခဲ့ပါသည်။

ထရမ့်၏ ရုရှားခေါင်းဆောင်နှင့် ဆက်ဆံရေးကို အများရှေ့မှာ ပြသနေမှုများမှာ နေတိုးအဖွဲ့ ညီညွတ်မှုအတွက် ခြိမ်းခြောက်မှုတစ်ခုအဖြစ် မြင်ကြောင်း ဘိုင်ဒင်က စိုးရိမ်စွာဖြင့် ဖြေကြားသွားပါသည်။

နေတိုးအဖွဲ့ကို ဝေဖန်တတ်ပြီး မဟာမိတ်ဥရောပများအား ကာကွယ်ရေး အသုံးစရိတ်များ တိုးမြှင့်ရန် တောင်းဆိုမှုများကြောင့် လူသိများသည့် ထရမ့်နှင့်မတူဘဲ   ဘိုင်ဒင်သည် ၎င်း၏လက်ထက်တွင် ဆန့်ကျင်ဘက် ချဉ်းကပ်မှုကို ကျင့်သုံးခဲ့ပါသည်။ 

၂၀၂၁ မြူးနစ်အစည်းအဝေးတွင် အမေရိကန်သည် နေတိုးမဟာမိတ်အဖွဲ့ အတွက် အပြည့်အဝ ကတိကဝတ်ပြုထားပြီးဖြစ်ပါကြောင်း၊ ရုရှား သမ္မတ ဗလာဒီမာ ပူတင်သည် ဥရောပစီမံကိန်းနှင့် မဟာမိတ်အဖွဲ့ကို အားနည်းစေလိုကြောင်း သတိပေးပြောကြားခဲ့ပါသည်။

ကိုးကား- Oreanda

ဘာသာပြန်ဆိုသူ-ဦးကျော်ဇေယျ၊ ဒုတိယညွှန်ကြားရေးမှူး၊ နစက-၃

ဗင်နီဇွဲလားသည် BRICS အဖွဲ့သို့ ပူးပေါင်းမည့် အစီအစဉ်များကို စွန့်လွှတ်ခြင်းမရှိသေးဘဲ တင်းပြည့်အဖွဲ့ဝင်ဖြစ်လာအောင် ဆက်လက် ကြိုးပမ်းသွားမည်ဖြစ်ကြောင်း ၊ BRICS နိုင်ငံများနှင့် ပူးပေါင်းဆောင်ရွက်ရန် မိမိတို့ အဆင်သင့်ဖြစ်နေပြီဖြစ်ကြောင်း ဗင်နီဇွဲလား နိုင်ငံခြားရေးဝန်ကြီး Yvan Gil Pinto က TASS သို့ ပြောကြားလိုက်ပါသည်။ 

ဗင်နီဇွဲလား ခေါင်းဆောင် Nicolas Maduro သည် မေလ ၇ ရက်နေ့က မော်စကိုသို့ ရောက်ရှိခဲ့ပါသည်။ ယခုလာရောက်သည့် ၎င်း၏ ရုရှား ခရီးစဉ်မှာ ၈ ကြိမ်မြောက်ဖြစ်ပါသည်။ နိုင်ငံခေါင်းဆောင်များ ဆွေးနွေးညှိနှိုင်းပြီးနောက် ရုရှား-ဗင်နီဇွဲလား ပြီးပြည့်စုံသော မိတ်ဖက်ပူးပေါင်း ဆောင်ရွက်ရေးစာချုပ်ကို လက်မှတ်ရေးထိုးခဲ့ကြပါသည်။

ကိုးကား- TASS

Photo: Mehr News Agency

ဘာသာပြန်ဆိုသူ-ဦးကျော်ဇေယျ၊ ဒုတိယညွှန်ကြားရေးမှူး၊ နစက-၃

အမေရိကန်သမ္မတ ဒေါ်နယ်ထရမ့်သည် ယခုအပတ်အတွင်း Jeanine Pirro အား ဝါရှင်တန်ဒီစီခရိုင်အတွက် အမေရိကန် ယာယီရှေ့နေချုပ်အဖြစ် ခန့်အပ်လိုက်ကြောင်း ကြေညာခဲ့သည်။

သူမသည် ဥပဒေရေးရာနယ်ပယ်တွင် ထူးချွန်ပြီး Fox News တွင် Justice with Judge Jeanine အစီအစဉ်ကို ၁၀ နှစ်ကြာ ဦးဆောင်ခဲ့ကာ ယခုအခါ The Five (အဆင့်မြင့် ရုပ်သံအစီအစဉ်) တွင် ပူးတွဲအစီအစဉ်မှူး အဖြစ် ဆောင်ရွက်လျက်ရှိပြီး ထရမ့်နှင့် ရင်းနှီးသူတစ်ဦးလည်းဖြစ်သည်။

ယခင်က နယူးယောက်ပြည်နယ် Westchester County ၏ ခရိုင်ရှေ့နေအဖြစ် တာဝန်ထမ်းဆောင်ခဲ့ဖူးသည်။

အဆိုပါခန့်အပ်မှုသည် ဝါရှင်တန်ဒီစီရှိ တရားစီရင်ရေးဆိုင်ရာ လုပ်ငန်းဆောင်တာများကို ပြန်လည်စီမံရန် ထရမ့်၏ မဟာဗျူဟာတစ်ခုအဖြစ် သုံးသပ်ကြသည်။

ဒီမိုကရက်တို့က ထိုရွေးချယ်မှုအား "အရည်အချင်းမပြည့်မီသော နိုင်ငံရေးဆိုင်ရာ ချီးမြှောက်မှု" ဟု ဝေဖန်ခဲ့သည်။

ရီပတ်ဘလီကန်များမှမူ Pirro ၏ အတွေ့အကြုံများကို အသိအမှတ်ပြုခဲ့ပြီး ခိုင်မာသော တရားစီရင်ရေးစနစ်အတွက် သင့်တော်သူဟု ဆိုသည်။

Pirro ၏ ခန့်အပ်မှုသည် ဝါရှင်တန်ဒီစီရှိ လက်ရှိဥပဒေရေးရာ အစီအစဉ်များအပေါ်  သိသာထင်ရှားသော သက်ရောက်မှုရှိမည်ဟု မျှော်မှန်းရပါသည်။

ကိုးကား- CNN

ဘာသာပြန်ဆိုသူ- ဦးဝင်းဇော်ထွန်း၊ ဒုတိယညွှန်ကြားရေးမှူး၊ နစက-၂

နိုင်ငံတကာမှခေါင်းဆောင်များသည် အောင်ပွဲခံချီတက်ပွဲအတွက် ကရင်မလင်သို့ ရောက်ရှိလာကြပြီး ဂုဏ်ပြုတပ်ဖွဲ့နှင့် သံစုံတီးဝိုင်းမှ ကော်ဇောနီဖြင့် ကြိုဆိုဂုဏ်ပြုခဲ့ကြပါသည်။

ကိုးကား- ကရင်မလင်